აი, სტარტაპი

საქართველოში პატარა, მაგრამ საინტერესო AI სტარტაპების ეკოსისტემა არსებობს. ყველაზე წარმატებულ ქართულ სტარტაპად Pulsar AI რჩევა, რომელიც რამდენიმე წლის წინ მსხვილმა ამერიკულმა კომპანიამ შეისყიდა. სხვა პერსპექტიული სტარტაპებია Theneo, Helio AI, Widgera, Calen AI და Quissly. ასევე არიან კომპანიები, რომლებიც კორპორაციული კლიენტებისთვის AI პროდუქტებსა და სერვისებს ქმნიან: Supernova, მონაცემთა ანალიზის ლაბორატორია/ენაგრამი და Neurio.

საქართველოში მილიონ მოსახლეზე 2 AI სტარტაპია, ესტონეთში კი – 10. ამიტომ, სივრცე ახალი სტარტაპებისა და პროდუქტებისთვის ჯერ კიდევ არის.

ქართული AI სტარტაპები აქტიურად მუშაობენ აგენტების (მომხმარებელთა მხარდაჭერა, იკომერსი და გაყიდვები), ქოლცენტრების ავტომატიზაციაზე, იკომერსში პროდუქტების ძიებაზე, რეკრუტინგის სისტემებზე, მარკეტინგულ ინსტრუმენტებსა და მომხმარებელთა ანალიტიკაზე. 

საბანკო სექტორი ლიდერია, თუმცა რითეილს, ფარმაციას, სამედიცინო, სადაზღვევო და თამაშების ინდუსტრიას დიდი მოცულობის მონაცემები აქვთ, რომელთა მონეტიზაცია ჯერ არ ხდება.

AI სტარტაპების ზრდის ძირითადი ბარიერებია ბაზრის შეზღუდული ზომა, გლობალური კონკურენცია, AI ტალანტებისა და გამოცდილი პროფესიონალების ნაკლებობა. ასევე, გამოწვევაა გამოთვლით რესურსებზე და ინფრასტრუქტურაზე შეზღუდული წვდომა.

AI სტარტაპები საქართველოში ძირითადად GITA-ს საგრანტო პროგრამისა და Axel-ის, ანგელოზ ინვესტორების ქსელის მეშვეობით იღებენ დაფინანსებას, ასევე Future Lab-ის მსგავსი აქსელერაციის პროგრამებით. თუმცა ეს მექანიზმები ძირითადად ადრეულ ეტაპზე (იდეა/MVP) მხარს უჭერენ, ხოლო მასშტაბირებისთვის სტარტაპები გლობალურ აქსელერატორებსა და ტექ-კომპანიების პროგრამებს მიმართავენ.