17 სექტემბერს, საგზაო უსაფრთხოების მიმართ საზოგადოებაში ცნობიერების ამაღლების კამპანიის "სუფთა ჰაერი, უსაფრთხო მოძრაობა" პრეზენტაცია გაიმართა.
კამპანიის მიზანია მოსახლეობის ცნობიერების ამაღლება და განათლება საგზაო უსაფრთხოების თემაზე, რომლის ფარგლებშიც 17-21 სექტემბერს, საქართველოს რეგიონებში მოეწყობა სამოქალაქო კვირეული.
კამპანიის კრეატიული კონცეფციის შექმნასა და მედიამხარდაჭერას ჯეპრა უზრუნველყოფს.
11 სექტემბერს მარკეტინგული ივენთი, „ციფრული კომუნიკაცია ცვლილებებისთვის“ გაიმართა.
კახა მაღრაძემ ივენთზე პიარის წინაშე არსებულ გამოწვევებზე ისაუბრა.
ბათუმში, საკომუნიკაციო სააგენტოების ასოციაციის წევრების ადგილობრივ სარეკლამო და საკონსულტაციო ინდუსტრიის წარმომადგენლებთან შეხვედრაზე, ნუცა სუბელიანმა ჯეპრას სერვისები და საქმიანობის მიმართულება წარადგინა და ვრცლად ისაუბრა ანტიკრიზისულ კომუნიკაციებზე.
21-22 ივლისს დეველოპერულმა კომპანიამ m2 უძრავი ქონება კომპანია ჯეპრასა და არასამთავრობო ორგანიზაცია ეკოხედვასთან ერთად მედიასემინარი გამართა თემაზე - „ტყის ხანძრის პრევენცია“.
მედიასემინარზე განხილული იქნა შემდეგი თემები: - მთაწმინდის ტყის აღდგენისა და რეაბილიტაციის პროცესები - გარემოსდაცვითი განათლება და ხანძრების პრევენციის კამპანია თბილისის სკოლებში - ლანდშაფტის რეკონსტრუქცია მთაწმინდის გადამწვარი ფერდობის მაგალითზე მედიასემინარი წარიმართა ინტერაქტიულ რეჟიმში და მოიცავდა, როგორც საინფორმაციო ნაწილს, ისე დისკუსიებს კონკრეტულ მიმართულებებზე.
პიარსკოლაში გაზაფხულის კურსი დასრულდა. ტრადიციულ და სახალისო დიპლომების გადაცემის ცერემონიალს გაუს პრეზიდენტი მაიკლ ქაუგილი, პიარსკოლის დამფუძნებლები, ლექტორები და მენტორები ესწრებოდნენ. ღონისძიების დასასრულს გამოვლინდა ჯგუფებიდან 3-3 საუკეთესო სტუდენტი, რომელთაც ყველა ლექტორის მიერ ხელმოწერილი სარეკომენდაციო წერილი გადაეცათ.
პიარსკოლა კურსდამთავრებულებს წარმატებასა და მიღებული ცოდნის პრაქტიკაში გამოყენებას უსურვებს.
„ბორჯომი“ აგრძელებს ბრენდის განვითარებას და აქტიური ზაფხულის თემას ეხმიანება, უფრო მეტიც, მომხმარებელს აქტიური დასვენებისა და ცხოვრებისგან მაქსიმალური სიამოვნების მიღების მორიგ შესაძლებელობებს სთავაზობს. სწორედ, ეს კონცეფცია აირჩია „ბორჯომმა“ საზაფხულო კომუნიკაციისთვის, რომელიც თავის მხრივ ქილის ახალ დიზაინში, ვებ რესურსსა და სხვადასხვა აქტივობებში გააერთიანა.
აქტიური ზაფხულის კონცეფციის პრეზენტაცია კომპანიამ თბილისის ზღვაზე მდებარე იახტ კლუბში “La Cote” გამართა.
ჯეპრამ ღონისძიების ორგანიზებაზე,
მედიასა და სოციალური მედიაში კამპანიის საინფორმაციო მხარდაჭერაზე იზრუნა.
23 ივნისს ცნობილი ღვინისა და ალკოჰოლური სასმელების მწარმოებელმა კომპანიამ GWS-მა თელავში, აჩინებულში მდებარე ერთ-ერთი უძველესი ღვინის ქარხნის ეზოში ბაროკოს სტილში გრანდიოზული ღონისძიება სახელწოდებით, „ტკბობის ბაღი“/“The Garden of Delights” გამართა და მოწვეულ სტუმრებს საკულტო ღვინოების ახალი კოლექცია წარუდგინა.
ღონისძიებას მედიის წარმომადგენლებიც დაესწრნენ. GWS-ის მედიატური ჯეპრამ უზრუნველყო.
ჯეპრას უფროსი კონსულტანტი, სოსო გალუმაშვილი თბილისის მერიის კონკურსის #გაუფრთხილდიქალაქს კომისიის წევრად შეარჩიეს.
„გაუფრთხილდი ქალაქს“ - დედაქალაქის მერია ახალი სოციალური კამპანიის წარმოების მიზნით კონკურსს აცხადებს. კონკურსი საუკეთესო კონცეფციის გამოვლენას ითვალისწინებს, რომლის ავტორი სარეკლამო კომპანია მას 6 თვის განმავლობაში განახორციელებს.
გამარჯვებულ კონცეფციას სხვადასხვა სფეროს წარმომადგენელი, სოციალურად აქტიური პირებისგან დაკომპლექტებული კომისია თბილისის მერიასთან ერთად გამოავლენს.
ბიზნეს სექტორში ქალთა გაძლიერების სამუშაო ჯგუფის გასვლითი სამუშაო შეხვედრა გაიმართა.
შეხვედრას კერძო სექტორის, არასამთავრობო და საერთაშორისო ორგანიზაციების 30-მდე წარმომადგენელი ესწრებოდნენ. ინფორმაციის გაზიარება, პრაქტიკული მექანიზმებისა და სამომავლო საქმიანობების განსაზღვრა შეხვედრის ძირითად მიზანს წარმოადგენდა.
შეხვედრა პროექტის ,,ერთობლივი ძალისხმევა ქალთა ეკონომიკური გაძლიერებისთვის საქართველოში" ფარგლებში გაიმართა, რომელიც დაფინანსებულია ნორვეგიის საგარეო საქმეთა სამინისტროს მიერ.
