6 ოქტომბერს შერატონ მეტეხი პალასში გაიმართა "ქართული ქცევის კოდექსის" ხელმოწერის ცერემონიალი. საქართველოში პირველად ბიზნეს კომპანიებმა და ბიზნეს ასოციაციებმა ხელი მოაწერეს ბიზნესის ქცევის კოდექსს. ხელმოწერის ცერემონიას დაესწრნენ საქართველოს პრემიერ-მინისტრი, ამერიკის ვაჭრობის დეპარტამენტის წარმომადგენელი, საქართველოში ამერიკის ელჩი, ბიზნეს სექტორისა და საერთაშორისო ორგანიზაციების წარმომადგენლები. ქართული ბიზნესის ქცევის კოდექსი შემუშავებული იქნა ბიზნეს ეთიკის სამუშაო ჯგუფის მიერ. ქართული ბიზნესის ქცევის კოდექსი მიზნად ისახავს საქართველოში ისეთი ბიზნეს გარემოს ჩამოყალიბებას, სადაც ბიზნესის ეთიკური ქცევა და გონივრული მმართველობა დაფასდება, წახალისდება და გადაწყვეტილების მიღების ძირითადი საფუძველი გახდება. ქართული ბიზნესის ქცევის კოდექსს 52 ორგანიზაცია შეუერთდა.

 

26 სექტემბერს საზოგადოებრივმა ორგანიზაციებმა საზეიმო ვითარებაში ხელი მოაწერეს ეთიკის კოდექსს და "5 ვერცხლის პრინციპს". ეთიკის კოდექსი მიზნად ისახავს საზოგადოებისადმი მაღალი პასუხისმგებლობის გამოცხადებას, ორგანიზაციის მმართველობის ნორმების დახვეწას, ანგარიშვალდებულებისა და ფინანსური საქმიანობის გამჭვირვალობას. თითოეული ორგანიზაცია, რომელმაც ხელი მოაწერა დოკუმენტს, იღებს საკუთარ თავზე პასუხისმგებლობას შეასრულოს ეთიკის კოდექსში არსებული ნორმები და "5 ვერცხლის პრინციპი". საკონსულტაციო ჯგუფმა "ჯეპრამ" უზრუნველყო ხელმოწერის ცერემონიალის ორგანიზაციული და მედია მხარდაჭერა.

 

2004 წლის 19 სექტემბერს ხაშურში, პარლამენტარ ვალერი გელაშვილის ინიციატივით ყოფილი სასტუმრო ივერიის შენობაში გაიხსნა სკოლა-პანსიონი, რომელიც აღჭურვილია უახლესი სასწავლო ტექნიკით, კომპიუტერებით, სასკოლო ინვენტარით, გათბობით, სპორტული დარბაზით და სასადილოთი. სწავლა სკოლაში გაძლიერებული ინგლისურის სისტემით წარიმართება. სკოლა–პანსიონს მიენიჭა XIX საუკუნის ცნობილი ქართველი საზოგადო მოღვაწის დიმიტრი ყიფიანის სახელი. ღონისძიების საორგანიზაციო მხარდაჭერა უზრუნველყო საკონსულტაციო ჯგუფ "ჯეპრას" მედია–ცენტრმა. http://www.evraltd.com

 

2004 წლის 1 სექტემბერს "მაგთიკომმა" მოაწყო ახალი სერვისების პრეზენტაცია. პირველად ევროპაში "მაგთიკომის" მომხმარებლისათვის წინა კომერციულ საცდელ სტადიაზე გაუშვეს Push-to-Talk (ფუშ-თუ თოქ) ტექნოლოგიაზე დაფუძნებული სერვისი-ქორო. ფუშ-თუ-თოქ სერვისი წარმოადგინა მოტოროლას გენერალურმა მენეჯერმა ევროპისა და აზიის რეგიონში რონ ბარლიმ. პირველად საქართველოში "მაგთიკომმა" წარადგინა MMS (მულტიმედიურ შეტყობინებათა) მომსახურება, რომელიც საშუალებას იძლევა მობილურ ტელეფონზე გადაიგზავნოს და მიღებულ იქნას ფოტოსურათები და ფერადი ნახატები, შეიქმნას შეტყობინება ვიდეო ან გრაფიკული გამოსახულებისაგან, დაერთოს მუსიკალური ფონი. პრეზენტაციის საორგანიზაციო და მედია მხარდაჭერა უზრუნველყო საკონსულტაციო ჯგუფმა "ჯეპრამ". http://www.magticom.ge

 

საკონსულტაციო ჯგუფმა"ჯეპრამ" უზრუნველყო პროექტ "ქართული სახლი - მუცოს" ექსპედიციის მედია-ტურის საინფორმაციო და საორგანიზაციო მხარდაჭერა. ექსპედიცია მუცოში მოეწყო 2004 წლის 4 აგვისტოდან 24 აგვისტომდე. ექსპედიცია მიზნად ისახავდა მუცოს კომპლექსის სარესტავრაციოდ მოსამზადებელი სამუშაოების ჩატარებას. ექსპედიციის მსვლელობისას მოეწყო მედია-ტური 7 აგვისტოდან 10 აგვისტოს ჩათვლით, რომელიც მიზნად ისახავდა: პროექტის პოპულარიზაციას, საზოგადოებისათვის პროექტის ეგიდით განხორციელებული აქტივობების შესახებ ინფორმაციის მიწოდებას და პოტენციური სპონსორების მოზიდვას. http://www.georgianhouse.ge

 

30 ივნისს, გაიმართა პროექტ "ქართული სახლის" საანგარიშო პრეზენტაცია, სადაც მოხდა "ქართული სახლის" ახალი მიმართულების -კომპანია "არსისა "და TBC-ბანკის ერთობლივი პროექტის ქართული სახლი-მუცოს ანონსირება. პროექტი მიზნად ისახავს პირიქითა ხევსურეთის სოფელ მუცოში არსებული უნიკალური ციხე კომპლექსის აღდგენა-რესტავრაციას. საკონსულტაციო ჯგუფმა "ჯეპრამ" შეიმუშავა ღონისძიების კონცეფცია და უზრუნველყო მას მედიაში გაშუქება. http://www.georgianhouse.ge

 

21 ივნისიდან 3 ივლისამდე საკონსულტციო ჯგუფმა ჯეპრამ მაგთიკომის მაღალი რგოლის მარკეტინგისა და PR განყოფილების თანამშრომლებს ჩაუტარა ტრეინინგი საზოგადოებასთან ურთიერთობის დარგში.