შოვის კურორტის განვითარება და განაშენიანება
09 ნოემბერი 2021
3 ნოემბერს, სასტუმრო „ჰოლდეი ინნ თბილისში“ ტურიზმისა და ეკონომიკის სფეროს ექსპერტების მონაწილეობით სამუშაო შეხვედრა გა...
შოვის კურორტის განვითარება და განაშენიანება

09 ნოემბერი 2021
Copy to clipboard

 

3 ნოემბერს, სასტუმრო „ჰოლდეი ინნ თბილისში“ ტურიზმისა და ეკონომიკის სფეროს ექსპერტების მონაწილეობით სამუშაო შეხვედრა გაიმართა თემაზე: „შოვის კურორტის განვითარება და განაშენიანება“.
 
შეხვედრის ფარგლებში მოხდა „შოვის მთის კურორტის“ პროექტის წარდგენა და არსებული გამოწვევებისა და სამომავლო გეგმების განხილვა.
 
ღონისძიების მიზანს პროექტის მასშტაბურობის, უნიკალურობისა და საჭიროების შესახებს საზოგადოების ინფორმირებულობა და მხარდაჭერა წარმოადგენს, რაც შოვის ტურისტული შესაძლებლობების სრულად ათვისებასა და რეგიონის ეკონომიკურ გაძლიერებას შეუწყობს ხელს.
გზა ჯეპრამდე - ლალიტას და სალომეს ისტორია
01 ნოემბერი 2021
სალომე ქვრივიშვილი და ლალიტა კვიჟინაძე საქართველოს უნივერსიტეტისა და ჯეპრას ერთობლივი პროექტის უპრიანის მონაწილეები არ...
გზა ჯეპრამდე - ლალიტას და სალომეს ისტორია

01 ნოემბერი 2021
Copy to clipboard

 

სალომე ქვრივიშვილი და ლალიტა კვიჟინაძე საქართველოს უნივერსიტეტისა და ჯეპრას ერთობლივი პროექტის "უპრიანის" მონაწილეები არიან, სწორად აქ დაიწყო მათი ჯეპრასთან თანამშრომლობის ისტორია. 

სალომე ქვრივიშვილი: "შესაძლოა ითქვას, ჯეპრასთან მრავალწლიანი ურთიერთობა მაკავშირებს. ჩვენი თანამშრომლობა ჯერ კიდევ 2019 წელს საქართველოს უნივერსიტეტისა და ჯეპრას ერთობლივი სტუდენტური პროექტით, „უპრიანით“ დაიწყო. მას შემდეგ ჯეპრას ორგანიზებულ არაერთ საინტერესო პროექტში მივიღე მონაწილეობა და საბოლოოდ, სტაჟირების პერიოდის წარმატებით დასრულების შემდეგ, კომპანიის გუნდს შევუერთდი. 

ამჟამად ჯეპრაში პროექტების ასისტენტის პოზიციას ვიკავებ და ჩემი მოვალეობებიც ისეთივე მრავალფეროვანია, როგორც სააგენტოს დღის წესრიგი. თუმცა, ჩემი ძირითადი საქმიანობა მაინც ციფრულ კომუნიკაციას უკავშირდება და მომავალშიც ამ მიმართულებით ვგეგმავ კიდევ უფრო განვითარებას.

რას ურჩევდი სტუდენტებს, ვინც ახლა იწყებს ამ სფეროში საქმიანობას?

სასურველი მიზნის მისაღწევად, ყველაფერთან ერთად, ძალიან მნიშვნელოვანია აღმოჩნდე სწორ დროს სწორ გარემოში. ამიტომ სტუდენტებს ვურჩევდი, ეცადეთ, იყოთ ყველგან და ყოველთვის, როცა თქვენს სფეროში რამე საინტერესო ხდება - საჯარო ლექციებზე, ვორქშოპებზე, სტაჟირების, თუ მოხალისეობრივ პროგრამებში...

ლალიტა კვიჟინაძე: "სწორედ უნივერსიტეტისა და ჯეპრას თანამშრომლობის შედეგია, რომ დღეს ამ კომპანიის წევრი ვარ. ჯერ კიდევ სტუდენტობის პერიოდში მათი თანამშრომლობით შეიქმნა საკომუნიკაციო პლატფორმა ,,უპრიანი’’, რომლის კონტენტს მთლიანად სტუდენტები ვქმნიდით, შემდეგ კი ,,ჯეპრაში’’ სტაჟირების პერიოდში საოცარ გუნდთან ერთად, ძალიან საინტერესო აპლიკაციის ბრენდინგსა და საკომუნიკაციო სტრატეგიაზე ვიმუშავე. შედეგად, დღეს ჯეპრას გუნდის წევრი ვარ".

რა გეგმები გაქვს უახლოეს მომავალში?

რამდენადაც მრავალმხრივია სტრატეგიული კომუნიკაციების სფერო, იმდენად მრავალმხრივია ჩემი მიზნებიც. მარკეტინგის ფსიქოლოგია ძალიან მაინტერესებს, ასევე, კომფორტულად ვგრძნობ თავს წერის პროცესში და მინდა ცოდნა გავიღრმავო ქოფირაითინგის მიმართულებით. მჯერა, რომ აწმყო ყველაზე კარგი დროა, იმისთვის, რომ ჩვენი ოცნებების რეალობად ქცევა დავიწყოთ.

ჯეპრას მხარდაჭერით ქართულ ენაზე გამოიცა მენეჯმენტის გურუს პიტერ დრაკერის "დრაკერის რჩეული"
29 ოქტომბერი 2021
პირველად საქართველოს ისტორიაში ქართულ ენაზე გამოიცა მენეჯმენტის გურუს, მენეჯმენტის პროფესიის შემქმნელის პიტერ დრაკერის ...
ჯეპრას მხარდაჭერით ქართულ ენაზე გამოიცა მენეჯმენტის გურუს პიტერ დრაკერის "დრაკერის რჩეული"

29 ოქტომბერი 2021
Copy to clipboard

 

პირველად საქართველოს ისტორიაში ქართულ ენაზე გამოიცა მენეჯმენტის გურუს, მენეჯმენტის პროფესიის შემქმნელის პიტერ დრაკერის "დრაკერის რჩეული".
 
წიგნი პიტერ დრაკერის 60 წლიანი შემოქმედების საუკეთესო ნაშრომების რჩეული თავებისგან შედგება და ის, როგორც დრაკერის ყველა სხვა წიგნი მსოფლიო ბესტსელერად იქცა.
 
თავად დრაკერი შესავალაში ასე ახასიათებს საკუთარ ნაშრომს: ეს ნაწარმოები არის არა მხოლოდ ნებისმიერი ავტორის ნაშრომების გასაცნობად შედგენილ რჩეულთა შორის ერთ-ერთი საუკეთესო, არამედ, დარწმუნებული ვარ, ის ასევე ნამდვილად უნიკალური, შეკრული, თვითმყოფადი რჩეულია მენეჯმენტისა და მისი საბაზისო პრინციპების, პრობლემების, გამოწვევებისა და შესაძლებლობების გასაცნობად.
 
"დრაკერის რჩეული" გამომცემლობა კომერსანტმა გამოსცა, გამომცემლობა "ბაკმის" მხარდაჭერითა და ხელშეწყობით.
გამომცემელია ბიზნესმენი არმაზ თავაძე.
 
პროექტის მხარდამჭერები არიან დეველოპერული კომპანია ავტოგრაფი • Autograph, სადაზღვევო კომპანია არდი • ARDI და ჯეპრა • Gepra.
ვარდისფერი ოქტომბერი - ხათუნა ჭინჭარაშვილის ისტორია
22 ოქტომბერი 2021
ინტერვიუ ხათუნა ჭინჭარაშვილთან, რომელმაც სიმსივნესთან ბრძოლაში გაიმარჯვა! მოგვიყევით თქვენი ისტორია, როგორ გაიგეთ თქვ...
ვარდისფერი ოქტომბერი - ხათუნა ჭინჭარაშვილის ისტორია

22 ოქტომბერი 2021
Copy to clipboard

 

ინტერვიუ ხათუნა ჭინჭარაშვილთან, რომელმაც სიმსივნესთან ბრძოლაში გაიმარჯვა!

  1. მოგვიყევით თქვენი ისტორია, როგორ გაიგეთ თქვენი დიაგნოზის შესახებ;

2018 წელს, თვითგასინჯვით, მარჯვენა სარძევე ჯირკვალში აღმოვაჩინე მცირე ზომის წარმონაქმნი. „კიბო ხომ არ არისთქო“, მახსოვს გავიფიქრე, მაგრამ უცებ დავიმშვიდე თავი -  სულ ცუდზე როგორ უნდა ვიფიქრო.  ექიმთან მაინც მალევე მივედი და დიაგნოზიც მეორე დღესვე ელექტრონულად მივიღე. „ინვაზიური სადინროვანი კარცინომა“. თვაიდან შევშინდი, როგორც გვჩვევია დავგუგლე და ჯერ ამ ფორმით გავიგე, რომ კიბო მქონდა.

  1. რა იგრძენით დიაგნოზის გაგებისას და როგორ მიუდექით ამ ყველაფერს?

პირველი განცდა იყო უარყოფის და ფლუსტრაციის. თითქოს სამყარომ, რაღაც შერჩევითობის პრინციპით, უარი გითხრა სიცოცხლეზე და არსებობაზე.  თავიდან გწყინს და ნებდები, მერე ბრაზდები და ეწინააღმდეგები, შემდეგ აღიარებ და იწყებ მოქმედებას. ესეთ ემოციურ მდგომარეობაში, იმისათვის რომ იმოქმედო, უნდა გამოხვიდე საკუთარი თავიდან, გვერდიდან შეხედო მოვლენებს. ხშირად ვამბობ: „კიბო პროექტად ვაქციეთქო“ და ასე გავხდი ამ პროექტის მენეჯერი. მოვიძიე, შევისწავლე, კომპლექსურად მივუდექი და მივიყვანე დასასრულამდე.

  1. რა გაძლევთ ყველაზე დიდ მოტივაციას?

ყველაზე დიდ მოტივაციას იმ ადამიანების მოსმენა მაძლევდა, ვისაც ეს გზა უკვე გავლილი ჰქონდა. უამრავ მათგანს მოვუსმინე. ზოგს ვეთანხმებოდი, ზოგს არა. მათგან მომქონდა ის, რაც გამაძლიერებდა და გადარჩენის იმედს გამიღვივებდა. ვუყურებდი და ვფიქრობდი: „ამათ შეძლეს, შევძლებ მეც.“

  1. რას ეტყოდით იმ ადამიანს ვინც ახლა გაიგო, რომ აქვს ძუძუს სიმსივნე? რა ნაბიჯები უნდა გადადგას ყველაფრის ემოციურად გამკლავებისთვის?

ვურჩევდი, კიბოს შეხედონ მხოლოდ როგორც ჯანმრთელობის პრობლემას. შემოაცალონ ის სტიგმები, ფობიები, დრომოჭმული და სტერეოტიპული დამოკიდებულებები, როგორც თვითონ დაავადებას, ასევე მისი მკურნალობის გზებსაც. მოიძიონ ახალი სტატისტიკები და მართლაც დარწმუნდნენ, რომ დიდი ნაბიჯებით არის წინ წასული ონკოლოგია და უკვე  შესაძლებელია როგორც ხანგრძლივი რემისიის, ასევე სრულად განკურნების მიღწევაც კი და რომ თანამედროვე ქიმიოთერაპიები დამზოგველია და რომ უკვე არსებობს „ჭკვიანი წამლებიც“, რომლებიც ზიანის მოყენების გარეშეც გვკურნავს.

ვურჩევდი, ჯერ ყურადღებით შეარჩიონ მკურნალი ექიმი და შემდეგ მიენდონ და გულისყურით შეასრულონ ექიმის რეკომენდაციები.

ვურჩევდი, დაგვიმეგობრდნენ ჩვენ, მათ ვინც უკვე გავიარეთ ეს გზა და მზად ვართ ხელჩაკიდებულები გავყვეთ მკურნალობის პროცესში. „წინა კაცის“ გამოცდილება ბევრად უფრო ნათელს ხდის გზას და ასუსტებს იმ შიშს, რაც ჩვენთვის უცხოს ახლავს თან. 

  1. რატომ არის მნიშვნელოვანი ძუძუს კიბოზე ცნობიერების ამაღლება საზოგადოებაში?

ძუძუს კიბოზე ცნობიერების ამაღლება ამსუბუქებს როგორც ონკოპაციენტის და მათი ოჯახის წევრების, ახლობლების მდგომარეობას, ასევე იმ ადამიანბის მდგომარეობასაც, ვისაც შეხება არც კი ჰქონია ონკოლოგიასთან. პირველ შემთხვევაში საქმე გვაქვს ონკოპაციენტის მიმართ სწორ და ჯანსაღ უკუკავშირთან და მეორე შემთხვევაში კი - ჯანმრთელი ადამიანები თავისუფლდებიან ონკოლოგიური დაავადებების შიშისგან, რაც შესაძლოა გაუცნობიერებლადაც კი აწუხებდეთ. პრევენცია, დროული სკრინინგი - დაავადების შემთხვევაში ძუძუს კიბოსგან განკურნების 100%-იანი შესაძლებლობა, ხოლო დაავადების არარსებობის დროს კი ფსიქოლოგიური სიმშვიდის მოპოვების შესაძლებლობაა.

ვარდისფერი ოქტომბერი - ძუძუს კიბოს შესახებ ცნობიერების ამაღლების თვე
01 ოქტომბერი 2021
ინტერვიუ მეგი თედეევთან, რომელმაც სიმსივნესთან ბრძოლაში გაიმარჯვა! მოგვიყევით თქვენი ისტორია, როგორ გაიგეთ თქვენი დიაგნ...
ვარდისფერი ოქტომბერი - ძუძუს კიბოს შესახებ ცნობიერების ამაღლების თვე

01 ოქტომბერი 2021
Copy to clipboard

 

ინტერვიუ მეგი თედეევთან, რომელმაც სიმსივნესთან ბრძოლაში გაიმარჯვა!

მოგვიყევით თქვენი ისტორია, როგორ გაიგეთ თქვენი დიაგნოზის შესახებ;

მარცხენა ძუძუში სიმკვრივე ვიგრძენი, მეორე დღესვე მივმართე ექიმს, ცუდი მოლოდინი არ მქონია, თუმცა ინტუიციამაც და ჯანმრთელობამაც დამაღალატა და 2021 წლის 8 ივნისს დამისვეს დიაგნოზი - მარცხენა ძუძუს ავთვისებიანი კარცინომა.

რა იგრძენით დიაგნოზის გაგებისას და როგორ მიუდექით ამ ამბავს?

დიაგნოზმა ძალიან მატკინა გული. ვიყავი უმწეო, უძლური და უსუსური, დავუშვი ყველა ცუდი ვარიანტი, რადგან მაშინ არ ვიცოდი რომ "კიბო განაჩენი არ არის". დრო დამჭირდა, რომ მიმეღო და მეღიარებინა დიაგნოზი, თუმცა სწორი მიდგომით, სანდო ექიმებით, განწყობით და მრავალი სხვა დადებითი და პოზიტიური ფაქტორით, მე ეს ომი მოვიგე.

რა გაძლევთ ყველაზე დიდ მოტივაციას?

პირველი მოტივაცია თვითონ სიცოცხლის სიყვარულია. ძალიან დამეხმარნენ შვილები განწყობის შენარჩუნება კი არა-გაუმჯობესებაში, ოჯახი, მეგობრები და ორგანიზაცია EUROPA DONNA GEORGIA, რომელიც ჰაერივით საჭირო იყო ჩემი ფსიქოსოციალური მდგომარეობის და ცნობიერების ამაღლებისთვის.

რას ეტყოდით იმ ადამიანს ვინც ახლა გაიგო, რომ აქვს ძუძუს სიმსივნე? რა ნაბიჯები უნდა გადადგას ყველაფრის ემოციურად გამკლავებისთვის?

თუკი შემიძლია რამე ვურჩიო ამ დაავადებასთან მებრძოლ ონკოპაციენტებს, ვეტყოდი მათ- იბრძოლეთ ისე, რომ გაიმარჯვოთ, გაიცანით დიაგნოზი, მართეთ, ჩაერთეთ გამოჯანმრთელების პროცესში მთელი ენერგიით და არ გაბედოთ დანებება და დაღლა, რადგან ეს არის ომი, რომლის მოგებითაც იმარჯვებს სიცოცხლე.

რატომ არის მნიშვნელოვანი ძუძუს კიბოზე ცნობიერების ამაღლება საზოგადოებაში?

სანამ დავრწმუნდებოდი, რომ კიბო განაჩენი არ არის, რთული იყო ყველაფერი, მაგრამ ცნობიერების ამაღლება და ინფორმაციის ქონა ამ ბრძოლაში გამარჯვების ტოლფასი შეიარაღებაა. სიფრთხილე და წელიწადში ერთხელ სკრინინგი გადაარჩენს მეტ სიცოცხლეს. ჯანმრთელობას გისურვებთ!

სტარტაპი Stack მეწარმეობის მსოფლიო თასი საქართველოს ფინალური ღონისძიების გამარჯვებულია
20 ივლისი 2021
სტარტაპმა Stack Entrepreneurship Word Cup Georgia-ს ფინალურ ღონისძიებაზე მთავარი პრიზი მოიპოვა და გლობალური ფინალისტი გა...
სტარტაპი Stack მეწარმეობის მსოფლიო თასი საქართველოს ფინალური ღონისძიების გამარჯვებულია

20 ივლისი 2021
Copy to clipboard

 

სტარტაპმა Stack Entrepreneurship Word Cup Georgia-ს ფინალურ ღონისძიებაზე მთავარი პრიზი მოიპოვა და გლობალური ფინალისტი გახდა.  

სტარტაპის თანადამფუძნებელი გიორგი ლალიაშვილი გლობალური კონკურსის მომდევნო რაუნდში 200 ქვეყნის ეროვნული გამარჯვებულების წინააღმდეგ იბრძოლებს მილიონი დოლარის ფულადი ჯილდოს მისაღებად.

Stack-ის ინტერნეტ ბრაუზერი დაფუძნებულია ერგონომიურ პრინციპებზე და მომხმარებლებს შესაძლებლობას აძლევს უკეთ მოახდინონ ვებ კონტენტის ორგანიზება, განახორციელონ ნავიგაციის პროცესი სხვა ბრაუზერებთან შედარებით ორჯერ უფრო სწრაფად და შეასრულონ  ამოცანები დაბრკოლებების გარეშე.

EWC გლობალური ფინალისთვის მოსამზადებლად, ლალიაშვილი მონაწილეობას მიიღებს გლობალურ აქსელერაციის პროგრამაში, რომელიც მოიცავს ვირტუალურ ტრენინგსა და ინდივიდუალური მენტორობის პროცესს და მიზნად ისახავს კომპანიის ზრდის ხელშეწყობას.

Entrepreneurship World Cup Georgia -ს კონკურსის ფინალისტები იყვნენ: 

  • Citypay.io, ბლოკჩეინის სისტემაზე დაფუძნებული გადახდის სისტემა,რომელიც ბიზნესს კრიპტო ტრანზაქციების განხორციელებას მნიშვნელოვნად შემცირებული დანახარჯებით სთავაზობს.
  • Omofox, გლობალური ციფრული სატვირთო გადაზიდვების პლატფორმა
  • Dinespace, აპლიკაცია რომელიც მომხმარებელს შესაძლებლობას აძლევს, წინასწარ შეუკვეთონ სასურველი საკვები და წინასწარვე შეძლონ ანგარიშსწორება.
  • ge, ციფრული აგრო პლატფორმა, რომელიც მიზნად ისახავს ტრადიციული აგრო მარკეტის ჩანაცვლებას
  • Sustainable Geniuses, თამაში რომელიც მიზნად ისახავს ახალგაზრდებში ფინანსური განათლების პოპულარიზაციას
  • Green Lab , ერთჯერადი, ეკო მეგობრული, ბიოდეგრადირებადი აქსესუარები

 ადგილობრივი მხარდამჭერებისა და პარტიორებისა მიერ დაწესებული ჯილდოების მფლობელები გახდნენ:

  • Dinespace – დაჯილდოვდა პროექტის მხარდამჭერი მობილური ოპერატორის ‘ბილაინის’ მიერ 3000 ლარიანი ფულადი პრიზით;
  • Sustainable Geniuses – დაჯილდოვდა ფაბლაბ ილიაუნისა და პრე-აქსელერატორი  Zoomout-ის მიერ მენტორობის პროგრამითა და პროტოტიპის შემუშავებით; საკონსულტაციო კომპანია ‘ჯეპრას’ მიერ ქართულ ენაზე ადაპტირებული ბიზნეს ლიტერატურით ;
  • თითოეული მონაწილე კონკურსანტი მიიღებს წვდომას უფასო ვირტუალური ტრენინგებსა და 25,000 აშშ დოლარამდე ღირებულების სერვისებთან

კონკურსის ჟიური მოიცავდა სამოქალაქო, აკადემიური, ტექნოლოგიური და ბიზნეს სექტორის პროფესიონალებს, მათ შორის :

  • თინა ღოლაძე, მმართველი დირექტორი, გლობალური სამეწარმეო ქსელი
  • ნანა დიხამინჯია, ვიცე რექტორი ინოვაციებისა და მეცნიერების პოპულარიზაციის მიმართულებით, ილიას სახელმწიფო უნივერსიტეტი
  • დავით ჩეჩელაშვილი, ტექნოლოგიური ანტრეპრენერი
  • ნატო ჩაკვეტაძე, პროგრამის კოორდინატორი, 500 Startups
  • ჯაბა შავიშვილი, ციფრული პროდუქტების მენეჯერი, ბილაინი
  • ნუცა სუბელიანი, უფროსი კონსულტანტი, საკონსულტაციო კომპანია ჯეპრა

მეწარმეობის მსოფლიო თასის კონკურსი ხორციელდება გლობალური სამეწარმეო ქსელი საქართველოსა  და ილიას სახელმწიფო უნივერსიტეტის ორგანიზებით, მობილური ოპერატორის ბილაინის მხარდაჭერით. პროექტის პარტნიორები არიან - მეწარმეთა ასოციაცია, საქართველოს ინოვაციებისა და ტექნოლოგიების სააგენტო, ინგლისურ ენოვანი ონლაინ გამოცემა Caucasus Business Week და საკონსულტაციო კომპანია ჯეპრა.

მეწარმეობის მსოფლიო თასის ღონისძიებაში 2021 წელს   200 ქვეყნის 150 000-ზე მეტმა კონკურსანტმა მიიღო მონაწილეობა.  ინიციატივა მიზნად ისახავს სტარტაპების ბიზნესის განვითარებისა და მასშტაბირების ხელშეწყობას, გლობალური სააქსელერაციო პროგრამის დახმარებით .

გლობალური ფინალისტები ერთმანეთს შეხვდებიან Misk Global Forum- ზე, რიადში, საუდის არაბეთში, ოქტომბერში.
EWC არის ინიციატივა, რომელსაც ხელმძღვანელობენ Misk Global Forum, გლობალური მეწარმეობის ქსელი და გლობალური განათლებისა და ლიდერობის ფონდი, ეროვნული და გლობალური პარტნიორების, მათ შორის GSVlabs და მეწარმეთა ორგანიზაციის, მხარდაჭერით.

 

ყველაფერი ჩვენს ხელშია
15 ივლისი 2021
13 ივლისს, ვასო გოძიაშვილის სახელობის „წითელ ბაღში“ საინფორმაციო კამპანია „ყველაფერი ჩვენს ხელშია“ ფარგლებში ექიმი რევმა...
ყველაფერი ჩვენს ხელშია

15 ივლისი 2021
Copy to clipboard

 

13 ივლისს, ვასო გოძიაშვილის სახელობის „წითელ ბაღში“ საინფორმაციო კამპანია „ყველაფერი ჩვენს ხელშია“ ფარგლებში ექიმი რევმატოლოგები, პაციენტები და მათი მხარდაჭერები შეიკრიბნენ და სახელმწიფო სტრუქტურებს კიდევ ერთხელ შეახსენეს დაავადების მკურნალობის ხელმისაწვდომობის აუცილებლობა.
 
ღონისძიება რევმატოიდული ართრიტით დაავადებულ პაციენტთა კავშირის ეგიდით მოეწყო და მიზნად ისახავს საზოგადოებისა და სახელმწიფოს ინფორმირებულობას დაავადებისა და მისი მკურნალობის შესახებ, რათა მოხდეს დროული დიაგნოსტიკა და ბიოლოგიურ მედიკამენტებზე ხელმისაწვდომობის უზრუნველყოფა, რაც პაციენტებს მისცემს ხარისხიანი ცხოვრების შესაძლებლობას.
 
პაციენტების სურვილია სახელმწიფოს მიაწოდონ მნიშვნელოვანი გზავნილი - "ყველაფერი ჩვენს ხელშია" და მკურნალობის შედეგად, მათი ცხოვრების და შრომისუნარიანობის ხარისხი მნიშვნელოვნად გაუმჯობესდება, ისინი შეძლებენ დარჩნენ საზოგადოების აქტიურ წევრებად.
ბორჯომის ტყის აღდგენა გრძელდება
25 ივნისი 2021
#ბორჯომიგულშემატკივარის ეგიდით დღემდე, ბორჯომის პლატოს ტერიტორიაზე აღვადგინეთ 4 ჰექტარზე მეტი ფართობი და დავრგეთ 20 000-...
ბორჯომის ტყის აღდგენა გრძელდება

25 ივნისი 2021
Copy to clipboard

 

#ბორჯომიგულშემატკივარის ეგიდით დღემდე, ბორჯომის პლატოს ტერიტორიაზე აღვადგინეთ 4 ჰექტარზე მეტი ფართობი და დავრგეთ 20 000-ზე მეტი ნერგი
წლების განმავლობაში ხეების დარგვის ღონისძიებებში, კომპანიის თანამშრომლებთან ერთად, უამრავი ადამიანი მონაწილეობდა.
 
კომპანია IDS ბორჯომი საქართველოს ინიციატივით, წლების წინ ბორჯომის პლატოს ტერიტორიაზე დაწყებული ტყის აღდგენა-განახლების პროექტი, COVID19-ის პანდემიის მიუხედავად, უწყვეტ რეჟიმში გრძელდება. საგაზაფხულო დარგვების ფარგლებში, პლატოს ტერიტორიას, კიდევ 2000 კავკასიური ფიჭვის ნერგი შეემატა. ამ დრომდე, კომპანიამ პროექტის #ბორჯომიგულშემატკივარი ფარგლებში, 4  ჰექტარი მიწის ფართობი აღადგინა და 17 000-ზე მეტი ნერგი დარგო. 
 
ყველა გულშემატკივარს, რომელსაც 2012 წლიდან დღემდე მონაწილეობა მიუღია ბორჯომის ტყის აღდგენის პროექტში, ვებგვერდზე www.csr.borjomi.com – იპოვე შენი ხე ღილაკის საშუალებით, შეუძლია ბორჯომის პლატოს ვირტუალურ გარემოში, საკუთარი სახელის მოძიება და დარგული ნერგის ნახვა. 
 
 

კრეატიულობა ყველაზე მეტად თავს სწორედ კრიზისულ სიტუაციებში იჩენს თავს და მაშინ ხდება გამოსადეგი
24 ივნისი 2021
„კრეატიულობა პიარში“ რომელიც რიგით მეშვიდე გლობალური კვლევაა გამოავლინა, რომ პიარის კომპანიებისთვისა და სპეციალისტებისთვ...
კრეატიულობა ყველაზე მეტად თავს სწორედ კრიზისულ სიტუაციებში იჩენს თავს და მაშინ ხდება გამოსადეგი

24 ივნისი 2021
Copy to clipboard

 

„კრეატიულობა პიარში“ რომელიც რიგით მეშვიდე გლობალური კვლევაა გამოავლინა, რომ პიარის კომპანიებისთვისა და სპეციალისტებისთვის პანდემიამ კრეატიულობის გამოწვევები გაზარდა. როგორც კვლევიდან ირკვევა, გასული 18 თვის განმავლობაში კომპანიები კრეატიულობას უფრო და უფრო მეტ პრიორიტეტს ანიჭებენ.

2021 წლის რეპორტი, რომელზეც იმუშავეს ისეთმა საერთაშორისო ორგანიზაციებმა, როგორებიცაა PRovoke Media, Now Go Create და FleishmanHillard გამოიკითხეს მსოფლიოს გარშემო 300 კომპანია.

ბუნებრივია, რომ წლევანდელი კვლევა პანდემიის გარშემო მომხდარი ცვლილებებისა და კრეატიულობაზე ამ ცვლილებების გავლენის შესახებ ფოკუსირდა. რესპოდენტების უმრავლესობის თქმით, კრეატიულ გადაწყვეტებზე მოთხოვნის გაზრდის პარალელურად მათ მოუწიათ საკუთარი პერსონალური კრეატიული მიდგომების გაუმჯობესება.

წმინდა კრეატიული გადმოსახედით, პანდემიამ პიარის სფეროს ექსპერიმენტების, ახალი გზებსა და მეთოდოლოგიების გამოყენების შესაძლებლობა მისცა.  გამოკითხვაში მონაწილეთა 70% მიიჩნევს, რომ პანდემიამ ფუნდამენტურად შეცვალა ის კრეატიული მიდგომები, რომლითაც ბიზნესების პრობლემებს წყვეტდნენ. 

კვლევის შედეგები შეაფასა ჯეპრას უფროსმა კონსულტანტმა კახა მაღრაძემ:

"როგორც კვლევაშია დაფიქსირებული, კრეატიულობა ყველაზე მეტად თავს სწორედ კრიზისულ სიტუაციებში იჩენს თავს და მაშინ ხდება გამოსადეგი. ჩვენ შემთხვევაშიც ასე მოხდა, ვინაიდან გლობალურმა პანდემიამ შეაფერხა ჩვენს გარშემო ყველაფერი და ბევრ ბიზნესს საერთოდ არსებობის პრობლემა დაუდგა, აი აქ დაიწყო არატრადიციული გზების და ორიგინალური გადაწყვეტილების ინტენსიური ძებნა. თუმცა, აქ მნიშვნელოვანია კრეატიულობის კარგი განმარტება და დასკვნების მაგის შემდეგ გაკეთება. ჩემი აზრით, ნებისმიერი არაორდინალური გადაწყვეტილება ან პრობლემის მოგვარებისადმი განსხვავებული მიდგომა უკვე კრეატივად ჩაითვლება. საქართველოში საკომუნიკაციო ინდუსტრიას კრეატიულობის ეს „ზრდა“ უფრო მეტად ციფრული არხების და ინსტრუმენტების მეტად გამოყენებასა და დისტანციური გაყიდვებისა და პრომოუშენის განვითარებაში გამოიხატა. ანუ, ბევრი ბიზნესი მიხვდა, რომ ტრადიციული მეთოდები უკვე აღარ იყო რელევანტური და გადაერთო ბიზნესის ონლაინ წარმოებაზე, რამაც თვისებრივად შეცვალა ბევრი ბიზნესის შიდა პროცესები, მარკეტინგული კომუნიკაცია თუ კლიენტების მომსახურების სტანდარტები. სწორედ ამან გამოიწვია, ჩემი აზრით, მეტი შემოქმედებითობა ჩვენს სფეროში".

ბლოგის სანახავად მიჰყევით ლინკს აქ.

როგორ შევქმნათ პროდუქტი, რომელიც მომხმარებელს სურს
21 ივნისი 2021
როგორ შევქმნათ პროდუქტი, რომელიც მომხმარებელს სურს – ამ თემაზე გადაცემაში „FM ქოუჩი“ ჯეპრას უფროსმა კონსულტანტმა სოსო გა...
როგორ შევქმნათ პროდუქტი, რომელიც მომხმარებელს სურს

21 ივნისი 2021
Copy to clipboard

 

როგორ შევქმნათ პროდუქტი, რომელიც მომხმარებელს სურს – ამ თემაზე გადაცემაში „FM ქოუჩი“ ჯეპრას უფროსმა კონსულტანტმა სოსო გალუმაშვილმა ისაუბრა.

სოსო, როგორ იქმნება წარმატებული პროდუქტი?

გქონია ერთი შეხედვით კარგი იდეა, რომელმაც არ გაამართლა? გსურს ახალი პროდუქტის შექმნა, მაგრამ არ ხარ დარწმუნებული იდეის სისწორეში? ვერ განსაზღვრავ ზუსტად, რა სურთ შენს მომხმარებლებს? გინდა, თავიდან აიცილო დროისა და ფულის ფუჭი ხარჯვა?

მაშინ წარმატებული ბიზნესის ჩამოყალიბების გზაზე, წიგნის „როგორ შევქმნათ პროდუქტი, რომელიც მომხმარებელს სურს“ წაკითხვა პირველი სწორი გადაწყვეტილება იქნება. ეს წიგნი ადამიანებს ეხმარება შექმნან ზუსტად ისეთი პროდუქტი ან მომსახურება, რომელიც მომხმარებლისთვის საჭირო იქნება.

რა არის ღირებული შეთავაზების ტილო?

ღირებული შეთავაზების ტილოს ორი მხარე აქვს: მომხმარებლის პროფილით უჩვენებთ, რა წარმოდგენა გაქვთ მომხმარებელზე, ღირებულებათა რუკით ხსნით, როგორ აპირებთ ამ მომხმარებლისთვის ღირებულების შექმნას. ორივე მხარეს შორის თანხვედრას მაშინ აღწევთ, როდესაც ისინი ერთმანეთის შესაბამისია.

მომხმარებლის პროფილი 3 ნაწილისგან

შედგება: 

მომხმარებლის ამოცანა გვიჩვენებს, რისი მიღწევისკენ ისწრაფვის მომხმარებელი მისივე თქმით, სამსახურსა და ცხოვრებაში.

სატკივარი აღნიშნავს მომხმარებლის საქმიანობასთან დაკავშირებულ არადამაკმაყოფილებელ შედეგებს რისკებსა და დაბრკოლებებს.

სარგებელი ხსნის მომხმარებლისთვის სასურველ შედეგებს ან იმ კონკრეტულ სარგებელს, რომელსაც ის ელოდება.

ღირებულებათა რუკა 3 ნაწილისგან შედგება:

ყველა იმ პროდუქტისა და მომსახურების ნუსხაა, რომელზეც თქვენი ღირებული შეთავაზებაა აგებული.

სარგებლის წყარო აღწერს, თუ როგორ ქმნის თქვენი პროდუქტი და მომსახურება მომხმარებლისთვის სარგებელს.

ტკივილგამაყუჩებლები აღწერს, თუ როგორ უამებს თქვენი პროდუქტი და მომსახურება მომხმარებელს სატკივარს.