ჯეპრას სოციალური მედიის მიმართულების ხელმძღვანელად და რედაქტორად ზურაბ ბალანჩივაძე დაინიშნა. მას 4 ბლოგისა და რამდენიმე სოციალური ქსელის მართვისა და პლატფორმის ტექნოლოგიური დახვეწის ფუნქციების შესრულება დაევალა. ბატონი ზურაბი საკუთარ კონცეპციას ახალი მედიის განვითარების საქმეში განახორციელებს.

 

ბლოგი, რომელიც ქალებისთვის არის განკუთვნილი საავტომობილო ბაზრის სიახლეებსა და საინტერესო ამბებზე იქნება. ინფორმაცია იქნება როგორც ქართული, ასევე უცხოური ბაზრებიდან და საავტომობილო წარმოების შესახებ. www.carblog.ge - ფრთხილად საჭესთან ქალიას სლოგანით გადის.

 

ასეთი გადაწყვეტილება კომპანიის გრძელვადიანი სტრატეგიული გეგმის ნაწილია, რომელიც კონსალტინგის მიმართულების გაძლიერებას ითვალისწინებს. წელს ჯეპრა წელს სამი ახალი პროდუქტის შექმნაზე იმუშავებს: ადგილმდებარეობის მარკეტინგი, ლოიალურობის პროგრამებისა და საფონდო ბირჟებზე კომპანიების გასვლის პიარ თანხლება.

 

29 დეკემბერს, უნიქარდისა და ჯეპრას ერთობლივი მედია–კონკურსის გამარჯვებულების საზეიმო დაჯილდოება გაიმართა. საღამოს კახა მაღრაძე და ანა კოშაძე უძღვებოდნენ.

 

პიარ სკოლაში ინტეგრირებული მარკეტინგული კომუნიკაციების მორიგი კურსის პრეზენტაციები და საზეიმო დაჯილდოების ცერემონიალი გაიმართა. პიარსკოლელებს დიპლომები გაუ–ს პრეზიდენტმა მაიკლ ქაუგილმა გადასცა.

 

25–26 დეკემბერს, სამოქალაქო ორგანიზაციების განვითარების ცენტრის პროექტის ფარგლებში, CIDA-ს ორგანიზებით ჩატარდა ტრენინგი "დიალოგი უკეთესი მომსახურებისათვის", რომელშიც ქვემო ქართლის მუნიციპალიტეტების თანამშრომლები, რეგიონის არასამთავრობო ორგანიზაციები, მედია და ბიზნეს–სეტორის წარმომადგენლები მონაწილეობდნენ. ტრენინგს კახა მაღრაძე და სოსო გალუმაშვილი უძღვებოდნენ.

 

ჯეპრამ მენჯმენტ კომპანია "სონნეტის" ბრენდინგი დაასრულა. ლოგოტიპისა და კორპორატიული სტილის გარდა, შემუშავებულ იქნა ბრენდის გაფართოების კონცეფცია.

 

ჯეპრამ უნიქარდთან კონტრაქტი გააგრძელა. ხელშეკრულება პიარ მომსახურებასა და მედიასთან ურთიერთობის, აგრეთვე სოციალური მედიის გაძღოლას ითვალისწინებს. 

 

ჯეპრამ ნატახტარის კორპორატიული ყოველკვარტალური ჟურნალის მესამე ნომერი გამოუშვა. ჟურნალი 2010 წლის დასაწყისიდან გამოდის და დიდი პოპულარობით სარგებლობს ნატახტარის თანამშრომლებში.

 

17 ნოემბერს რაგბიში საქართველო – კანადის ამხანაგური მატჩზე გულშემატიკივრების მოსაწვევად ნატახტარისა და რაგბის ქომაგთა კავშირის ინიციატივით ჩატარდა აქცია "ეროვნული უნდა გაივსოს", რომელშიც საქართველოში პოპულარული მსახიობები, ჟურნალისტები და პოლიტიკოსები მონაწილეობდნენ. ჯეპრამ აქციის მედია–მხარდაჭერა უზრუნველყო.