პირველად ისტორიაში საქართველოს ფეხბურთის ეროვნული ნაკრები EURO 2024-ში მონაწილეობს! 🇬🇪🇬🇪
ჯეპრას თანამშრომელი საქართველოს გამარჯვებას სტადიონზე აღნიშნავს
2023 წლის ივნისში, ჯეპრას გუნდს სტაჟიორების ახალი ნაკადი შემოუერთდა. ერთ-ერთი მათგანი, იოანე ცაგარეიშვილი ჯეპრას გუნდის წევრიც გახდა. იოანეს გატაცება სპორტია და განსაკუთრებით – ფეხბურთი.
როგორც ყველა თავგამოდებული ქომაგი, საქართველო-საბერძნეთის გადამწყვეტ მატჩსაც დაესწრო და მესამე დღეა ყველა ადგილობრივი თუ უცხოური გამოცემის და სატელევიზიო გადაცემის ერთ-ერთი მთავარი გმირი საქართველოს ეროვნული ნაკრების გამარჯვებით გახარებული და აღტკინებული იოანეა.
ჯეპრელებმა ერთიმეორეს გულმხურვალედ მივულოცეთ გამარჯვება, მაგრამ განსაკუთრებით, ჩვენს იოანეს, რომელმაც არამარტო ჯეპრას, არამედ მთელი საქართველოს უსაზღვრო ემოციები გამოხატა თამაშის შემდეგ.
ჩვენო იოანე, ასეთი გამარჯვებებითა და ემოციებით გაიკვალე გზა საკონსულტაციო ბიზნესსა და შენს შემდგომ საქმიანობაში!
კახეთში, 2024 წლის მთავარი კულინარიული მოვლენა, საქართველოსა და ბასკეთის გასტრონომიული კონგრესი “Culinary Connection Euskadi-Georgia” გაიმართა
ახალი სიტყვა გასტრონომიაში
2 მარტს, კახეთში, 2024 წლის მთავარი კულინარიული მოვლენა, საქართველოსა და ბასკეთის გასტრონომიული კონგრესი – “Culinary Connection Euskadi-Georgia” გაიმართა.
კონგრესის ფარგლებში მოეწყო პანელური დისკუსიები, პრეზენტაციები და კულინარიული შოუ, რომელსაც ცნობილი ბასკი და ქართველი შეფები უძღვებოდნენ. ღონისძიებას 250-ზე მეტი ადამიანი ესწრებოდა. კონგრესზე მოწვეულები იყვნენ საქართველოს ყველა კუთხეში მოქმედი სასტუმროებისა და რესტორნების შეფ-მზარეულები.
ღონისძიება საქართველოს ეკონომიკისა და მდგრადი განვითარების სამინისტროს, ტურიზმის ეროვნული ადმინისტრაციისა და ბასკეთის მთავრობის მხარდაჭერით, ასევე ბასკეთის კულინარიული ცენტრისა და Mantala-ს ორგანიზებით ჩატარდა.
ბასკეთი-საქართველოს გასტრონომიული კონგრესი, მიზნად ისახავს არა მხოლოდ კულინარიულ ოსტატობის, არამედ – ენოგასტროტურიზმისა და ქართული სამზარეულოს განვითარებას.
ჯეპრას ორგანიზებით გაიმართა მედიასემინარი თემაზე - ბადურის დაავადებების გავლენა მხედველობის დაქვეითებაზე
ღონისძიებას უძღვებოდა საკონსულტაციო კომპანია ჯეპრას კონსულტანტი ელენე თაყაიშვილი. მედიის წარმომადგენლებისთვის პრეზენტაცია გამართა ექიმმა ოფთალმოლოგმა თეკლა მამაგეიშვილმა. შეხვედრა მხედველობაზე ზრუნვის ადვოკატირების კამპანიის „სულ რომ გვხედავდე“ ფარგლებში განხორციელდა. ღონისძიების მიზანს პრობლემის აქტუალიზაცია და მედიის წარმომადგენლებისთვის სწორი ინფორმაციის მიწოდება წარმოადგენდა.
ამ პროცესში საზოგადოებისა და მედიის ჩართულობის როლი უმნიშვნელოვანესია, რომ ერთად შევძლოთ მნიშვნელოვანი პრობლემის შესახებ ცნობიერების ამაღლება და გავაუმჯობესოთ პაციენტების ცხოვრების ხარისხი. #სულრომგვხედავდე
6 თებერვალს, თბილისის საკრებულოს სადღესასწაულო დარბაზში კიბოს მსოფლიო დღესთან დაკავშირებით ღონისძიება გაიმართა. შეხვედრა კამპანიის „სრულფასოვანი მკურნალობა – უწყვეტი ზრუნვა“ ფარგლებში მოეწყო, რომლის მიზანს საქართველოს ყველა მოქალაქისთვის ონკოლოგიურ სერვისებზე თანაბარი და სრული ხელმისაწვდომობის უზრუნველყოფა წარმოადგენს.
შეხვედრაზე მიმოიხილეს საქართველოში ბოლო 10 წლის განმავლობაში განხორციელებული ცვლილებები ონკოლოგიურ სერვისებზე ხელმისაწვდომობის გაზრდის მიმართულებით. ასევე გაიმართა მსჯელობა არსებულ გამოწვევებზე და სამომავლო გეგმებზე, რათა პაციენტისთვის ხელმისაწვდომი იყოს სრულფასოვანი მკურნალობა.
დადიანების სასახლის პრომო ვიდეო
მუზეუმისა და USAID საქართველოს ადამიანური და ინსტიტუციური შესაძლებლობების განვითარების USAID Georgia HICD Activity პროექტის ფარგლებში, საკონსულტაციო ორგანიზაცია ჯეპრას ორგანიზებით, მომზადდა მუზეუმის პრომო ვიდეო-რგოლი.
ბათუმში აჭარის კულტურული მემკვიდრეობის დაცვის სააგენტოს კომუნიკაციის სამოქმედო გეგმის განსახილველად სამუშაო შეხვედრები გრძელდება.
სააგენტოს თანამშრომლებს ჩვენმა კონსულტანტებმა კომუნიკაციის გრძელვადიანი გეგმის კონკრეტული აქტივობები წარუდგინეს. აგრეთვე, სააგენტოს აქტიური ჩართულობით მიმდინარეობს, კულტურული მემკვიდრეობის ობიექტების პოპულარიზაციის მიზნით, განსახორციელებელი მედია-კამპანიების დაგეგმვა. გარდა ამისა, ჩავატარეთ ტრენინგი ეფექტური კომუნიკაციისა და კრიზისების პრევენციული ღონისძიებების დაგეგმვის შესახებ.
USAID Georgia HICD Activity პროგრამის ფარგლებში სააგენტოს საკომუნიკაციო სტრატეგია უკვე შემუშავდა. 2 წლიანი სამოქმედო გეგმა სტრატეგიის მიხედვით განსაზღვრული მიზნებისა და ამოცანების მისაღწევად, კონკრეტული ქმედებების ერთობლიობას მოიცავს და სააგენტოს მედიასთან და სამიზნე აუდოტორიებთან ეფექტურ კომუნიკაციაში დაეხმარება.
ჯეპრას უფროსი პიარკონსულტანტი კახა მაღრაძე აჭარის კულტურული მემკვიდრეობის დაცვის სააგენტოს კომუნიკაციის სამოქმედო გეგმის შემუშავების შესახებ
პროგრამის ფარგლებში, სააგენტოს საკომუნიკაციო სტრატეგია უკვე შემუშავდა. 2 წლიანი სამოქმედო გეგმა, სტრატეგიის მიხედვით განსაზღვრული მიზნებისა და ამოცანების მისაღწევად, კონკრეტული ქმედებების ერთობლიობას მოიცავს და სააგენტოს მედიასთან და სამიზნე აუდოტორიებთან ეფექტურ კომუნიკაციაში დაეხმარება.
აჭარის კულტურული მემკვიდრეობის დაცვის სააგენტოს თანამშრომლებს ჯეპრას კონსულტანტმა რუსუდან უსტიაშვილმა სოციალური მედიის შესახებ ვრცელი ტრენინგი ჩაუტარა
კონდომის საერთაშორისო დღე
13 თებერვალს მთელს მსოფლიოში კონდომის საერთაშორისო დღე აღინიშნება.
ამ დღესთან დაკავშირებით AHF საქართველოს და ჯეპრას ორგანიზებით საინფორმაციო შეხვედრა გაიმართა სლოგანით „ყოველთვის მოდაშია“, რითაც კიდევ ერთხელ შევახსენეთ საზოგადოებას, რომ კონდომი საუკეთესო და უსაფრთხო საშუალებაა აივ-ს, სხვა სქესობრივი გზით გადამდები ინფექციების და დაუგეგმავი ორსულობის თავიდან ასაცილებლად.
შეხვედრა მედიის, კრეატიული სააგენტოების და მხარდამჭერების ჩართულობით შედგა, სადაც შიდსის ჯანდაცვის ფონდის წარმომადგენლებმა დამსწრე საზოგადოებას კონდომის გამოყენების მნიშვნელობა და სქესობრივი გზით გადამდები დაავადებების შესახებ მნიშვნელოვანი და საჭირო ინფორმაცია გაუზიარეს.
ადგილზე ყველა მსურველს შესაძლებლობა ჰქონდა უფასო და ანონიმური 4 კომპონენტიანი ტესტირება ჩაეტარებინა: აივ ინფექცია, C და B ჰეპატიტები და სიფილისი. „ერთი ჩხვლეტა, 4 პასუხი“ სკრინინგის ინიციატივა მიზნად ისახავს მოსახლეობას მიაწოდოს ხელმისაწვდომი და ყოვლისმომცველი ჯანდაცვის სერვისები. სემინარის ყველა მონაწილეს საჩუქრად კონდომები გადაეცათ.
ენერგოეფექტური ღუმელების თანადაფინანსების პროგრამა
ჯეპრა სოფლის განვითარების სააგენტოსთან თანამშრომლობით ახორციელებს “ენერგოეფექტური ღუმელების თანადაფინანსების პროგრამის” საინფორმაციო კამპანიას.
კამპანია მოიცავს საქართველოს რვა მუნიციპალიტეტში (დედოფლისწყარო, ყვარელი, თელავი, ახმეტა, თიანეთი, ოზურგეთი, ჩოხატაური, ლანჩხუთი) საინფორმაციო ბილბორდების განთავსებას, ფლაერების გავრცელებას და სოციალურ და ციფრულ კამპანიას.
კამპანიის ფარგლებში დამზადდა ვიდეო, რომელიც აღწერს რა გზა უნდა გაიაროს მომხმარებელმა თანადაფინანსების მისაღებად.
ენერგოეფექტური ღუმელების თანადაფინანსების პროგრამის ფარგლებში გაიმართა შეხვედრები კახეთსა და გურიაში
ენერგოეფექტური ღუმელების თანადაფინანსების პროგრამის ფარგლებში გაიმართა შეხვედრები კახეთსა (თელავი, დედოფლისწყარო, ახმეტა, თიანეთი, ყვარელი) და გურიაში (ლანჩხუთი, ოზურგეთი, ჩოხატაური) შეხვედრებზე მუნიციპალიტეტების მოსახლეობას წარედგინათ პროგრამის შესახებ ინფორმაცია, ენერგოეფექტური ღუმელების უპირატესობები და პროგრამით სარგებლობის პირობები.
ენერგოეფექტური ღუმელების თანადაფინანსების პროგრამას ახორციელებს საქართველოს მთავრობა შვეიცარიის განვითარებისა და თანამშრომლობის სააგენტოსთან და გერმანიის ეკონომიკური თანამშრომლობისა და განვითარების ფედერალურ სამინისტროსთან ერთად, ხოლო პროგრამის საინფორმაციო მხარდაჭერას ჯეპრა უზრუნველყოფს.
„ეფეს საქართველო“-ს ახალი კრაფტ ლუდის „ტაატი NEIPA“ პრეზენტაცია
NEIPA გამოირჩევა არომატულობითა და ზომიერი სიმწარით. „ტაატი NEIPA” მზადდება შეზღუდული რაოდენობით, სპეციალურ დანადგარებში. ლუდი ხელმისაწვდომია 0.5 შუშის ბოთლში და გაიყიდება ქსელურ ობიექტებში
ტაატი არის ბრენდი, რომელიც მხარს უჭერს თანამედროვე ქართულ ხელოვნებას, კერძოდ თეატრს, ფერწერას და ჯაზს. საღამოს დაუვიწყარი ატმოსფერო ახალგაზრდა ქართველი მუსიკოსების მიერ შესრულებულმა ჯაზის ჰანგებმა შექმნა.
ღონისძიების მედია მხარდაჭერა ჯეპრას გუნდმა უზრუნველყო.
კომპანია „პეპსიკომ“ მისი ერთ-ერთი ბრენდის, სოფლის ნობათის ეკო-მეგობრულ საწარმოში მედიის წარმომადგენლები და ინფლუენსერები მიიწვია და წარმოება დაათვალიერებინა
სტრატეგიის ფარგლებში, კომპანიას დანერგილი აქვს არაერთი ისეთი პრაქტიკა, როგორიცაა განახლებადი ენერგიის გამოყენება, წყლის დაზოგვა, მზის პანელების გამოყენება, კონდენსატის ხელახალი გამოყენება და ა.შ.
სტრატეგიის გაცნობის შემდეგ მოწვეულმა სტუმრებმა მოისმინეს „ეკოხედვის“ გარემოს დაცვის ექსპერტის, გია სოფაძის მოკლე ლექცია გარემოს დაცვის მიმართულებით არსებულ გამოწვევებთან დაკავშირებით.
ღონისძიების ორგანიზება ჯეპრას გუნდმა უზრუნველყო, ხოლო მოდერატორობას უწევდა ჯეპრას უფროსი პარტნიორი კახა მაღრაძე.
29 თებერვალს იშვიათი დაავადების მსოფლიო დღისადმი მიძღვნილი ღონისძიება გაიმართა
29 თებერვალს იშვიათი დაავადების მსოფლიო დღისადმი მიძღვნილი ღონისძიება გაიმართა, რომელიც გენეტიკური და იშვიათი დაავადებების საქართველოს ფონდის (GeRaD) მხარდაჭერით ეწყობა. ამ დღეს ფონდი უკვე მეთხუთმეტედ შეუერთდა.
ღონისძიებას დაესწრნენ ექიმები, პაციენტები, პაციენტის ოჯახის წევრები, სამთავრობო სექტორისა და მედიის წარმომადგენლები. ღონისძიების სპიკერებმა ისაუბრეს იშვიათი დაავადების სიმძიმესა და მკურნალობის მიმართულებით დღეს მიღწეულ შედეგებზე.
ღონისძიებაზე განიხილეს და იმსჯელეს 2024-2030 წწ. საქართველოს იშვიათი დაავადებების ეროვნული სტრატეგიასა და სამომავლო გეგმებზე. საინფორმაციო კამპანიის, მათ შორის, ღონისძიების ორგანიზება ჯეპრას გუნდმა უზრუნველყო.
2024 წლის კანის ლომების ახალგაზრდული ფესტივალის კონკურსის პიარის კატეგორიის ჟიურის წევრი ჯეპრას უფროსი კონსულტანტი კახა მაღრაძე იყო
HICD ინსტიტუციური განვითარების ცენტრმა კახეთის რეგიონში ჯგუფური ქოუჩინგის სესიები დაიწყო თემაზე - “სტრატეგიული კომუნიკაცია”.
ჯეპრას უფროსი კონსულტანტი კახა მაღრაძე კომუნიკაციის ექსპერტის ამპლუაში გვიყვება რას ითვალისწინებს აღნიშნული პროექტი.
ჰემოფილიის მსოფლიო დღისადმი მიძღვნილი ღონისძიება
შეხვედრა საქართველოს ჰემოფილიის და დონორობის ასოციაციის ეგიდითა და ორგანიზებით მოეწყო. ღონისძიების მიზანია ჰემოფილიის მსოფლიო დღის აღნიშვნა, მადლიერების გამოხატვა ჰემოფილიის მქონე ადამიანების მკურნალობის დაფინანსებისთვის და ცხოვრების ხარისხის გაუმჯობესებისთვის.
ჰემოფილიის მსოფლიო დღის საინფორმაციო კამპანიას ჯეპრას გუნდი უკვე მეხუთე წელია ახორციელებს. წლევანდელი კამპანიის ფარგლებში ჯეპრამ უზრუნველყო ღონისძიების ორგანიზება და მართვა და მედია და სოცმედია მხარდაჭერა.
პიარსკოლის 5️⃣0️⃣ -ე საიუბილეო გამოშვება!
საქართველოს კარდიოლოგთა ასოციაციის, ჰიპერტენზიის საზოგადოების და ფრანგული კომპანია „სერვიეს“ ერთობლივი ინიციატივით ხელი მოეწერა მემორანდუმს “ბრძოლა მომავლისთვის 50/27
ღონისძიების ოფიციალურ ნაწილს დაესწრნენ შრომის, ჯანმრთელობისა და სოციალური დაცვის მინისტრი მიხეილ სარჯველაძე, საფრანგეთის ელჩი შერაზ გასრი და პარლამენტის ჯანდაცვის კომიტეტის თავმჯდომარე ზაზა ლომინაძე.
აღნიშნული მემორანდუმი წარმოადგენს გაცხადებულ ნებას, რომ ხელმომწერი საქართველოს სამედიცინო საზოგადოების წარმომადგენლები ერთიანდებიან ჰიპერტენზიის წინააღმდეგ ბრძოლაში, რაც უამრავი სიცოცხლის გადარჩენის ტოლფასია!
ღონისძიებას მედიადაფარვა ჯეპრას გუნდმა უზრუნველყო.
კომპანია გუდვილმა საკონსულტაციო სააგენტო „ჯეპრასთან” თანამშრომლობით ვიდეოების სერია დაგეგმა
კახა მაღრაძე: „იზრდება გულწრფელი და ღია კომუნიკაციის მნიშვნელობა. დღეს მანიპულაციის დრო აღარ არის!“
„ეფეს საქართველო“ ლუდისა და ლიმონათის შემდეგ, ენერგეტიკული სასმელების კატეგორიაში შედის და მომხმარებელს ახალ პროდუქტს „პიკს“ სთავაზობს
“პიკი“ დამზადებულია უმაღლესი ხარისხის ინგრედიენტებით. მისი უნიკალური ფორმულა კოფეინსა და ტაურინთან ერთად შეიცავს მრავალ ვიტამინს (B2, B5, B6 B12). „ეფეს საქართველოს“ მიზანია „პიკი“ გახდეს ბაზრის ლიდერი ბრენდი საქართველოში და დაიმკვიდროს ადგილი პრემიუმ სეგმენტში ახლო მომავალში.
„პიკის“ წარდგენა გუდაურში გაიმართა, სადაც მედიის წარმომადგენლებს და სტუმრებს შესაძლებლობა მიეცათ დაეგემოვნებინათ ახალი სასმელი.
#პორტფოლიო – 10 მნიშვნელოვანი პროექტი სააგენტო ჯეპრას ნამუშევრებიდან
„პიკის“ წარდგენა გუდაურში გაიმართა, სადაც მედიის წარმომადგენლებს და სტუმრებს შესაძლებლობა მიეცათ დაეგემოვნებინათ ახალი სასმელი.
