25 ოქტომბერს, ბათუმში, სასტუმრო ,,ჰილტონში" გაიმართა მდგრადი განვითარების მიზნების გამოფენა (#SDG Fair), რომელშიც მონაწილეობა 20-მდე წამყვანმა ბიზნესკომპანიამ მიიღო.

გამოფენის პარალელურად გაიმართა პანელური დისკუსია, სადაც მოწვეულმა სპიკერებმა ისაუბრეს ბიზნესის ჩართულობასა და მულტისექტორული თანამშრომლობის მნიშვნელობაზე საქართველოში 2030 დღის წესრიგის განხორციელების პროცესში.

ღონისძიება იმართება არასამთავრობო ორგანიზაცია სიდას და ჯეპრას ორგანიზებითა და შვედეთის მთავრობის მხარდაჭერით.

იხილეთ ფოტოები

12 ოქტომბერს, გურჯაანში ღვინის ფესტივალი გაიმართა.

ფესტივალს წელს 30 000-მდე შიდა და საერთაშორისო ტურისტი ესტუმრა მთელი საქართველოდან და მეგობარი ქვეყნებიდან.

ღონისძიების სტუმრებისთვის წარმოდგენილი იყო როგორც ქვევრში დაყენებული, ასევე დიდი და მცირე მარნების მიერ წარმოებული სხვადასხვა ტიპის ღვინო, ჭაჭა და სხვა სასმელები. მოეწყო ღვინის თემატიკაზე შექმნილი ნამუშევრების გამოფენა-გაყიდვა, საბავშო, რეკრეაციული და სხვა ტიპის სივრცეები, სპეციალურად ფესტივალისთვის შეიქმნა საშემოდგომო, ისტორიული და კულინარიული პავილიონები.

ფესტივალის ორგანიზება ჯეპრამ უზრუნველყო.

იხილეთ ფოტოები

#ქალაქიხასიათით - ასე ჰქვია ქართული მინერალური წყალი „ბორჯომის“ შემოქმედებით კონკურსს, რომელმაც სტარტი აიღო და კონკურსანტებს უკვე დღეიდან ელის. კონკურსის მიზანია საქართველოს ქალაქების ინდივიდუალური ხასიათის წარმოჩენა და მათი ფართო აუდიტორიისთვის გაცნობა.

პროექტის ფარგლებში გამართულ პრესკონფერენციაზე კონკურსის ორგანიზატორებმა და ჟიურის წევრებმა კონკურსის მნიშვნელობაზე, მონაწილეობის წესებსა და შეფასებების კრიტერიუმებზე ისაუბრეს.

პროექტის ორგანიზება ჯეპრამ უზრუნველყო.

12 სექტემბერს კონსტიტუციის 42-ე მუხლში, კიდევ ერთი პროგრამის ინიცირების შეხვედრა გაიმართა. ჯეპრა ორგანიზაციას კომუნიკაციის გაუმჯობესებაში დაეხმარება და მისი დადებითი იმიჯის ფორმირებას უზრუნველყოფს.

20 აგვისტოს შეხვედრების სივრცემ გერმანიის ეკონომიკური გაერთიანებისა (DWV) და მისი წევრი კომპანიის ჯეპრას ორდღიან პრაქტიკულ ტრენინგს „ეფექტიანი პიაკამპანიები“ უმასპინძლა.

ჯეპრას ინიციატივით 2019 წლის გაზაფხულზე დაარსდა ნიკო ნიკოლაძის საუნივერსიტეტო პრემია.

პირველი პრემია 23 ივლისს თსუ-ს სტუდენტური კონკურსის „მისიის“ გამარჯვებულებს გადაეცათ.

თსუ-ს სტუდენტური კონკურსის „მისიის“ გამარჯვებულები გამოვლენილია.

ფინალისტმა გუნდებმა საკუთარი პროექტები სპეციალური ჟიურის წინაშე წარადგინეს. გამარჯვებულებს ფულადი თანხა და ნიკო ნიკოლაძის პრემია გადაეცათ.

იხილეთ ფოტოები

ქართულ-ამერიკულ უნივერსიტეტში ტურიზმის მხარდაჭერის ინიციატივის ფარგლებში სემინარი "ბიზნეს მოდელის შექმნა" გაიმართა, რომელსაც ჯეპრას დამფუძნებელი და უფროსი კონსულტანტი, სოსო გალუმაშვილი უძღვებოდა.

იხილეთ ფოტოები

„პარტნიორობა ადგილობრივი განვითარებისათვის"-ასე ჰქვია შეხვედრების სერიას, რომელსაც სიდა საქართველოს რეგიონებში მართავს. შეხვედრები საინფორმაციო ხასიათისაა და ადგილობრივი თვითმმართველობის, ბიზნესისა და სამოქალაქო ორგანიზაციების წარმომადგენლების აქტიური ჩართულობით ტარდება.

ჯეპრას კორპორაციული პასუხისმგებლობის, მენეჯერმა თაკო ვარამაშვილმა ისაუბრა ბიზნესის როლზე მდგრადი განვითარების მიზნების ხელშეწყობისთვის, ასევე მონაწილეებს გააცნო პარტნიორობის საუკეთესო მაგალითები.

იხილეთ ფოტოები