22 მარტს გაიმართა „კორპორაციული სოციალური პასუხისმგებლობის (CSR) კლუბის“ საერთო კრება, რომელსაც კლუბის 70-მდე წევრი ორგანიზაციის წარმომადგენელი დაესწრო.
საერთო კრება საანგარიშო ხასიათს ატარებდა, რომლის დროსაც კლუბის რამდენიმე წევრმა საკუთარი ორგანიზაციის კორპორაციული პასუხისმგებლობის წლიური ანგარიში წარადგინა. შეხვედრაზე მოხდა კლუბის ახალი წევრების წარდგენაც.
ჯეპრა უერთდება ჭრელი წინდების კამპანიას #წინდამინდა.
„საქართველოს დაუნის სინდრომის ასოციაცია“ წელს მერვედ აღნიშნავს დაუნის სინდრომის მსოფლიო დღეს. წლევანდელი მსოფლიო კამპანიის გზავნილია "არავინ დატოვო მიღმა".
6 თვიანი სამშენებლო სამუშაოების შემდეგ, თბილისში „Gebrüder Weiss“-ის ახალი ლოგისტიკური ტერმინალი ოფიციალურად გაიხსნა.
აღნიშნული გაფართოების შედეგად კომპანიის არსებულ ტერმინალს დაემატა 2300 კვადრატული მეტრის ფართობის ტვირთების დასამუშავებელი სივრცე, 7800 კვადრატული მეტრის ფართობის ღია, მოპირკეთებული სივრცე და 300 კვადრატული მეტრის ფართობის საოფისე სივრცე. მთლიანობაში კომპანიის თბილისის ფილიალი 90 ათას კვადრატულ მეტრს ფარავს.
ღონისძიების ორგანიზება და მედია მხარდაჭერა ჯეპრამ უზრუნველყო.
კონკურსში „ბიზნესი გენდერული თანასწორობისთვის“ გამარჯვებულია ჯეპრა.
ჯეპრა წარმატებით ამკვიდრებს ქალების პროფესიული განვითარებისა და კარიერული წინსვლის მხარდაჭერის კორპორაციულ კულტურას კომპანიაში.
1 მარტს თბილისის ილუზიების მუზეუმი გაიხსნა.
ილუზიების მუზეუმი ადგილია, სადაც ყველანაირი: ოპტიკური, ფიზიოლოგიური და შემეცნებითი ილუზია ერთადაა წარმოდგენილი. მუზეუმი აერთიანებს პერსპექტივის, ოპტიკური თუ სხვა ტიპის ილუზიურ და ფაზლების ოთახებს, სადაც ვიზიტორებს დიდაქტიკურ თამაშებში ჩაბმა შეეძლებათ. სხვაგვარად, რომ ვთქვათ, მუზეუმში შეგიძლიათ იცინოთ, იკივლოთ, გადაიღოთ ფოტოები და გააკეთოთ ნებისმიერი რამ, რაც სხვა მუზეუმებში აკრძალულია.
ჯეპრამ ილუზიების მუზეუმის გახსნისთვის მედია ტური უზრუნველყო.
სასტუმრო ჰოლიდეი ინიში, იშვიათი დაავადებების მსოფლიო დღისადმი მიძღვნილი, რიგით მეათე ღონისძიება, გენეტიკური და იშვიათი დაავადებების საქართველოს ფონდის მხარდაჭერით იმართება. წელს ფონდმა 2019 წლის პრიორიტეტად იშვიათი დაავადება ცისტური ფიბროზი (მუკოვისციდოზი) გამოაცხადა.
ღონისძიების მედია მხარდაჭერას ჯეპრა უზრუნველყოფს.
23-24 თებერვალს, ბიზნესლიდერთა ფედერაციამ „ქალები მომავლისთვის“ გამოცდილი და პოტენციური მეწარმე ქალებისათვის რეგიონულ ტრენინგ-სემინარები ჩაატარა ქუთაისში.
23 თებერვალს საზოგადოებასთან ურთიერთობის, მარკეტინგისა და ზოგადი მენეჯმენტის ტრენინგი ჩატარდა, რომელსაც „ჯეპრას“ უფროსი კონსულტანტი, სოსო გალუმაშვილი უძღვებოდა.
ტრენინგ-სემინარების ციკლი ქალთა გაძლიერებისა და კარიერული განვითარების ხელშეწყობის მიზნით, ამერიკის საელჩოს მხარდაჭერით, „დემოკრატიის კომისიის მცირე გრანტების“ პროგრამის ფარგლებში ჩატარდა.
ჯეპრას დირექტორმა, ეკატერინე ჟვანიამ გასული წელი შეაფასა და 2019 წლის გეგმებზე ისაუბრა.
საქართველოს სავაჭრო-სამრეწველო პალატის ორგანიზებით, გაიმართა კვლევის შედეგების პრეზენტაცია, სახელწოდებით „პროფესიულ საგანმანათლებლო დაწესებულებებს შორის თანამშრომლობის არსებული და სამომავლო გზების კვლევის ანგარიში“.
აღნიშნულ ანგარიშში ასახულია შესაბამისობის კვლევის შედეგები, რეგიონული ბიზნესის მიერ მოთხოვნად პროფესიებსა და პროფესიული საგანმანათლებლო დაწესებულებების სასწავლო პროგრამებს შორის.
კვლევა საქართველოს 3 რეგიონში განხორციელდა. პრეზენტაციას პალატასთან არსებული „დუალური პროფესიული განათლების საკოორდინაციო საბჭოს“ წევრები, ასევე, ბიზნეს-სექტორისა და პროფესიული საგანმანათლებლო დაწესებულებების წარმომადგენლები დაესწრნენ.
ბიზნესლიდერთა ფედერაციამ „ქალები მომავლისთვის“ უკვე მოქმედი და პოტენციური მეწარმე ქალებისათვის რეგიონულ ტრენინგ-სემინარები ჩაატარა ბათუმში, სასტუმრო „ჰილტონ ბათუმში“. ტრენინგს ჯეპრას უფროსი კონსულტანტი, სოსო გალუმაშვილი უძღვებოდა.
