რთული წელი გამოდგა. მიუხედავად იმისა, რომ ბევრი რამ გავაკეთეთ, ბევრ საკითხში საგრძნობლად წავიწიეთ წინ და ბევრი რამ გავაუმჯობესეთ, ტრანსფორმაციის პროცესით უკმაყოფილო ვარ. უფრო სწორად მისი ტემპით.

პიარსკოლის ტრანსფორმაცია და ახალი ბიზნეს მოდელის ჩამოყალიბება, მინდა გასაკუთრებით აღვნიშნო. შემიძლია ამაყად ვთქვა, რომ 11 წლის იუბილე ღირსეულად აღვნიშნეთ და პიარსკოლის შემდეგი 10-წლიანი სტრატეგიული გეგმის სწორი მონახაზი გვაქვს და უნიკალური ფასეული შეთავაზებაც, რომლის კოპირებაც არამარტო ქართულ ბაზარზე არამედ ზოგაგად ძნელი იქნება.

ჯეპრაში ჩამოვაყალიბეთ „წინსვლის ჯგუფი“, რომელიც მსოფლიოში წამყვან კომპანიებში დანერგილ ტექნოლოგიურ და მეთოდოლოგიურ სიახლეებს ეცნობა, აანალიზებს და ამზადებს ჯეპრაში დასანერგად. 2018-ში რამდენიმე სიახლე უკვე დაინერგა მათ შორის, პროქტების მართვის მოქნილი და თანამედროვე მოდელი TAM, მეთოდი, რომელიც გუნდის წევრების შესაძლებლობებისა და უნარების ეფექტიანად გამოყენებასა და გუნდურობის ეჯაილ პრინციპზეა დაფუძნებული.