მერაბ კოსტავას შრიფტს „ჯეპრა“ და კალიგრაფი დავით მაისურაძე შექმნიან
19 მაისი 2021
ხელნაწერი შრიფტი მერაბ კოსტავას იუბილესთან დაკავშირებით შეიქმნება. ამა წლის 26 მაისს, საქართველოს ეროვნულ-განმანთავისუფლ...
მერაბ კოსტავას შრიფტს „ჯეპრა“ და კალიგრაფი დავით მაისურაძე შექმნიან

19 მაისი 2021
Copy to clipboard

 

ხელნაწერი შრიფტი მერაბ კოსტავას იუბილესთან დაკავშირებით შეიქმნება. ამა წლის 26 მაისს, საქართველოს ეროვნულ-განმანთავისუფლებელი მოძრაობის გამორჩეული ლიდერის, პოეტის და საზოგადო მოღვაწის დაბადებიდან 82-ე წელი სრულდება. 26 მაისს აღინიშნება ასევე პირველი რესპუბლიკის მიერ გამოცხადებული დამოუკიდებლობის დღე.

მერაბ კოსტავას სახელთან ასოცირდება ეროვნული მოძრაობის დიდი იდეა, რომელმაც მოუტანა საქართველოს დამოუკიდებლობა. 

მერაბ კოსტავას შრიფტის შესაქმნელად ყველაზე მნიშვნელოვანი ეროვნულ არქივში დაცული მისი ხელნაწერი ლექსები აღმოჩნდა, სწორედ ამ ხელნაწერის მიხედვით შექმნა დავით მაისურაძემ შრიფტი, რომელიც ნათლად გამოხატავს მერაბის პოეტურ ბუნებას.

„ხელნაწერის მიხედვით აღდგენილი შრიფტის უკან ყოველთვის პიროვნება დგას თავისი ბიოგრაფიითა და ხასიათით. თუ ეს ბმა პიროვნებასა და შრიფტს შორის გაწყდა, მივიღებთ ერთ ჩვეულებრივ, უშინაარსო შრიფტს. მერაბ კოსტავას ხელნაწერი შრიფტი ძალიან ორიგინალური, ყველა სხვა შრიფტისაგან გამორჩეული, ნათელი და მკაფიო გამოვიდა. პირველი, რაც ამ შრიფტის შეხედვისას მომდის თავში, არის ის, რომ ეს ხელნაწერი მუსიკალური, პოეტური და შეიძლება ოდნავ ბავშვურიც არის. ეს ყველაფერი – მუსიკალურობაც, ბავშვური სისუფთავეც და სიცხადეც – ვფიქრობ, ზუსტად ახასიათებს მის პიროვნებასაც.“-განაცხადა კალიგრაფმა დავით მაისურაძემ.

„ჯეპრას“ და დავით მაისურაძის თანამშრომლობით შექმნილი ეს უკვე მეოთხე შრიფტი იქნება. ხელნაწერთა ეროვნული ცენტრის პროექტის ფარგლებში გაციფრულდა ნიკო ნიკოლაძის და იაკობ გოგებაშვილის ხელნაწერები, სულ ცოტა ხნის წინ კი შეიქმნა ზვიად გამსახურდიას შრიფტი.

„დიდი სიხარულით წარვადგენთ ამჯერად მერაბ კოსტავას შრიფტს. მერაბ კოსტავა არის მაგალითი, თუ როგორ უნდა უყვარდეს საქართველოს ყველა მოქალაქეს თავისი სამშობლო და როგორ უნდა იბრძოდეს მისი ეროვნული ინტერესებისთვის. ჩვენი იდეა შევქმნათ ქართველ საზოგადო მოღვაწეთა ხელნაწერი შრიფტების ერთგვარი გალერეა ნელ-ნელა ფრთებს ისხამს.“ - განაცხადა ჯეპრას სპეციალური პროგრამების მენეჯერმა რუსუდან უსტიაშვილმა.

მერაბ კოსტავას ხელნაწერების მოწოდებისთვის ჯეპრა მადლობას უხდის საქართველოს ეროვნულ არქივსა და თბილისის მუზეუმების გაერთიანებას.

ჰომოფობიასთან, ბიფობიასთან და ტრანსფობიასთან წინააღმდეგ ბრძოლის საერთაშორისო დღე
17 მაისი 2021
ჯეპრა პატივს სცემს ადამიანის უფლებებს! ჯეპრა პატივს სცემს ყველა ადამიანის პიროვნულ თავისუფლებას! ჯეპრა უერთდება ჰომო...
ჰომოფობიასთან, ბიფობიასთან და ტრანსფობიასთან წინააღმდეგ ბრძოლის საერთაშორისო დღე

17 მაისი 2021
Copy to clipboard

 

ჯეპრა პატივს სცემს ადამიანის უფლებებს!
ჯეპრა პატივს სცემს ყველა ადამიანის პიროვნულ თავისუფლებას!
ჯეპრა უერთდება ჰომოფობიასთან, ბიფობიასთან და ტრანსფობიასთან ბრძოლის საერთაშორისო მოძრაობას
 
🏳️‍🌈ლგბტქი+ ადამიანები საქართველოში კვლავ აწყდებიან მიკერძოებას, სტიგმას, რაც ზღუდავს მათ შესაძლებლობებს პოლიტიკური, სოციალური და ეკონომიკური ჩართულობის თვალსაზრისით, ასევე ხდებიან ძალადობრივი სიძულვილის და დანაშაულის მსხვერპლი.
ჩვენ ვიცით, რომ განვითარებული და დემოკრატიული ქვეყნის მშენებლობა მხოლოდ ყველა მოქალაქის თანაბარი უფლებების დაცვით არის შესაძლებელი.
 
ჯეპრას გუნდს გრაფიკული დიზაინერი ლიკა რობაქიძე შემოუერთდა
14 მაისი 2021
ჯეპრას პრომოუშენის მიმართულების გუნდს გრაფიკული დიზაინერი ლიკა რობაქიძე შემოუერთდა. 
ჯეპრას გუნდს გრაფიკული დიზაინერი ლიკა რობაქიძე შემოუერთდა

14 მაისი 2021
Copy to clipboard

 

ჯეპრას პრომოუშენის მიმართულების გუნდს გრაფიკული დიზაინერი ლიკა რობაქიძე შემოუერთდა. 

იდეათონი: "დაამზადე მომხმარებლისთვის, შეფუთე დედამიწისთვის" დასრულდა.
14 აპრილი 2021
იდეათონი: დაამზადე მომხმარებლისთვის, შეფუთე დედამიწისთვის დასრულდა.ბიზნეს იდეების ჟიურისთან წარდგენამდე გუნდებმა 2-კვი...
იდეათონი: "დაამზადე მომხმარებლისთვის, შეფუთე დედამიწისთვის" დასრულდა.

14 აპრილი 2021
Copy to clipboard

 

იდეათონი: "დაამზადე მომხმარებლისთვის, შეფუთე დედამიწისთვის" დასრულდა.

ბიზნეს იდეების ჟიურისთან წარდგენამდე გუნდებმა 2-კვირიანი ინტენსიური აქსელერაციის პროგრამა გაიარეს. პროგრამა მოიცავდა სემინარებს და ინდივიდუალურ მენტორობის სესიებს ისეთ თემებზე როგორიცაა ბიზნესმოდელის ტიპები, ფინანსები, ბიუჯეტირება, მარკეტინგი და ბრენდინგი.

იდეათონი განხორციელდა USAID-ის ეკონომიკური უსაფრთხოების პროგრამის მხარდაჭერით, საქართველოს ინოვაციებისა და ტექნოლოგიების სააგენტოსთან (GITA), გაეროს განვითარების პროგრამასთან (UNDP), შესაფუთი მასალების მწარმოებელთა (PMAG) და საქართველოს ნარჩენების მართვის (GWMA) ასოციაციებთან პარტნიორობით.

ჯეპრას უფროსი კონსულტანტის, სოსო გალუმაშვილის სესია ეხებოდა ბიზნესმოდელის ტილოსა და ტიპების საკითხებს.

ჰემოფილიის დაავადების შესახებ ცნობიერების ამაღლების კამპანია დაიწყო
12 აპრილი 2021
ჰემოფილიის საინფორმაციო კამპანიის ფარგლებში, სასტუმრო სევსამორაში მედიასემინარი გაიმართა, რომელსაც ექიმები, პაციენტე...
ჰემოფილიის დაავადების შესახებ ცნობიერების ამაღლების კამპანია დაიწყო

12 აპრილი 2021
Copy to clipboard

 

ჰემოფილიის საინფორმაციო კამპანიის ფარგლებში, სასტუმრო "სევსამორაში" მედიასემინარი გაიმართა, რომელსაც ექიმები, პაციენტები ჰემოფილიის ასოციაციისა და მედიის წარმომადგენლები დაესწრნენ.
 
საინფორმაციო კამპანიის "ცხოვრება სისხლდენის გარეშე" მიზანია ჰემოფილიის დაავადების შესახებ ცნობიერების ამაღლება და პროფილაქტიკური მკურნალობის შესაძლებლობის გაცნობა.
 
საინფორმაციო კამპანიას "ჯეპრა" უზრუნველყოფს. მედიასემინარს ფასილიტაცია ჯეპრას უფროსმა კონსულტანტმა, თინათინ სამყურაშვილმა გაუწია
ჯეპრა დავით მაისურაძესთან თანამშრომლობით შექმნილ ზვიად გამსახურდიას ხელნაწერ შრიფტს წარადგენს
29 მარტი 2021
31 მარტს, ზვიად გამსახურდიას დაბადების დღის 82 წლის იუბილეზე „ჯეპრა“ კალიგრაფ დავით მაისურაძესთან თანამშრომლობით შექმნილ...
ჯეპრა დავით მაისურაძესთან თანამშრომლობით შექმნილ ზვიად გამსახურდიას ხელნაწერ შრიფტს წარადგენს

29 მარტი 2021
Copy to clipboard

 

31 მარტს, ზვიად გამსახურდიას დაბადების დღის 82 წლის იუბილეზე „ჯეპრა“ კალიგრაფ დავით მაისურაძესთან თანამშრომლობით შექმნილ საქართველოს პირველი პრეზიდენტის ზვიად გამსახურდიას ხელნაწერ შრიფტს წარადგენს.

როგორ მოხდა ზვიად გამსახურდიას ხელნაწერების მოძიება, რისი გაგება შეგვიძლია პიროვნების შესახებ მისი ხელნაწერის მიხედვით და რომელი საზოგადო მოღვაწის შრიფტი ელოდება გაციფრულებას - „შენს დილაში“ ისაუბრეს „ჯეპრას“ პროექტების მენეჯერმა რუსკა უსტიაშვილმა და კალიგრაფმა დავით მაისურაძემ.

 

ჯეპრა „ბიზნესი გენდერული თანასწორობისთვის 2020“ მე-2 ადგილის მფლობელი გახდა.
26 მარტი 2021
ათასწლეულის ფონდის ორგანიზებით, ყოველწლიური კონკურსის „ბიზნესი გენდერული თანასწორობისთვის“ დაჯილდოების ცერემონია გაიმართ...
ჯეპრა „ბიზნესი გენდერული თანასწორობისთვის 2020“ მე-2 ადგილის მფლობელი გახდა.

26 მარტი 2021
Copy to clipboard

 

ათასწლეულის ფონდის ორგანიზებით, ყოველწლიური კონკურსის „ბიზნესი გენდერული თანასწორობისთვის“ დაჯილდოების ცერემონია გაიმართა.

„ჯილდო გაერო-ს ქალთა ორგანიზაციისა და გაეროს გლობალური შეთანხმების ინიციატივას ეფუძნება, კერძოდ, ქალთა უფლებების გაფართოების მეოთხე პრინციპს - ქალების განათლების, სწავლებისა და პროფესიული განვითარების ხელშეწყობას და ხელს უწყობს ქალების განათლებასა და პროფესიულ განვითარებას სამუშაო ადგილებზე.

კონკურსის მიზანი იმ კომპანიების წახალისებაა, რომლებიც წარმატებით ამკვიდრებენ ქალების პროფესიული განვითარებისა და კარიერული წინსვლის მხარდაჭერის კორპორაციულ კულტურას. 

კონკურსის პარტნიორები არიან: ბიზნეს ლიდერთა ფედერაცია „ქალები მომავლისთვის“ და გაეროს ქალთა ორგანიზაცია.

პიართონი 2021 - სტრატეგიული კომუნიკაციის ახალი არქიტექტორები (ვიდეო)
25 მარტი 2021
საქართველოს უნივერსიტეტის სოციალურ მეცნიერებათა სკოლის და საკონსულტაციო კომპანია ჯეპრას ერთობლივი პროექტი პიართონი - ...
პიართონი 2021 - სტრატეგიული კომუნიკაციის ახალი არქიტექტორები (ვიდეო)

25 მარტი 2021
Copy to clipboard

 

საქართველოს უნივერსიტეტის სოციალურ მეცნიერებათა სკოლის და საკონსულტაციო კომპანია "ჯეპრას" ერთობლივი პროექტი "პიართონი - სტრატეგიული კომუნიკაციის ახალი არქიტექტორები" 19-20 მარტს გაიმართა. გამარჯვებულ გუნდებს ნიკო ნიკოლაძის პრემია გადაეცათ.

 

ჯეპრა და კალიგრაფი დავით მაისურაძე ზვიად გამსახურდიას ხელნაწერ შრიფტს ქმნიან
24 მარტი 2021
ჯეპრა კალიგრაფ დავით მაისურაძესთან თანამშრომლობით საქართველოს პირველი პრეზიდენტის, საქართველოს ეროვნულ-განმათავისუფლებელ...
ჯეპრა და კალიგრაფი დავით მაისურაძე ზვიად გამსახურდიას ხელნაწერ შრიფტს ქმნიან

24 მარტი 2021
Copy to clipboard

 

ჯეპრა კალიგრაფ დავით მაისურაძესთან თანამშრომლობით საქართველოს პირველი პრეზიდენტის, საქართველოს ეროვნულ-განმათავისუფლებელი მოძრაობის ლიდერის ზვიად გამსახურდიას შრიფტს შექმნის.

ხელნაწერი შრიფტი ზვიად გამსახურდიას იუბილესთან დაკავშირებით იქმნება. ამა წლის 31 მარტს, საქართველოს პირველი პრეზიდენტის დაბადებიდან 82-ე წელი სრულდება.

ჯეპრას სპეციალური პროგრამების მენეჯერის, რუსკა უსტიაშვილის განცხადებით, პროექტში ჩართული ყველა მხარის ძალისხმევით შესაძლებელი გახდა ზვიად გამსახურდიას ხელნაწერების გაციფრულება და შრიფტის შექმნა. „იდეის განხორციელება არ იყო მარტივი, რადგან, შეიძლება ბევრმა არ იცოდეს, საქართველოს პირველი პრეზიდენტის ხელნაწერების დიდი ნაწილი ხანძრის გამო განადგურდა, ბევრი საარქივო მასალა უბრალოდ აღარ არსებობს. ეს სამწუხარო რეალობაა, რომელმაც კიდევ უფრო დაგვარწმუნა ჩვენი თვალთახედვის სისწორეში,“ - აღნიშნა რუსკა უსტიაშვილმა.

„ჯეპრას“ და დავით მაისურაძის თანამშრომლობით შექმნილი ეს უკვე მესამე შრიფტი იქნება. ხელნაწერთა ეროვნული ცენტრის პროექტის ფარგლებში გაციფრულდა ნიკო ნიკოლაძის და იაკობ გოგებაშვილის ხელნაწერები.

”შრიფტი მხოლოდ ცნობილი მოღვაწის ხელნაწერიდან ამოკრებილი ასოების ერთობა არაა. შრიფტში პიროვნების ხასიათი უნდა ჩანდეს, მასში უნდა აისახოს ყველაფერი: ავტორი კალამს მსუბუქად უსვამს თუ მკაცრად, დინჯად წერს თუ სწრაფად, წერისას მშვიდია თუ აღელვებული... ზოგჯერ ავტორის წერილებიდან სხვადასხვა ხასიათი ჩანს და აქ შრიფტის დიზაინერის ამოცანა რთულდება: მან უნდა შეძლოს, ხელწერის ზოგადი თვისებებიც შეაჯეროს, მაგრამ ამავე დროს ნაწერს არ დაკარგოს ინდივიდუალური ხასიათი. ზვიად გამსახურდიას წერილების კალიგრაფიაზე დაკვირვებაც ამ მხრივაა საინტერესო: კალიგრაფია ჩემთვის მიმანიშნებელია იმისა, თუ რას გრძნობს იგი აზრის გადმოცემისას. ასეთი ინტერპრეტაციები ზუსტი რომც არ იყოს, შრიფტზე მუშაობის პროცესი ძალიან საინტერესოა. შედეგი კი კიდევ უფრო სასიამოვნო: ასე მგონია, მათი ხელწერის გაცოცხლებით დიდი ქართველი მოღვაწეების უკვდავყოფაში უმცირესი წვლილი მეც შემაქვს,“- განაცხადა კალიგრაფმა დავით მაისურაძემ.

ზვიად გამსახურდიას შრიფტის შექმნის მხარდაჭერისა და ხელნაწერების მოწოდებისთვის, ჯეპრა მადლობას უხდის პრეზიდენტის მეუღლეს, მანანა არჩვაძე-გამსახურდიას, ბატონებს გურამ და რობერტ პეტრიაშვილებს და შინაგან საქმეთა სამინისტროს არქივს.

პიართონის გამარჯვებულები ცნობილია!
22 მარტი 2021
საქართველოს უნივერსიტეტისა და ჯეპრას ერთობლივი პიართონის გამარჯვებულები ცნობილია!  I ადგილი:  ქეთევან მამასახლისი (სტრ...
პიართონის გამარჯვებულები ცნობილია!

22 მარტი 2021
Copy to clipboard

 

საქართველოს უნივერსიტეტისა და ჯეპრას ერთობლივი პიართონის გამარჯვებულები ცნობილია!

 I ადგილი:

 ქეთევან მამასახლისი (სტრატეგიული კომუნიკაციები)

 ელენე ასათიანი (ჟურნალისტიკა)

 თედო შარაბიძე (სტრატეგიული კომუნიკაციები)

 ხატია გვალია (სტრატეგიული კომუნიკაციები)

 მათ გადაეცათ ნიკო ნიკოლაძის პრემია 1200 ლარის ოდენობით

 II ადგილი:

 მარიამ ღოღაძე (სტრატეგიული კომუნიკაციები)

 ლევან წილოსანი (სტრატეგიული კომუნიკაციები)

 ენდი თოდუა (სტრატეგიული კომუნიკაციები)

 თათია შონია (სტრატეგიული კომუნიკაციები)

 მათ გადაეცათ ნიკო ნიკოლაძის პრემია 800 ლარის ოდენობით

 III ადგილი:

 ლალი კვიჟინაძე (სტრატეგიული კომუნიკაციები)

 სალომე ქვრივიშვილი (სტრატეგიული კომუნიკაციები)

 ბარბარე გაბრიჭიძე (სტრატეგიული კომუნიკაციები)

 მათ გადაეცათ ნიკო ნიკოლაძის პრემია 500 ლარის ოდენობით

 კონკურსის პარტნიორმა კომპანია „არდიმ“ კი I ადგილზე გასული გუნდის თითოეულ წევრს ჯანმრთელობის ერთწლიანი სადაზღვევო პაკეტი გადასცა.

 ვულოცავთ გამარჯვებულ გუნდებს ამ წარმატებას!

პროექტის პარტნიორები: საქართველოს უნივერსიტეტი, არდი, ჯეპრა, ნიკო ნიკოლაძის პრემია