ანი იოსელიანმა და თაკო ბატიაშვილმა ახალგაზრდა კანის ლომების კონკურსში პრინტის კატეგორიაში ბრინჯაოს მედალი მოიპოვეს. ანი იოსელიანმა და თაკო ბატიაშვილმა ახალგაზრდა კანის ლომების კონკურსში პრინტის კატეგორიაში ბრინჯაოს მედალი მოიპოვეს. 

წელს, საქართველოს შემოქმედებითი ნაკრები 6 გამარჯვებული გუნდისგან ჩამოყალიბდა. კონკურსი ექვს კატეგორიაში მიმდინარეობდა: Print, PR, Digital, Design, Film და Marketer. ოქროს ჯილდოს მფლობელი გუნდები ივნისის თვეში საფრანგეთის ქალაქ კანში, მსოფლიო ჩემპიონატზე გაემგზავრებიან და საქართველოს სახელით იასპარეზებენ.

12 წლის წინ კომპანიის დაარსების შემდეგ, ეს ლოგისტიკური ცენტრის რიგით მესამე გაფართოებაა.
თბილისის ტერმინალის გახსნის ცერემონიალს ავსტრიის ელჩი საქართველოში რობერტ გერშნერი, Gebruder Weiss-ის რეგიონული მენეჯერი-ტომას მოზერი, ეკონომიკისა და მდგრადი განვითარების მინისტრი – ლევან დავითაშვილი დაესწრნენ. ღონისძიების ორგანიზება და მედიამხარდაჭერა ჯეპრას გუნდმა უზრუნველყო.

"მაკდონალდს საქართველო" მომხმარებელს ორ ახალ ლოკაციაზე - გოთუას ქუჩა #7-სა და ვაჟა-ფშაველას გამზირი #71-ში მოემსახურება. რესტორნების ოფიციალური გახსნა 1 ოქტომბერს შედგა.

გოთუას ქუჩაზე მდებარე რესტორანი გამორჩეულია ეკომეგობრული მიდგომებით - აღჭურვილია მზის პანელებით, ელექტრომობილების დამტენი სადგურებითა და მწვანე კედლით.

გახსნის ცერემონიას დაესწრნენ "მაკდონალდს საქართველოს" პრეზიდენტი თემურ ჭყონია, გენერალური დირექტორი თენგიზ კაპანაძე, ამერიკის საელჩოს წარმომადგენლები და მოწვეული სტუმრები.

ღონისძიების ორგანიზება და მედიაკომუნიკაცია ჯეპრას გუნდმა უზრუნველყო.

28-29 სექტემბერს დედაენის ბაღმა ბავარიული ოქტობერფესტი უმასპინძლა. ორდღიანი ფესტივალი ტრადიციული კასრის გახსნის ცერემონიით გაიხსნა და სტუმრებს ნამდვილი გერმანული დღესასწაულის განწყობა შესთავაზა.

Lowenbrau-ს ორგანიზებით, ფესტივალზე სახალისო კონკურსები და შეჯიბრებები გაიმართა. გამარჯვებულისთვის მთავარი პრიზი - მიუნხენის ოქტობერფესტზე დასასწრები საგზური იყო გათვალისწინებული.

ღონისძიებაზე სტუმრებს საშუალება ჰქონდათ დაეგემოვნებინათ გერმანული ლუდი და ტრადიციული კერძები, ასევე მოესმინათ ბავარიული მუსიკისთვის და მონაწილეობა მიეღოთ სხვადასხვა აქტივობაში.

ფესტივალის მედიამხარდაჭერას ჯეპრას გუნდი უზრუნველყოფდა.

გამომცემლობა "პალიტრა L"-თან თანამშრომლობით, პროექტ "ლურჯი ოკეანის" ფარგლებში, ქართველ მკითხველს მსოფლიოს ერთ-ერთი წარმატებული ინვესტორისა და მეწარმის, რეი დალიოს წიგნი "პრინციპები" წარედგინა.

წიგნში ავტორი საუბრობს იმ არატრადიციულ მიდგომებზე, რომლებიც მან ორმოცი წლის განმავლობაში შეიმუშავა და დახვეწა. ეს პრინციპები მას დაეხმარა როგორც პირად ცხოვრებაში, ასევე ბიზნესში წარმატების მიღწევაში. დალიოს გამოცდილება და რჩევები სასარგებლო იქნება როგორც ინდივიდებისთვის, ასევე ორგანიზაციებისთვის.

"პრინციპები" რიგით 21-ე წიგნია, რომელიც "ბიზნესლიტერატურის" პროექტის ფარგლებში გამოიცა. წიგნის შეძენა შესაძლებელია "ბიბლუსის" მაღაზიათა ქსელში და ონლაინ პლატფორმაზე.

ჯეპრას სამი თანამშრომელი ახალ პოზიციებზე დაწინაურდა. ელენე თაყაიშვილი და ანუკი ცხოვრებაძე უფროსი კონსულტანტის პოზიციაზე გადავიდნენ, ხოლო სალომე ქვრივიშვილი უმცროსი კონსულტანტის თანამდებობას დაიკავებს.

ჯეპრას და Digital Future-ის თანამშრომლობით COOP-ისთვის ახალი სარეკლამო ვიდეორგოლი მომზადდა. პროექტზე მუშაობა რამდენიმე ეტაპად წარიმართა: შემუშავდა კრეატიული კონცეფცია, დაიწერა სცენარი და განისაზღვრა კადრირება.

გადაღების პროცესში ორი პროფესიონალი შეფ-მზარეული მონაწილეობდა. მათ გუდვილში წარმოდგენილი COOP-ის პროდუქტებით რამდენიმე გამორჩეული კერძი მოამზადეს. ვიდეორგოლის მუსიკალური გაფორმებაც სპეციალურად პროექტის კონცეფციის შესაბამისად შეირჩა.

სარეკლამო რგოლის იდეის ავტორი და განმახორციელებელი ჯეპრას გუნდია, ხოლო ტექნიკურ მხარდაჭერას Digital Future უზრუნველყოფდა.

ჰიპერტენზიის საინფორმაციო კამპანიის “გაიზომე წნევა - #ამასშენთვისგეუბნები“ ფარგლებში,  კომპანია „სერვიე“, საქარველოს კარდიოლოგთა საზოგადოებასთან და ჯანდაცვის პროფესიონალებთან ერთად, ჰიპერტენზიის წინააღმდეგ ბრძოლას, ტრადიციულად, უფასო სკრინინგ პროგრამით განაგრძობს. წელს, ჰიპერტენზიის გასინჯვებით, სრულიად უსასყიდლოდ, 2000-მდე პაციენტმა ისარგებლა.

29-30 ივნისს,  თბილისში, ექსპო ჯორჯიას პავიოლონებში, მასშტაბური უფასო გასინჯვები მოეწყო, სადაც ერთ სივრცეში თავი მოიყარა 22 კლინიკის წამყვანმა სპეციალისტმა. მაღალი მოთხოვნიდან გამომდინარე, ადგილზე ანგიოლოგიური კაბინეტიც გაიხსნა. ორი დღის განმავლობაში, პაციენტებმა კარდიოლოგიური და ანგიოლოგიური გამოკვლევები ერთდროულად ჩაიტარეს. 

ჰიპერტენზიის უფასო გასინჯვები ექიმთან კონსულტაციასა და პირველად კარდიოლოგიურ გამოკვლევებს მოიცავდა.  ყველა დაინტერესებულ პირს, ვისაც აწუხებდა არტერიული წნევა, გააჩნდა თანმხლები გართულებები კარდიოლოგიური მიმართლებით ან უბრალოდ სურდა გაეგო, იყო თუ არა ჰიპერტენზიის (მაღალი არტერიული წნევა) რისკ-ჯგუფში, შესაძლებლობა ჰქონდა გადაემოწმებინა საკუთარი ჯანმრთელობა, გადაეღო ელექტროკარდიოგრამა და  გაეზომა სისხლში გლუკოზის დონე. კარდიოლოგთან ვიზიტის შემდეგ, მსურველები ანგიოლოგთან გადიოდნენ კონსულტაციას, საჭიროების შემთხვევაში, მომსახურება დოპლერის გადაღებასაც მოიცავდა.