2005 წლის თებერვალსა და მარტში, "ანალიზისა და კონსულტაციის ჯგუფმა"  "ემ-ჯი-აი მართვის ინსტიტუტთან" და "ამერიკის საზოგადოებასთან ურთიერთობის ასოციაციასთან" ერთად ჩაატარა სერტიფიცირებულ კურსები საზოგადოებასთან ურთიერთობის სტრატეგიულ დაგეგმვაში.
ეს უნიკალური პროგრამა, რომლის სწავლებაც ხდებოდა აღნიშნული კურსის ფარგლებში წარმოადგენს პროფესიული განვითარების დინამიურ და ინტერაქტიურ შესაძლებლობას, რომელიც შექმნილია საზოგადოებასთან ურთიერთობების სპეციალისტებისთვის. კურსი მიზნად ისახავდა მონაწილეებისათვის გაეცნო საზოგადოებასთან ურთიერთობის სტრატეგიული დაგეგმვის საკვანძო პრინციპებსა და სპეციალური სავარჯიშოებისა და პრაქტიკული ამოცანების მეშვეობით შეძლებთ დანერგოთ მიღებული ცოდნა თქვენს ყოველდღიურ პროფესიულ საქმიანობაში.
საკონსულტაციო ჯგუფ "ჯეპრას" მხრიდან ტრენინგებში მონაწილეობას იღებდა საზოგადოებასთან ურთიერთობების მენეჯერი კახა მაღრაძე.

 

საქართველოში ყველაზე მსხვილი კომერციული ბანკის ახალი შენობა თბილისის ერთ-ერთ უმნიშნელოვანეს არქიტექტურულ ძეგლს წარმოადგენს, რომლის რესტავრაციას თიბისი ბანკმა თითქმის 3 წელი მოანდომა. შენობა მდებარეობს მარჯანიშვილის ქუჩაზე, ყოფილი ცენტრალური უნივერმაღის შენობაში.
საუკუნოვანი ნაგებობისთვის ძველი იერსახის დაბრუნების მიზნით განხორციელებული სამუშაოები თიბისი ბანკს 10 მილიონი ლარი დაუჯდა. საინფორმაციო უზრუნველყოფა - საკონსულტაციო ჯგუფი ”ჯეპრა”.

 

2005 წლის 23 თებერვალს გაიმართა მცირე და საშუალო საწარმოთა და ინდმეწარმეთა კონკურსი. კონკურსის მიზანი იყო ქვეყნის მაშტაბით საუკეთესოს გამოვლენა შემდეგ ნომინაციებში: საუკეთესო მცირე ბიზნესის კომპანია ან ინდმეწარმე, საუკეთესო საშუალო ბიზნესის კომპანია, საუკეთესო ინოვაცია, საუკეთესო ექსპორტიორი, საუკეთესო ფერმერი. კონკურსი ჩატარდა საქართველოს სავაჭრო-სამრეწველო პალატის ორგანიზებით.

 

"მარნეტმა" ამერიკული ორგანიზაცია "პროექტ ჰარმონიას" მხარდაჭერით წარმოადგინა სამკვირიანი ტრენინგ პროგრამა ბიზნეს ადმინისტრაციაში - "ბიზნესის სიმულაცია". "ბიზნესის სიმულაცია" სპეციალურად არის შექმნილი იმისათვის, რომ მონაწილეების მიერ მისი გამოყენება მოხდეს საკუთარი ბიზნესის შექმნაში. ჯეპრას მხრიდან ტრენინგში მონაწილეობა მიიღო კომპანიის საზოგადოებასთან ურთიერთობების მენეჯერმა კახა მაღრაძემ.

 

18 თებერვალს კომპანია არსს ჟურნალისტთა კორპუსის წარმომადგენლები სტუმრობდნენ. "თბილისი, რომელიც დავკარგეთ" - ასე ჰქვია ფოტო გამოფენას, რომელიც ამავე კომპანიის ინიციატივით მოეწყო და დაინტერესებულ საზოგადოებას უკვე რამდენიმე დღეა მასპინძლობს.
გამოფენაზე ნაჩვენები ვიდეო-ფილმი (დანგრეული ხიდების, ქარვასლების და სხვა ნაგებობების რეკონსტრუქციით) და ექსპონირებული ფოტოები საქართველოს არქივებში დაცულ, ფართო საზოგადოებისთვის თითქმის უცნობ მასალას წარმოადგენს, რომელიც მე-19 საუკუნის თბილისს დაგვანახებს.
შადინოვებისა და ზუბალაშვილების ქარვასლები, სეიდაბადი (ასე უწოდებდნენ მე-17 საუკუნიდან აბანოების უბანს და მის მიმდებარე ტერიტორიას), ხარფუხი, თათრის მოედანი, ვირის ხიდი, მეტეხის ხიდი, ბზის მოედანი - ძველი ფოტოებიდან მომზირალი თბილისი დღეს, ფაქტობრივად, აღარ არსებობს. ჟურნალისტებთან შეხვედრა მიზნად ისახავდა არა მოცემულ ეტაპზე რომელიმე ტერიტორიის ათვისების კონკრეტულ პროექტს, არამედ საზოგადოებრივი აზრის ფორმირებას დედაქალაქის ისტორიული უბნების განვითარების პერსპექტივის შესახებ და ქალაქის ისტორიულ ცენტრში მორღვეული ურბანული ქსოვილის სიმკვრივის აღდგენის გზების ძიებას, რასაც წინ უნდა უძღოდეს პროფესიული და ფართო საზოგადოების ინფორმირება. შეხვედრაზე ჟურნალისტებს საკუთარი შენიშვნებისა და შთაბეჭდილებების დაფიქსირების საშუალება მიეცათ.

 

2005 წლის 13 თებერვლიდან ფუნქციონირება დაიწყო  ქართულ-ამერიკულმა უნივერსიტეტმა. უნივერსიტეტის სამართლისა და ბიზნესის სკოლები ქართველი და უცხოელი სტუდენტებისათვის უზრუნველყოფენ მსოფლიოში აღიარებულ თანამედროვე მოთხოვნათა შესაბამის ბიზნეს და იურიდიულ განათლებას, რაც მომავალში მნიშვნელოვნად შეუწყობს ხელს საბაზრო ეკონომიკისა და სამართლებრივი ნორმების განვითარებას, როგორც საქართველოში, ასევე კავკასიის მთელ რეგიონში.
ქართულ-ამერიკული უნივერსიტეტის სამართლისა და ბიზნესის სკოლები სტუდენტებს სთავაზობენ მაღალი აკადემიური დონის სრულ სასწავლო პროგრამებს, რომლებიც უზრუნველყოფენ წარმატებული და საფუძვლიანი განათლების მიღებას. სტუდენტები შეისწავლიან იურისპრუდენციას, იურიდიულ ინსტიტუტებს და სამართლებრივ პროცესებს, ბიზნესის მართვას. უნივერსიტეტის მიერ პროფესიონალური კადრების მომზადება წარიმართება საუკეთესო დასავლურ გამოცდილებაზე დაყრდნობით, საქართველოსათვის შემუშავებული განათლების სპეციალური პროგრამის საფუძველზე.
საინფორმაციო უზრუნველყოფა - საკონსულტაციო ჯგუფი ”ჯეპრა”.

 

24 იანვრიდან 4 თებერვლამდე ჯეპრას მენეჯერი გიგა ხარებავა მოწვეული ექსპერტის სტატუსით მონაწილეობას იღებდა უფროსი სოციალური აგენტების თანამდებობაზე საქართველოს დასაქმების სახელმწიფო სამსახურის მიერ ორგანიზებულ თანამშრომელთა შერჩევაში.

 

გაფორმდა ხელშეკრულება საქართველოს სანაპირო ზონის ინტეგრირებული მართვის ცენტრსა და საკონსულტაციო ჯგუფ ”ჯეპრას” შორის კოლხეთის ეროვნული პარკის PR და სარეკლამო კამპანიის წარმართვის შესახებ. PR და სარეკლამო კამპანია მოიცავს პარკის ტერიტორიაზე ტურისტული სააგენტოების და მედიის წარმომადგენლებისათვის სპეციალური ტურის მოწყობას, პარკის პრეზენტაციას, სარეკლამო და მედია კამპანიას. აღნიშნული კონტრაქტი გაფორმდა მას შემდეგ, რაც ”ჯეპრამ” გაიმარჯვა კამპანიის დაგეგმვისა და რეალიზაციის თაობაზე გამოცხადებულ ტენდერში.

 

ჯეპრამ მოიგო ”თიბისი ბანკის” ახალი სათაო ოფისის გახსნის ცერემონიალის ტენდერი. საუკუნოვანი შენობისათვის ძველი იერსახის დაბრუნების იდეა თიბისი ბანკს ეკუთვნის და სარესტავრაციო სამუშაოების განხორციელება და დაფინანსებაც სწორედ მან ითავა. სარემონტო სამუშაოების დასრულების შემდეგ რესტავრირებულ შენობაში ბანკის სათაო ოფისი განთავსდება. თიბისი ბანკის ხელმძღვანელობამ ისტორიული ნაგებობის აღდგენა არქიტექტორების მიერ შემუშავებული პროექტის მიხედვით განახორციელა.

 

29 იანვარს გაიმართა კონფერენცია ”სოციალური პასუხისმგებლობა - ბიზნესისა და საზოგადოებრივი სექტორის თანამშრომლობა”. კონფერენციის მიზანი იყო საქმიან საზოგადოებაში, სახელისუფლებო სტრუქტურებსა და საზოგადოებრივ წრეებში სოციალური პასუხისმგებლობის მქონე კომპანიების საზოგადოებრივი მნიშვნელობისა და მოწინავე როლის წარმოჩენა. კონფერენციაზე მოხდა კონკრეტული კომპანიების სოციალური პროექტების წარდგენა, განიხილეს საზოგადოებრივი და ბიზნეს ორგანიზაციების თანამშრომლობის პერსპექტივები. კონფერენციაზე საზოგადოებრივ სექტორსა და ბიზნესს სექტორს შორის გაფორმდა ურთიერთშეთანხმების მემორანდუმი. მემორანდუმზე ხელი მოაწერა 20 ბიზნეს ორგანიზაციამ და 25 საზოგადოებრივმა ორგანიზაციამ. გაიმართა პროექტის სოციალური პროექტების ბირჟის პრეზენტაცია. კონფერენცია ჩატარდა ”სამოქალაქო ინტერესების დაცვის პროგრამის” (CAP) ფარგლებში, USAID-ის ფინანსური ხელშეწყობით. საინფორმაციო მხარდაჭერა - საკონსულტაციო ჯგუფი ”ჯეპრა”.