ჯეპრას ახალი პროექტი 4p.com.ge - პირველი მარკეტინგული კატალოგის შექმნას ითვალისწინებს. 4p.com.ge - გათვლილია მარკეტინგისა და პიარის სპციალისტებისთვის და ამ სფეროთი დაინტერესებული ყველა პიროვნებისათვის. საიტის უნიკალურობა იმაში მდგომარეობს, რომ მას მომხმარებელი ქმნის.

 

ჯეპრა 2007 წლიდან ფლობს ხარისხის მართვის ISO 9001:2000 სერთიფიკატს და წელს სავალდებულო სერტიფიცირების გავლის შემდეგ, კვლავ მიიღო ხარისხის მართვის დამადასტურებელი სერთიფიკატი.

 

23 ოქტომბერს თბილისში "ორგანოთა დონაციის ევროპული დღე" პირველად ჩატარდა. მსგავსი ღონისძიება ევროპაში მე–12–დ იმართება. ფორუმზე ტრანსპლანტოლოგიის 40–ზე მეტი სპეციალისტი ჩამოვიდა. ჯეპრამ ღონისძიების მენეჯმენტი და საკომუნიკაციო კამპანიის ჩატარება უზრუნველყო.  

 

ჯეპრასა და უნიქარდის ერთობლივი პროექტი ფეისბუქზე უნიქარდის ოფიციალურ გვერდზე მიმდინარეობს. პროექტის მიზანია სოციალური მედიის მომხმარებელს მიაწოდოს ინფორმაცია უნიქარდის მეგობარი კომპანიების შესახებ და წაახალისოს ქულების დაგროვების პროცესი.

 

ტენდერში, რომელიც სექტემბრის დასაწყისში საქართველოს ჯანმრთელობისა და სოციალური პროექტების განმახორციელებელმა ცენტრმა გამოაცხადა, ჯეპრამ გაიმარჯვა. ქცევის შეცვლის კამპანია მოიცავს აგრეთვე სურსათის უვნებლობისა და სამზარეულოს ჰიგიენის ხელშემწყობი საკომუნიკაციო სისტემის ჩამოყალიბებას. ჯეპრა განახორციელებს პროექტის როგორც პიარ, ასევე კვლევით კომპონენტსაც.

 

საქართველოს მცირე და საშუალო საწარმოთა ასოციაციის კორპორატიული სტილი ჯეპრას დიზაინერმა ნანუკა გოგობერიშვილმა შექმნა. ასოციაცია 2010 წლის 10 სექტემბერს ოთხი უმსხვილესი ბიზნეს–გაერთიანებისა და კერძო პირების მონაწილეობით დაფუძნდა.

 

ჯეპრამ რადიო "კომერსანტის" რეპოზიციონირება დაასრულა. კომპლექსური პროგრამა, რომელიც ჯეპრას მარკეტინგულმა ჯგუფმა განახორციელა, მიზნად ისახავდა სეგმეტზე ორიენტირებული საკომუნიკაციო სტრატეგიის შექმნასა და სამ ეტაპად დაგეგმილი კრეატიული კონცეფციის ჩამოყალიბებას. რეპოზიციონირების შედეგად, შეიცვალა რადიოს ძირითადი ბადე, სლოგანი და საიტის ბრენდ–პლატფორმა.

 

გაფორმებული ხელშეკრულების თანახმად, უნიქარდის პიარ და საკომუნიკაციო კამპანიას ჯეპრა მოემსახურება. მომსახურება მოიცავს მედიასთან ურთიერთობას, ღონისძიებების მართვასა და კრეატიული მარკეტინგული გადაწყვეტილებების რეალიზებას.

 

10 სექტემბერს საქართველოს მცირე და საშუალო საწარმოთა ასოციაცია დაფუძნდა. ახალი ორგანიზაციის მიზანია ხელი შეუწყოს მეწარმეებს ბიზნესის განვითარებაში, პროდუქციის გასაღების ახალი ბაზრების მოძიებასა და სახელისუფლებო სტრუქტურებთან ლობისტური ფუნქციები შეასრულოს. ასოციაციის შექმნის ინიციატივა მის ახლადარჩეულ პრეზიდენტს გიორგი ისაკაძეს ეკუთვნის. აღმასრულებელ დირექტორად ლევან კალანდაძე დაინიშნა. ჯეპრას დირექტორი სოსო გალუმაშვილი ასოციაციის ერთ–ერთი დამფუძნებელი გახდა.

 

"ბერტა" ჰიგიენური და სარეცხი საშუალებების მწარმოებელი კომპანიაა, რომელიც ბაზარზე უახლოეს მომავალში გამოვა. ბერტას ქარხანა წეროვანში მდებარეობს და ულტრათანამედროვე აპარატურით არის აღჭურვილი.