2 სექტემბერს ქორთიარდ მარიოტში გაიმართა გერმანული კომპანია ჰეიდელბერგცემენტის პრეს–კონფერენცია. კომპანიის მენეჯმენტმა ისაუბრა კასპის ცემენტის ქარხნის მდგომარეობაზე, კონფლიქტის შედეგად დაზარალებულთა დახმარებაზე, კომპანიის სამომავლო გეგმებზე და ინვესტიციებზე. ღონისძიების ორგანიზება და მედია უზრუნველყოფა განახორციელა კომპანია ჯეპრამ.

 

ჯეპრას თანამშრომლებმა მიიღეს მონაწილეობა საპროტესტო აქციაში, რომელიც რუსეთის საოკუპაციო რეჟიმის წინააღმდეგ იყო მიმართული. ცოცხალ ჯაჭვში საქართველოს მილიონზე მეტი მოქალაქე მონაწილეობდა.

 

25 აგვისტოს გაიხსნა თიბისი ბანკის ახალი ოფისი აღმაშენებლის გამზ 138–ში. ამასთან პრეს კონფერენციაზე ისაუბრეს იმ ცვლილებებისა და სიახლეების შესახებ, რომელსაც ბანკი გეგმავს უახლოესი პერიოდის განმავლობაში.

 

თიბისი ბანკი ფონდ '’ბიზნესმენები დაზარალებულთა დასახმარებლად’’ ერთობლივ აქციას იწყებს. ყველა ახალ დეპოზიტარს საშუალება ექნება თავისი წვლილი შეიტანოს დაზარალებულთა დახმარების ფონდში.

 

ჰაიდელბერგცემენტის კასპის ცემენტის ქარხანაში ახალი ფილტრის დამონტაჟების პრეზენტაცია გაიმართა. პროგრამა, რომელიც ითვალისწინებს ყველა ქარხნის თანამედროვე ფილტრაციით აღჭურვას, წლის ბოლომდე დასრულდება. პროექტი თანხლები აქციით „ახალი ფილტრები - სუფთა ფილტვები“ მიმდინარეობს.

 

ევროპის განვითარებისა და რეკონსტრუქციის ბანკი (EBRD) თიბისი ბანკს 35 მილიონი დოლარით დააფინანსებს. ხელშეკრულებას გრძელვადიანი სესხის თაობაზე ხელი მოაწერეს EBRD–ს რეგიონალურმა დირექტორმა კავკასიასა და ბელორუსიაში, მაიკლ დეივიმ და თიბისი ბანკის პირველმა ვიცე პრეზიდენტმა პაატა ღაძაძემ.

 

ჯეპრას მედია მენეჯერი კომპანია "ბორჯომის" საიტის შინაარსს განახლებაზე იმუშავებს.

 

კლუბმა "პრაიმ ფიტნესმა" და ჯეპრამ მასმედიის წარმომადგენლებსა და მოყვარულებს შორის საჩოგბურთო ტურნირი "მასმედია 2008" გამართა, რომელშიც 38 მედიის და სარეკლამო კომპანიის წარმომადგენელი მონაწილეობდა.  ტურნირის მიზანს მოყვარულთა შორის სპორტის ამ სახეობის პოპულარიზაცია წარმოადგენდა.

 

„ჯეპრას“ ახალმა სუბ–ბრენდმა „ედიტორ.ჯიმ“ გაზეთ „ახალ კომერსანტთან“ ერთად ორი  საგაზეთო ჩანართი გამოუშვა. ედიტორ.ჯი–სა და ახალი კომერსანტის ერთობლივი გამოცემა „დეველოპერი“ სამშენებლო ბაზრის სიახლეების შესახებ ამცნობს მკითხველს. „ტურისტი“ კი ტურიზმის, დასვენებისა და გართობის თემებს გააშუქებს.

 

12 ივლისს, გაუ–თბილისის პიარ სკოლაში გამოსაშვები საღამო გაიმართა. კურსდამთავრებულებს სერტიფიკატები და ატესტატები სკოლის დამფუძნებლებმა და ლექტორებმა გადასცეს. შემდეგი კურსები პიარ სკოლაში 22 და 23 სექტემბრიდან დაიწყება.