ბიზნესმოდელის ტრანსფორმაცია covid-19-ის პირობებში
04 მაისი 2020
იმისათვის, რომ მსოფლიო კრიზისის ფონზე, კომპანიებმა შეძლონ ჩვეულ რიტმში მუშაობის გაგრძელება, მათ მოუწევთ იფიქრონ ახალ ბიზ...
ბიზნესმოდელის ტრანსფორმაცია covid-19-ის პირობებში

04 მაისი 2020
Copy to clipboard

 

იმისათვის, რომ მსოფლიო კრიზისის ფონზე, კომპანიებმა შეძლონ ჩვეულ რიტმში მუშაობის გაგრძელება, მათ მოუწევთ იფიქრონ ახალ ბიზნესმოდელებზე, იმ მნიშვნელოვან და ფუნდამენტური ცვლილებების განხორციელებაზე, რომელიც დაეხმარება მათ, კრიზისამდელი პოზიციების შენარჩუნებაში. როგორც ახლა ვხედავთ, მრავალი კომპანია ცდილობს მოერგოს მიმდინარე სიტუაციას, ახდენს ბიზნესპროცესების გაციფრულებასა და სიტუაციიდან გამომდინარე საკუთარი ბიზნესგეგმების მორგებას.

რა არის საჭირო იმისათვის, რომ არ გავჩერდეთ და ჩვენი კონკურენტუნარიანობა შევინარჩუნოთ, როგორ მოვახდინოთ ბიზნესმოდელის ტრანსფორმაცია და როგორ შევხვდეთ პოსტკრიზისულ პერიოდს.

ჯეპრას ონლაინდისკუსიის სტუმარია, კომპანია ლემონდოს საოპერაციო დირექტორი გიორგი ყანჩაველი.

 

COVID-19, როგორც მარკეტინგის შესაძლებლობა
04 მაისი 2020
ჯეპრას ონლაინდისკუსიის დროს, რომელშიც მონაწილეობას მიიღებენ მაიკო ხეცურიანი, ფარმაცევტული კომპანია სერვიე საქართველოს ...
COVID-19, როგორც მარკეტინგის შესაძლებლობა

04 მაისი 2020
Copy to clipboard

 

ჯეპრას ონლაინდისკუსიის დროს, რომელშიც მონაწილეობას მიიღებენ მაიკო ხეცურიანი, ფარმაცევტული კომპანია "სერვიე" საქართველოს წარმომადგენლობის დირექტორი და ანა ქარჩავა "ეფეს საქართველოს" მარკეტინგის სამსახურის უფროსი, საუბარი იქნება ქართულ ბაზარზე მომუშავე საერთაშორისო კომპანიების გამოცდილებაზე მარკეტინგის პროცესის განსხვავებულად მართვასთან დაკავშირებით, რაც უკავშირდება გლობალური პანდემიის ფონზე არსებულ გამოწვევებს.

იცვლება თუ არა პროდუქტების განვითარების, გაყიდვების, მარკეტინგული კომუნიკაციის პროცესი? ჩნდება თუ არა ახალი მარკეტინგული ინსტრუმენტები? რამდენად აქტიურები არიან ქართული კომპანიები COVID-19-ის პირობებში? დიკსუსიის მონაწილეები აღნიშნულ კითხვებს პასუხობენ.

  

საბა ჯაჯანიძის ვორკშოპი: „რა გარემოში ხორციელდება მარკეტინგი?“
03 მაისი 2020
6 მაისს Online TourMODE კვირეულის ფარგლებში ილიას სახელმწიფო უნივერსიტეტის ასისტენტ-პროფესორი, პიარისა და მარკეტინგული კ...
საბა ჯაჯანიძის ვორკშოპი: „რა გარემოში ხორციელდება მარკეტინგი?“

03 მაისი 2020
Copy to clipboard

 

6 მაისს Online TourMODE კვირეულის ფარგლებში ილიას სახელმწიფო უნივერსიტეტის ასისტენტ-პროფესორი, პიარისა და მარკეტინგული კომუნიკაციების კომპანია ჯეპრას კონსულტანტი და პროექტების მენეჯერი საბა ჯაჯანიძე გამართავს ვორკშოპს თემაზე: „რა გარემოში ხორციელდება მარკეტინგი?“.

ვორკშოპზე განხილული იქნება შემდეგი საკითხები:

  • მარკეტინგული კონტექსტი: რა გარემოში ხორციელდება მარკეტინგი;
  • მარკეტინგის ძირითადი კონცეფციები და მარკეტინგული გეგმა;
  • პრაქტიკული სამუშაო: მარკეტინგული გეგმის ჩონჩხის შექმნა

პროექტში მონაწილეობის მისაღებად შეავსეთ სააპლიკაციო ფორმა: https://bit.ly/3d8ahnY
დედლაინი: 1 მაისი

ნუცა სუბელიანის ონლაინ შეხვედრა საზოგადოებასთან ურთიერთობის და სტრატეგიული კომუნიკაციების ფაკულტეტის სტუდენტებთან
27 აპრილი 2020
ნუცა სუბელიანმა კავკასიის უნივერსიტეტის საზოგადოებასთან ურთიერთობის და სტრატეგიული კომუნიკაციების ფაკულტეტის სტუდენტებთა...
ნუცა სუბელიანის ონლაინ შეხვედრა საზოგადოებასთან ურთიერთობის და სტრატეგიული კომუნიკაციების ფაკულტეტის სტუდენტებთან

27 აპრილი 2020
Copy to clipboard

 

ნუცა სუბელიანმა კავკასიის უნივერსიტეტის საზოგადოებასთან ურთიერთობის და სტრატეგიული კომუნიკაციების ფაკულტეტის სტუდენტებთან ონლაინ შეხვედრა გამართა.

შეხვედრა კითხვა-პასუხის რეჟიმში წარიმართა. მონაწილეებმა ისაუბრეს პიარ მენეჯერის და კონსულტანტის მუშაობის პრაქტიკულ ნაწილზე, გამოწვევებსა და პრობლემებზე.

„რესტარტი“: შეხვედრა ერეკლე ზურმუხტაშვილთან
27 აპრილი 2020
ჯეპრასა და ილიას სახელმწიფო უნივერსიტეტის ერთობლივი live-პროექტის „რესტარტი“ ფარგლებში ლექციების სერიის მეორე სტუმარია ე...
„რესტარტი“: შეხვედრა ერეკლე ზურმუხტაშვილთან

27 აპრილი 2020
Copy to clipboard

 

ჯეპრასა და ილიას სახელმწიფო უნივერსიტეტის ერთობლივი live-პროექტის „რესტარტი“ ფარგლებში ლექციების სერიის მეორე სტუმარია ერეკლე ზურმუხტაშვილი, ლივინგსტონის საოპერაციო დირექტორი.

  • თემა: „სამმაგი სპირალი“
  • დრო: 30 აპრილი, 13:00 საათი
  • ადგილი: ილიაუნის სტუდენტურ საქმეთა დეპარტამენტის ფეისბუქის გვერდი
კახა მაღრაძის LIVE ლექცია პიარსკოლაში
23 აპრილი 2020
23 აპრილს პიარსკოლაში კახა მაღაძის Live ლექცია საკომუნიკაციო კამპანიის მართვა ჩატარდა. ლექციის დროს კახამ შემდეგი საკ...
კახა მაღრაძის LIVE ლექცია პიარსკოლაში

23 აპრილი 2020
Copy to clipboard

 

23 აპრილს პიარსკოლაში კახა მაღაძის Live ლექცია "საკომუნიკაციო კამპანიის მართვა" ჩატარდა.

ლექციის დროს კახამ შემდეგი საკითხები განიხილა:

  • რა არის საინფორმაციო კამპანია და რა მნიშვნელობა აქვს მას?
  • რა ეტაპებისაგან შედგება კამპანია?
  • როგორ უნდა შევაფასოთ არსებული მდგომარეობა?
  • როგორ მოვამზადოთ კამპანიის კონცეფცია?
  • როგორ შევიმუშაოთ გეგმა და შეფასების მექანიზმები? 

live-პროექტის „რესტარტი“ პირველი თემა: "გამოსავალი არსებობს"
23 აპრილი 2020
23 აპრილს ჯეპრასა და ილიას სახელმწიფო უნივერსიტეტის ინიციატივით შექმნილი live პროექტის რესტარტი ფარგლებში თემაზე გამო...
live-პროექტის „რესტარტი“ პირველი თემა: "გამოსავალი არსებობს"

23 აპრილი 2020
Copy to clipboard

 

23 აპრილს ჯეპრასა და ილიას სახელმწიფო უნივერსიტეტის ინიციატივით შექმნილი live პროექტის "რესტარტი" ფარგლებში თემაზე "გამოსავალი არსებობს" live სესია გაიმართა.

სტუმარი: ლევან კეცხოველი, რედბერის პარტნიორი, აღმასრულებელი დირექტორი.


პროექტის შესახებ ვრცლად: https://bit.ly/2ywBku5

კორპორაციული კომუნიკაციები Covid-19-ის რეჟიმში
22 აპრილი 2020
23 აპრილს, 18:00 საათზე, ჯეპრას უფროსი კონსულტანტები, ნუცა სუბელიანი და კახა მაღრაძე უმასპინძლებენ სოკარ ჯორჯია პეტრო...
კორპორაციული კომუნიკაციები Covid-19-ის რეჟიმში

22 აპრილი 2020
Copy to clipboard

 

23 აპრილს, 18:00 საათზე, ჯეპრას უფროსი კონსულტანტები, ნუცა სუბელიანი და კახა მაღრაძე უმასპინძლებენ "სოკარ ჯორჯია პეტროლეუმი" დირექტორს, ლევან გიორგაძეს და "IDS ბორჯომი საქართველოს" საზოგადოებასთან ურთიერთობის მენეჯერს, ნანიკო კუპრაშვილს.
 
პირდაპირი ეთერის მთავარი თემა იქნება: "კორპორაციული კომუნიკაციები Covid-19-ის რეჟიმში".
გლობალური მიზნები COVID-19-ის საპასუხოდ
22 აპრილი 2020
მდგრადი განვითარების 17 მიზანზე, რომელთაც გლობალურ მიზნებადაც მოიხსენიებენ, ჯერ კიდევ 2015 წელს შეჯერდა გაეროს 193 ქვეყა...
გლობალური მიზნები COVID-19-ის საპასუხოდ

22 აპრილი 2020
Copy to clipboard

 

მდგრადი განვითარების 17 მიზანზე, რომელთაც გლობალურ მიზნებადაც მოიხსენიებენ, ჯერ კიდევ 2015 წელს შეჯერდა გაეროს 193 ქვეყანა და 2030 წლამდე გაიწერა მიზნების შესრულების გეგმა.

მაშინ, ყველანი, ჯერ კიდევ ცხოვრების ჩვეულ რიტმს მივყვებოდით და ვერ წარმოგვედინა, რომ ჩვენი დღის წესრიგში გადამწყვეტი როლი ერთმანეთისგან დისტანცირებას ექნებოდა. არ გვეგონა, რომ რამდენიმე კვირაში მოგვიწევდა ჩვენი ყოველდღიურობის სრულად შეცვლა და ახალ რეალობაზე მორგება. 

თითოეული ჩვენგანი შეძლებისდაგვარად ვცდილობთ ფეხი ავუწყოთ შეცვლილ ცხოვრებას და არ შეგვაშინოს ახალმა გამოწვევებმა, ვდილობთ, არ გავჩერდეთ, შევეგუოთ მუშაობის ახალ სტილს, ვიყოთ აქტიურები და თან, დავრჩეთ სახლში.

გამოჩდა ბევრი პასუხისმგებლიანი თუ უპასუხისმგებლო კომპანიაც,  რომლებიც კრიზისის დროს სხვადასხვანაირად მოქმედებენ. ზოგი ზრუნავს თანამშრომლებზე და ფიქრობს, რომ მათში ჩადებული რესურსი უდიდესია. შესაბამისად თვლიან რომ, პანდემიის გადავლის შედმეგ გაუჭირდებათ მსგავსი კადრების მოძიება. კომპანიების ნაწილი კი ვერ უძლებს ეკონომიკურ კრიზის და ემშვიდობება თანამშრომლებს.

და მაშინ, როდესაც ყველაფერი იცვლება ძალიან სწრაფად, მდგრადი განვითარების მიზნებს და მათ შესრულებას, კიდევ უფრო მნიშნველოვანი როლი ეკისრება. 

COVID-19 ის  გავრცელებისთანავე, გაერომ დაიწყო მის წინააღმდეგ ბრძოლა. მათი განცხადებების მიხედვით, კორონავირუსის პანდემია წარმოადგენს უდიდეს შანსს კაცობრიობისთვის, იმოქმედონ გაერთიანებულად და გამოწვეული კრიზისი გადააქციონ შესაძლებლობად. გაერთიანებული ერების გენერალურმა მდივანმა მიიღო მკაფიო გადაწყვეტილება, რომ წინ აღუდგეს კრიზისს და მთავრობებს  მხარდაჭერა გამოუცხადა.

გადავხედოთ, თუ როგორ ეხმიანება გლობალური მიზნები ვირუსს და როგორ იბრძვიან გაერთიანებული ერები COVID 19-ის წინააღმდეგ.

მიზანი: ჯანმრთელი ცხოვრება და კეთილდღეობა

COVID-19-ის წინააღმდეგ ბრძოლას სათავეში უდგას მსოფლიო ჯანდაცვის ორგანიზაცია. 14 აპრილის მონაცემებით, მსოფლიოში 1 939 463 ადამიანი დაინფიცირდა ვირუსით. დაავადებულთა რიცხვი ყოველდღიურად იზრდება. ჯანმრთელობის მსოფლიო ორგანიზაციამ წამოიწყო კამპანია FIFA-სთან ერთად სახელწოდებით „გადაეცი გზავნილი, რათა დაამარცხო კორონავირუსი“.  

„თქვენ არ შეგიძლიათ მოიგოთ ფეხბურთის მატჩი მხოლოდ დაცვით. იმისათვის რომ მოვიპოვოთ გამარჯვება, საჭიროა ვირუსს შევუტიოთ აგრესიული და მიზანმიმართული ტაქტიკით“ – განაცხადეს კამპანიის ორგანიზატორებმა.  

აუცილებელია, ტესტირება ჩაუტარდეს ყველა საეჭვო შემთხვევას, იზოლაციაში იყოს ყველა ინფიცირებულმა კი, მაქსიმალურად ეცადოს გამოავლინოს თითოეული კონტაქტი – აი, სწორედ ეს არის სწორი და მიზანმიმართული მიდგომა COVID- 19 ის საპასუხოდ, რომელიც ყველა ქვეყანამ უნდა გაითვალისწინოს.

მიზანი: სუფთა წყალი და სანიტარია

მსოფლიო ჯანდაცვის ორგანიზაცია მოგვიწოდებს, რომ COVID-19 ის გავრცელების შესაჩერებლად, საუკეთესო საშუალება ხელების ხშირად დაბანა ან სანიტარული საშუალებებით დამუშავებაა. თუმცა, მსოფლიოში დაახლოებით 3 მილიარდ ადამიანს არ აქვს წვდომა სუფთა წყალზე, რაც ნეგატიურ გავლენას ახდენს მათ ჯანმრთელობაზე. 

ისინი არსებული პანდემიის დროს ბევრად დაუცველები აღმოჩნდნენ. სწორედ ამ მიზეზის გამო, ამ მოწყვლადი ჯგუფებისთვის, გაეროს წყალმომარაგების წევრები და პარტნიორები ვალდებულებას იღებენ და იქმნება სპეციალური გეგმა, როგორ უნდა მივაღწიოთ ამ მიზანს დაჩქარებულად და ძალიან სწრაფად მივიღოთ შედეგი.

მიზანი: ხარისხიანი განათლება

მდგრადი განვითარების მეოთხე მიზანი ინკლუზიური და თანასწორი განათლების უზრუნველყოფა და უწყვეტი სწავლის შესაძლებლობის შექმნაა ყველასთვის.

თუმცა, UNESCO-ს განცხადების მიხედვით, კორონავირუსის პანდემიის შედეგად, დაახლოებოთ 1,25 მილიარდი მოსწავლე დაზარალდა. „მიუხედავად იმისა, რომ ეს კრიზისი ყველაზე მეტად არის ჯანმრთელობის კრიზისი, ასევე მიგვანიშნებს ბევრ საკითხზე, რომელიც ძალიან ღირებულია ჩვენთვის და ახალი აღმოჩენების შესაძლებლობას გვაძლებს“ – განაცხადა UNESCO-ს აღმასრულებელი დირექტორის მოადგილემ.

UNESCO მხარს უჭერს მთავრობებს და მზად არის ხელი შეუწყოს დისტანციურ სწავლებას, სამეცნიერო თანამშრომლობას და ინფორმაციულ მხარდაჭერას.

მიზანი: გენდერული თანასწორობა

გაეროს გენდერული თანასწორობის და ქალთა გაძლიერების წარმომადგენლებმა გამოაქვეყნეს COVID-19-ის საპასუხო გზავნილები მთავრობებისთვის, რომელიც მოიცავს 10 მიმართულებას.

გაეროს ქალთა ორგანიზაცია მზადაა, მხარი დაუჭიროს მთავრობებს  ქალთა და გოგონათა უფლებების დაცვის მიმართულებით.

მათი განცხადებით, ქალებს ქვეყნების კეთილდღეობა საკუთარ მხრებზე გადააქვთ. ისინი მუშაობენ დღე და ღამე, როგორც ჯანმრთელობის თუ ოჯახის დაცვისთვის , მოხუცების, ბავშვების მოვლისთვის, ასევე შრომობენ აფთიაქებში, მაღაზიებში და ა.შ

მიზანი: ღირსეული სამუშაო და ეკონომიკური ზრდა

შრომის საერთაშორისო ორგანიზაციის (ILO)  განცხადების მიხედვით, შესაძლოა, თითქმის 2.5 მილიონმა ადამიანმა დაკარგოს  სამუშაო კორონავირუსით გამოწვეული კრიზისის გამო. ILO-ს უფროსი ეკონომისტი, ჯინინ ბერგი თავის ბლოგში აფრთხილებს საზოგადოებას, რომ არაფორმალურ დასაქმებაში მყოფი ადამიანები ვერ მიიღებენ სოციალურ დახმარებას, რაც მათ ამ კრიზისის დროს სჭირდებათ.

ისინი მოუწოდებენ ქვეყნებს, დაადგინონ სოციალური უსაფრთხოების და დაცვის მინიმალური დონე და დაიწყონ რაც შეიძლება მეტი დამიანის  დახმარება, რაც შეიძლება სწრაფად.

მიზნების შესრულებისთვის და სწრაფი შედეგების მიღებისთვის, საჭიროა გაერთიანება და მიზანმიმართული ნაბიჯების გადადგმა, როგორც მთავრობების, კერძო სექტორის თუ სამოქალაქო ორგანიზაციების, ისე ჩვენი, თითოეული ადამიანის მთელ მსოფლიოში. 

COVID-19-ის წინააღმდეგ ბრძოლა ყველასთვის გამოწვევაა და ახლებურ ცხოვრებას გვასწავლის.

დედამიწა ისვენებს, ჰაერი გაიწმინდა, ქუჩები დაცარიელდა, თითქოს დროც გაჩერდა, ხალხიც მოდუნდა, სტრესიც ხანდახან იმარჯვებს ჩვენზე, მაგრამ არა, სწორად ახლაა დრო საკუთარ თავში ახალი აღმოჩენები გავაკეთოთ, განვვითარდეთ, გავძლიერდეთ და ახალი ძალებით შევხვდეთ ძალიან მალე!  შევხვდეთ პირისპირ, დისტანცირების გარეშე და თამამად ჩამოვართვათ ერთმანეთს ხელი.

თაკო ვარამაშვილი Marketer.ge-სთვის. 
 
5 რამ, რაც უნდა იცოდეთ საკომუნიკაციო სტრატეგიის თაობაზე
22 აპრილი 2020
ვისაც საკომუნიკაციო სტრატეგიის შექმნაზე გიმუშავიათ, ან  ეს ტერმინი გაგიგიათ, და ვიცი, რომ ასეთები ბევრნი ხართ და ყველგან...
5 რამ, რაც უნდა იცოდეთ საკომუნიკაციო სტრატეგიის თაობაზე

22 აპრილი 2020
Copy to clipboard

 

ვისაც საკომუნიკაციო სტრატეგიის შექმნაზე გიმუშავიათ, ან  ეს ტერმინი გაგიგიათ, და ვიცი, რომ ასეთები ბევრნი ხართ და ყველგან ხართ, გეცოდინებათ ამ პროცესის სირთულისა და მნიშვნელობის ამბავიც. თუმცა ეს პოსტი თქვენ არ გეხებათ და უფრო იმ ხალხისთვისაა, ვისაც სმენია ამ დიდებული მოვლენის შესახებ, რასაც საკომუნიკაციო სტრატეგიის და შესაბამისი სამოქმედო გეგმების შექმნა ჰქვია. ანუ, რომ სმენია და თან თვლის, რომ იცის უკვე ყველაფერი, იმ ხალხისთვის ვწერ. ერთი სიტყვით, გამომყევი, მკითხველო (სულ მინდოდა ამ სიტყვის გამოყენება) და ვნახოთ ის 5 რამ, რაც უნდა ვიცოდეთ საკომუნიკაციო სტრატეგიის შესახებ: 

#1 თავისით არ იწერება

რაც არ უნდა კარგი კონსულტანტი, ან სააგენტო დაიქირავოთ (თქვენ წარმოიდგინეთ და ასეთებიც არსებობენ), სტრატეგიის ფორმირების პროცესი თავად თქვენს სრულ ჩართულობასა და მონაწილეობას გულისხმობს. სტრატეგია ისევ თქვენი წარმატებისთვის, კონკურენტული პოზიციების გაუმჯობესებისა თუ მომავალში მეტი სარგებლის მიღებისთვის კეთდება. ჰოდა, პირველ რიგში, თქვენ უნდა მოიცალოთ და არ უნდა დაიზაროთ სტრატეგიული დაგეგმვის ღონისძიებებში მონაწილეობა, ინტერვიუების მიცემა, მასალების შემოწმება. მოკლედ, დრო უნდა გამოყოთ და ჩაერთოთ ყველა აქტივობაში. არც თავისით და არც უთქვენოდ სტრატეგიები არ კეთდება. 

#2 ბოლომდე უნდა წაიკითხო

როგორც წესი, საკომუნიკაციო სტრატეგიის დოკუმენტის მოცულობა 10-დან 70 გვერდამდე მერყეობს (ამ შემთხვევაში, მე რაც დამიწერია, იმას ვგულისხმობ). იქ შეგხვდებათ ცხრილებიც, დიაგრამებიც და ბევრი ტექსტიც, რომლის შინაარსი ხანდახან მეორდება კიდეც, მაგრამ ამან არ უნდა შეგაშინოთ. დაბრკოლებების მიუხედავად, უნდა შეძლოთ და ბოლომდე წაიკითხოთ დოკუმენტი, გაეცნოთ რეკომენდაციების ნაწილს, შეფასებისა და მონიტორინგის კომპონენტსაც. წლების გამოცდილებამ დაადგინა, რომ სტრატეგია თუ  არ გაქვს წაკითხული და გააზრებული (გააზრება უკეთესი იქნებოდა), მაშინ გაგიჭირდებათ მისი განხორციელება და წარმატების მიღწევაც.

#3 თავისით არ ხორციელდება

ინტერნეტში შეიძლება სხვადასხვა სტატიას წააწყდეთ, საკომუნიკაციო სტრატეგიის გამოყენების საკითხებზე და თქვენც შეიძლება გაგიჩნდეთ ბევრი იდეა  იმის თაობაზე, თუ როგორ უნდა მოგიტანოთ პიარსტრატეგიამ ის შედეგი, რის გამოც დაიწყეთ ამ დოკუმენტის შექმნაზე მუშაობა. მაგალითად, შეიძლება სტრატეგია მზეზე გადგათ შუადღით და ხშირად დაუსხათ წყალი, ან რაიმე საინტერესო დრესინგით შეკმაზოთ. შეიძლება, შეალოცინოთ, ან ინდაური დაუკლათ მადლიერების დღეზე. მაგრამ წლების პრაქტიკა აჩვენებს, რომ ასეთი მიდგომები არ ამართლებს. საკომუნიკაციო სტრატეგიას და მასზე დაფუძნებულ სამოქმედო გეგმას ცალკე ძალისხმევა სჭირდება, რომ სწორად განხორციელდეს და მიიღოთ ის შედეგი, რაც თავიდანვე ჩაიფიქრეთ. ასე რომ, ნუ დაელოდებით, ასწიეთ თქვენი სხვადასხვა ფორმის ტრაკები და დაიწყეთ იმის განხორციელება, რაც გიწერიათ დოკუმენტში. თქვენგან დაიწყეთ.

#4 ძველდება

ჩემი კომპეტენცია და პროფესიონალიზმი რომ გამოვავლინო და თან, პოტენციური დამკვეთიც მოვხიბლო, შეხვედრებსა თუ მიმოწერაში ხშირად ვიმეორებ ფრაზას ,,სტრატეგია ცოცხალი ორგანიზმია!“. ამით თავსაც ვიზღვევ და  ვცდილობ, ყველას ავუხსნა, რომ სტრატეგია, პირველ რიგში, იარაღია შენს ხელში, რომელსაც საითკენ მიუშვერ, ან როდის გამოჰკრავ ხელს, შენზეა დამოკიდებული. მართალია, საკომუნიკაციო სტრატეგიაში, ძირითადად, წერია და უნდა ეწეროს, რა დროს როგორ უნდა მოიქცე, მაგრამ ჩვენს ცვალებად და დინამიკურ გარემოში (როგორც ექსპერტებს უყვართ ხოლმე თქმა), სამი წლის პერსპექტივით დაგეგმვა ცოტა ძაან უსარგებლო ამბავია. ასე რომ, ღვინის არ იყოს, სტრატეგიებიც ძველდება, თუმცა ღვინისგან განსხვავებით, ძველი სტრატეგია, როგორც წესი, უვარგისია.

#5 შეიძლება შეცვალო

ჰოდა, თუ ძველდება, რა ვუყოთ დაძველებულსა და უვარგის ტრადიციასო, იკითხავს მკითხველი (მაგარი ვარ, უკვე მეორედ გამოვიყენე ეს სიტყვა!!!) და მართალიც იქნება. აქედან გამომდინარეობს მეხუთე რამ, რაც უნდა იცოდეთ სტრატეგიის შესახებ. სტრატეგია არც ნორმატიული აქტია, არც დაფიცება და დაგინება, არც რელიგიური დოგმა, რომ ვერ დაარღვიო და ვერ შეცვალო (თუმცა კანონების და დოგმების დარღვევაც შეიძლება და ტყუილზე დაფიცება-შეწერაც, მაგრამ სხვა შედარება ვერ მოვიფიქრე).  ამიტომ იცოდეთ, რომ პერიოდულად უნდა ჩაიხედოთ თქვენ მიერ მომზადებულ სტრატეგიაში და თუ რამე შესაცვლელია, შეცვალოთ. მერე კიდევ ჩაიხედოთ და ასე შემდეგ. შეიძლება კი არა, საჭიროა კიდეც, რომ შეცვალო, განაახლო და მოარგო მიმდინარე რეალობას!

ავტორი: კახა მაღრაძე

ინსპირაცია: გურამ შეროზია

კურთხევა: ლევან ბეგლარიშვილი

მხარდაჭერა: ქართველი ხალხი

(სტატია გამოქვეყნდა Marketer.ge-ზე)