წარმატება და განვითარება მოძრაობის გარეშე შეუძლებელია. გადადგმულ ნაბიჯებს მივყავართ მიზნისკენ. თქვენ უსმენთ ჯეპრას პოდკასტს „წინ სვლა“ ჯეპრას რიგით მეორე პოდკასტში, წარმოგიდგენთ ინტერვიუს ბლოგერთან ელენიკო რუხაძესთან, რომელიც მანჩო ონიაშვილმა და ანუკი ცხოვრებაძემ მოამზადეს.
ილიას სახელმწიფო უნივერსიტეტისა და საკონსულტაციო კომპანია „ჯეპრას“ ერთობლივმა ჰაკათონმა ნიკო ნიკოლაძის ჩეთბოტის შესაქმნელად სტარტი 19 თებერვალს აიღო.
48 საათის განმავლობაში სტუდენტებისა და მოსწავლეების გუნდები მთელი საქართველოდან XIX-XX საუკუნის უდიდესი ნოვატორისა და ინტელექტუალის ნიკო ნიკოლაძის ენობრივი ასლის – ჩეთბოტის შექმნის იდეის გარშემო გაერთიანდნენ. მათ მუშაობის პროცესში მენტორობას უწევდნენ ილიაუნის კიბერლაბორატორია „უნილაბისა“ და ჰაკათონის პარტნიორი ორგანიზაციის “ანიმა ჩეთბოტიქსის” თანამშრომლები.
22 თებერვალს კონკურსის ჟიურიმ, რომლის შემადგენლობაშიც იყვნენ ილიას სახელმწიფო უნივერსიტეტის ვიცერექტორი ნინო დობორჯგინიძე, ილიაუნის კიბერლაბორატორია „უნილაბის“ დირექტორი სანდრო ასათიანი, „ჯეპრას“ უფროსი კონსულტანტი სოსო გალუმაშვილი და „ნიკო ნიკოლაძის საზოგადოების“ თავმჯდომარე გიორგი ფარეშიშვილი, მონაწილეების მიერ შექმნილი ჩეთბოტები შეაფასა და გამარჯვებულები გამოავლინა.
პირველ ადგილზე გავიდა ქალაქ ქუთაისის სკოლა „პროგრესის“ XI კლასის მოსწავლეების გუნდი „UნიკოRNI“. გუნდის წევრებმა იოანე იობიძემ და ლაშა გულუაშვილმა ნიკო ნიკოლაძის სახელობის 2500 ლარის ოდენობის საპრემიო თანხა მოიპოვეს საკონსულტაციო კომპანია „ჯეპრაში“ სტაჟირებისთვის.
„ ჰაკათონი იყო ძალიან შრომატევადი და, რაც მთავარია, გამოწვევებით დატვირთული. ჰაკათონის ყოველი წუთი და წამი მიმართული იყო ნიკოს პიროვნების შესწავლასა და ჩეთბოტში „გაწერაზე“. ერთი სიტყვით, სასიამოვნო და პროდუქტიული დღეები გვქონდა. გარდა ნიკო ნიკოლაძის პიროვნების უკეთ შესწავლისა, ჰაკათონმა მასწავლა სტერსულ სიტუაციაში მუშაობა და პრობლემებზე ეფექტურად რეაგირება. ნიკოს უამრავი ჩეთბოტი ვიხილეთ და ყველა საკმაოდ სერიოზულ დონეზე იყო შესრულებული. ჩვენი გუნდი ალბათ მუშაობისა და ჩეთბოტის შემუშავების მხრივ არის გამორჩეული. ”პითონზე” დაფუძნებული პროგრამა კი ამის ნათელი მაგალითია,” – აღნიშნა პირველ ადგილზე გასული გუნდის, UნიკოRNI-ს წევრმა, ლაშა გულუაშვილმა.
მეორე ადგილზე გავიდა ქალაქ ფოთის მე-3 საჯარო სკოლის XII კლასის მოსწავლეების გუნდი „Nik.co“. გუნდის წევრებმა თეკლა დუნდუამ, დავით ჩიქობავამ და გიორგი ალანიამ ნიკო ნიკოლაძის სახელობის 1500 ლარის ოდენობის საპრემიო თანხა მოიპოვეს საკონსულტაციო კომპანია ჯეპრაში სტაჟირებისთვის.
„სიტყვა „ჰაკათონი“ ჩემთვის უკვე დიდ თბილ სახლთან ასოცირდება საოცრად მოტივირებული და მიზანდასახული გუნდის წყალობით, ჰაკათონი ძალიან ორგანიზებულად და წარმატებულად მიმდინარეობდა. მიუხედავად მღელვარებისა, მენტორის და საორგანიზაციო გუნდის დახმარებით არ მიგრძვნია დაძაბულობა , პირიქით, 3დღიანი სამუშაო პროცესი ძალიან ნაყოფიერი და დასამახსოვრებელი იყო. მადლობა ასეთი თბილი გარემოს შექმნისთვის. რა თქმა უნდა , მიღებული გამოცდილება დამეხმარება ჩემი მომავალი მიზნების მიღწევაში. მაქსიმალურად ვეცადეთ, ჩვენი ჩეთბოტი კრეატიული და ორიგინალური ყოფილიყო. იმისთვის, რომ მომხმარებელსა და ჩეთბოტს შორის დიალოგი მონოლოგში არ გადაზრდილიყო უხვი ინფორმაციის გამო თემის შესახებ, გამოვიყენეთ კითხვარები, ქვიზები, ფოტო და სხვა თვალსაჩინო მასალები.“ – აცხადებს Nik.co-ს წევრი, თეკლა დუნდუა.
მესამე ადგილზე გავიდა ილიას სახელმწიფო უნივერსიტეტის სტუდენტების გუნდი „ტვი’ნიკო“. გუნდის წევრებმა ნინო ჯინჯიხაძემ, ბარბარე ჭილაშვილმა და ანა ფიცხელაურმა ნიკო ნიკოლაძის სახელობის 1000 ლარის ოდენობის საპრემიო თანხა მოიპოვეს საკონსულტაციო კომპანია „ჯეპრაში“ სტაჟირებისთვის. საკონკურსო ადგილის მოპოვებისთვის ილიას სახელმწიფო უნივერსიტეტმა გუნდის წევრები დამატებით 1000-ლარიანი დაფინანსებით დააჯილდოვა.
„ჰაკათონი იყოს უაღრესად საინტერესო. ასეთი პროდუქტიული ორი დღე ჯერ არ მქონია. ჰაკათონის განმავლობაში, გარდა იმისა, რომ შევძელი ნარატივ დიზაინისთვის საჭირო უნარების დახვეწა, ვისწავლე თუ რას ნიშნავს რეალური გუნდური მუშაობა და ამასთან გავიცანი ძალიან ბევრი საინტერესო ადამიანი. ვფიქრობ ჩვენი ბოტის განსაკუთრებულობა მის პერსონალობაშია, ის არის უშუალო, მხიარული და საინტერესო მოსაუბრე”, აცხადებს ტვი’ნიკო-ს წევრი, ანა ფიცხელაური.
ილიაუნის რჩეული სასკოლო გუნდის სტატუსი მოიპოვა ქალაქ ქუთაისის 33-ე საჯარო სკოლის მე-11 კლასის მოსწავლეების გუნდმა “ფენიქს ნიკო”. გუნდის თითოეულმა წევრი – მარიამ ხარაბაძე, თამუნა ფცქიალაძე, ანა წითელიშვილი და ქეთი მაღლაკელიძე – ილიას სახელმწიფო უნივერსიტეტმა დააჯილდოვა 500-ლარიანი სასტიპენდიო ვაუჩერით, რომლითაც უნივერსიტეტის ნებისმიერ საბაკალავრო პროგრამაზე სწავლის შემთხვევაში ისარგებლებენ.
„ ჩემი აზრით, ჰაკათონი იყო ერთ-ერთი საუკეთესო და განსაკუთრებული პროექტი, რომელიც ილიას ჩაუტარებია. ეს იყო საუკეთესო საშუალება ახალი ტექნოლოგიების შესწავლასა და ჩვენი უნარების განვითარებაში ნარატივ დიზაინის კუთხით. ჰაკათონში მონაწილეობის დროს გავიცანი სხვადასხვა ადამიანები, რამაც გამოიწვია ჩემი უნარების დახვეწა კომუნიკაციების თვალსაზრისით, გარდა ამისა მთლიანად შევისწავლეთ ნიკო ნიკოლაძე, მისი მოღვაწეობა, ხასიათი, დამოკიდებულებები და სხვა უამრავი ერთი სიტყვით მის ტვინშიც ვიმოგზაურეთ და მივხვდით რამდენად ბუმბერაზი ადამიანი იყო“ – აცხადებს ქეთი მაღლაკელიძე ,“ფენიქს ნიკო”-ს წევრი.
ჰაკათონში გამარჯვებული სტუდენტური გუნდი ნიკო ნიკოლაძის ციფრული ენობრივი ასლის – ჩეთბოტის სრულყოფაზე იმუშავებს, რომელიც ვებგვერდზე nikonikoladze.ge ინტეგრირდება.
ევროკავშირის მიერ მხარდაჭერილი კავკასიის სოციალური ინოვაციების კონკურსის მეორე ეტაპი და პირველი მწვანე ბიზნეს აქსელერაციის პროგრამა GREENcubator დასრულდა. GREENcubator პროგრამა მოიაზრებდა საგრანტო კონკურსის მონაწილეების მხარდაჭერას თავიანთუი მწვანე ბიზნესიდეების დახვეწასა და განვითარებაში, პროგრამის ფარგლებში ჯეპრას უფროსმა კონსულტანტმა სოსო გალუმაშვილმა მონაწილეებს ტრენინგი ბიზნესმოდელის წყაროებისა და ტიპების შესახებ ჩაუტარა.
3 კვირიანი ინტენსიური კურსები მოიცავდა ტრენინგებს, პრაქტიკულ შეხვედრებსა და ინდივიდუალური სწავლების სესიებს ისეთ თემებზე გამოცდილების გაზიარებით, როგორიც არის ბიზნესისმოდელის ტიპები, ბიუჯეტირება და ხარჯების სტრუქტურა, ბაზარზე შესვლის სტრატეგიები, გაყიდვები, მარკეტინგი, ბრენდინგი, ქრაუდფანდინგი, სოციალური მედიის მართვა და სხვა.
GREENcubator–მა ჯამში 25 მონაწილეს უმასპინძლა, რომლებიც გეგმავენ სოციალური და მწვანე საწარმოების შექმნას ნარჩენების მართვის, ეკოტურიზმისა და სოფლის განვითარების მიმართულებებით.
თუ გიგრძვნიათ უკმაყოფილება იმის გამო, რომ პროდუქტის შესახებ შეხვედრები არაპროდუქტიულია, რომ ახალი პროდუქტის შექმნა მხოლოდ ვარაუდებსა და ინტუიციაზეა დაფუძნებული, გიმუშავიათ თამამ, ბრწყინალე იდეაზე, რომელმაც საბოლოო ჯამში წარუმატებლობამდე მიგიყვანათ, მაშინ ეს წიგნი სწორედ თქვენთვისაა.
წიგნი „ღირებული შეთავაზების ფორმირება“ დაგეხმარებათ კარგად გაიაზროთ ღირებული შეთავაზების შექმნის ნიმუშები, შეაფასოთ თქვენი გუნდი, თავიდან აიცილოთ დროის დაკარგვა ისეთ იდეებზე, რომლებიც შედეგს არ მოიტანს, უკეთ გაუგოთ მომხმარებლებს და იყოთ წარმატებული. ეს არის პრაქტიკული წიგნი, სავსე მეთოდიკებით, მაგალითებით, სქემებითა და რჩევებით.
ღირებული შეთავაზების ტილო ბიზნესმოდელის ტილოს მნიშვნელოვანი კომპანიონია. ეს არის მეთოდი, რომელსაც გლობალურად იყენებენ, როგორც სტარტაპები, ასევე დიდი კორპორაციები, როგორებიცაა მასტერქარდი, 3M, კოკა-კოლა, ფუჯითსუ, ლეგო, ქოლგეით-პალმოლივი და სხვა.
მეტი ინფორმაციისთვის ეწვიეთ ჩვენს წიგნების ვებგვერდს books.com.ge
საქართველოს უნივერსიტეტისა და ჯეპრას ორგანიზებით 19-20 მარტს პიართონი გაიმართება.
პიართონის მიზანია მონაწილეებმა შექმნან საკომუნიკაციო კამპანია სოციალური მედიისთვის საჭირო ტექნიკების გამოყენებით. თემა, რომელზეც ისინი იმუშავებენ უშუალოდ პიართონის დაწყების წინ გახდება მათთვის ცნობილი.
პიართონი სტარტს 19 მარტს, პარასკევს, 10:30 საათზე აიღებს და 20 მარტს დასრულდება. პიართონის მონაწილეები 24 საათის განმავლობაში იმუშავებენ საკომუნიკაციო კამპანიაზე.
პიართონში მონაწილეობის მიღება შეუძლიათ საქართველოს უნივერსიტეტის სტრატეგიული კომუნიკაციების, ჟურნალისტიკის და ბიზნესის ადმინისტრირების პროგრამების სტუდენტებს;
"გვიხარია, რომ ამ პროექტს “ჯეპრასთან” ერთობლივად ვახორციელებთ. “პიართონი” პირველი პრეცედეტი იქნება როგორც საგანმანათლებლო, ისე პროფესიული სივრცისთვის, რადგან უნიკალურ შესაძლებლობას აძლევს სტრატეგიული კომუნიკაციებით დაინტრესებულ სტუდენტებს, საკუთარი თავი მოკლე დროში რეალური პროექტის განხორციელებაში გამოსცადონ. ეს "საქართველოს უნივერსიტეტისა" და "ჯეპრას" უკვე მეორე წარმატებული, ერთობლივი პროექტია, რომელიც სტრატეგიული კომუნიკაციის, როგორც პროფესიის განვითარებას, მის ხელშეწყობას ეძღვნება,"- განმარტავს "საქართველოს უნივერსიტეტის" სოციალურ მეცნიერებათა სკოლის დირექტორი ნათია კალაძე.
რეგისტრაციის დასრულების შემდეგ კი დარეგისტრირებულებისთვის გაიმართება ონლაინ ლექციების ციკლი, რისი მეშვეობითაც მონაწილეები კამპანიის შექმნისთვის საჭირო ინფორმაციას მიიღებენ.
ლექციებს ჩაატარებენ: დათო საბეკია, ანა ქაბზინიძე, სალომე მეცხვარიშვილი, ალექსანდრე გაბულია, ნათია კალაძე.
პროექტებს შეაფასებს სპეციალურად მოწვეული ჟიური, რომელიც დაკომპლექტებული იქნება პიარის, განათლების და ბიზნეს სფეროს წარმომადგენლებით.
პიართონის გამარჯვებული გუნდები ნიკო ნიკოლაძის პრემიით დაჯილდოვდებიან: I ადგილზე გასული გუნდი 1200 ლარის, II ადგილზე - 800 ლარის, ხოლო III ადგილზე გასული გუნდი - 500 ლარის ოდენობით. გარდა ამისა, სადაზღვევო კომპანია „არდი“ I ადგილზე გასული გუნდის თითოეულ წევრს ჯანმრთელობის ერთწლიან სადაზღვევო პაკეტს გადასცემს.
„როგორც საგანმანათლებლო პროექტების აქტიური მხარდამჭერი, მოხარულები ვართ, რომ ჩავერთეთ საინტერესო და სასიკეთო პროექტში ,,პიართონი", რომელიც საქართველოს უნივერსიტეტის სტუდენტებს დაეხმარება გაიღრმავონ ცოდნა და პრაქტიკაში გამოიყენონ საზოგადოებასთან ურთიერთობის დარგის ძირითადი პრინციპები და მარკეტინგული კომუნიკაციები, რაც ხელს შეუწყობს მათ პროფესიულ განვითარებაში“ - ამბობს სადაზღვევო კომპანია "არდის" უფროსი მარკეტინგის მენეჯერი ეკატერინე ხიდაშელი.
ნიკო ნიკოლაძის პრემიის დაარსების ინიციატორი საკონსულტაციო კომპანია “ჯეპრაა.”
პრემიის ფარგლებში პარტნიორ უნივერსიტეტებში ბიზნეს-კომპანიებთან თანამშრომლობით ჩატარებული კონკურსების გამარჯვებულებს გადაეცემათ მე-19-20 საუკუნეების უდიდესი ნოვატორისა და საზოგადო მოღვაწის ნიკო ნიკოლაძის სახელობის საუნივერსიტეტო პრემია.
„პიართონში ჩართულობა ერთი მხრივ, მრავალფეროვან თეორიულ ცოდნას მისცემს სტუდენტებს, ხოლო მეორე მხრივ მნიშვნელოვან პრაქტიკულ გამოცდილებას. მსგავსი კონკურსები ხელს უწყობს ბიზნესსა და საგანმანათლებლო სექტორს შორის კავშირის გამყარებას,“ - განმარტავს „ჯეპრას“ უფროსი კონსულტანტი სოსო გალუმაშვილი.
პიართონში მონაწილეობის მიღების მსურველებს რეგისტრაციის გავლა 25 თებერვლამდე შეუძლიათ.
პიართონში მონაწილეობის მიღებისა და სხვა საკითხების შესახებ დამატებითი ინფორმაციის მისაღებად იხილეთ ღონისძიება
ჯეპრასა და ლურჯი ოკეანეს თანამშრომლობით, მორიგი ბესტსელერი ჯიმ კოლინზის "კარგიდან საუკეთესომდე" გამოიცემა.
ჯიმ კოლინზი ამერიკელი მკვლევარი, სპიკერმა და გავლენიანმა კონსულტანტია, რომლის წიგნიც მალევე გახდა ბესტსელერი და მენეჯმენტის თეორიის თანამედროვე კლასიკადაც აღიარეს.
კოლინზისთვის თანამოაზრეთა გუნდთან ერთად ჩატარებული ხუთწლიანი საფუძვლიანი კვლევის უმთავრესი ამოცანა იყო, გაერკვია, ზოგმა კომპანიამ როგორ მოახერხა „შესანიშნავად“ ქცევა, სხვებმა კი რატომ განიცადეს მარცხი.
მან ასევე თავი მოუყარა მართვასა თუ პერსონალთან დაკავშირებულ ყველა ოპერაციულ პრაქტიკას, ქცევასა და დამოკიდებულებას, რომლებიც ხელს უწყობს ან ეწინააღმდეგება კარგიდან შესანიშნავად გარდაქმნის პროცესს
წიგნი „კარგიდან საუკეთესომდე“ ბევრ კითხვაზე გაგცემთ პასუხს და ფასდაუდებელ დახმარებას გაგიწევთ ბიზნესის რთულ სამყაროში სწორი გადაწყვეტილებების მისაღებად.
როგორ ვეთანამშრომლოთ ბიზნესს? - პიარისა და მარკეტინგული კომუნიკაციების სპეციალისტის, კახა მაღრაძის რჩევები არასამთავრობო ორგანიზაციებს.
ვიდეო მომზადდა EWMI Access-ის პროექტის ფარგლებში, ამერიკელი ხალხის მხარდაჭერითა და USAID - US Agency for International Development-ის დაფინანსებით.
საქმე და საქმიანი ადამიანი, ახალი მოთხოვნები და გარემოებები - რას გვთავაზობს თანამედროვე სამყარო, როგორც საქმეს და როგორ იქმნება წარმატებული ადამიანის სახე.
ნიკო ნიკოლაძის პრემიის პროექტის მენეჯერი რუსკა უსტიაშვილი და ანიმაჩეთბოტიქსის პროექტების მენეჯერი მარიამ გოჩიაშვილი ბიზნესპარტნიორის დილის ეთერში საუბრობენ ჰაკათონის შესახებ, რომელიც მიზნად ისახავს ნიკო ნიკოლაძის ციფრული ენობრივი ასლის – ჩეთბოტის შექმნას.
