დღეს დასრულდა მოლაპარაკებები "მერიოტსა" და "ჯეპრას" შორის სოციალურ მედიაში საინფორმაციო უზრუნველყოფის თაობაზე.  კონტრაქტის თანახმად, პორტფოლიო მოიცავს როგორც "მერიოტ თბილისის", ასევე "ქორთიარდ მერიოტის" მომსახურებასაც.

 

16 მარტს, საკონცერტო დარბაზში ”თბილისი ივენთ ჰოლი” საქართველოში ფარმაცევტული კომპანიების წარმომადგენელთა ასოციაციის საზეიმო პრეზენტაციისადმი მიძღვნილი ღონისძიება გაიმართა. პრეზენტაციაზე ისაუბრეს ფარმაცევტული კომპანიების წარმომადგენელთა ასოციაციის შექმნის, მისი მიზნებისა და ამოცანების შესახებ. აქცენტები გაკეთდა საქართველოს ფარმაცევტულ ბაზარზე არსებული პრობლემებისა და მათი გადაწყვეტის გზებისა და მეთოდების საკითხებზეც. ღონისძიების მედია უზრუნველყოფა ჯეპრამ განახორციელა.

 

13 მარტს "ნატახტარი კასრისა" და საქართველოს რაგბის ეროვნული ფედერაციის თაოსნობით რაგბის ქომაგთა კლუბი ჩამოყალიბდა. თბილისის ივენთ ჰოლში საქართველო-რუმინეთის მორაგბეთა მატჩის წინ "რაგბის ქომაგთა კლუბის" პრეზენტაცია მოხდა, სადაც კლუბის პრეზიდენტად ყოფილი მორაგბე ნიკა რამიშვილი (დრუპი) აირჩიეს.

 

ნანოტესტ ჯორჯიას სოციალური მედიის პროექტს ჯეპრა მოემსახურება. "ნანოტესტ ჯორჯია" კერძო ქართული კომპანიაა, რომელიც საქართველოში ნანოტექნოლოგიური დამცავი საშუალებების იმპორტს ახორციელებს.

 

ჯეპრას უფროსი კონსულტანტები სოსო გალუმაშვილი და კახა მაღრაძე ევროპული სკოლის IB პროგრამის პრომოუშენ კამპანიაზე იმუშავებენ. კამპანია კომპლექსურია და ითვალისწინებს ინტეგრირებული მარკეტინგული კომუნიკაციების გამოყენებას, მათ შორის, სოციალური მედიის აქტიურ გამოყენებას ახალი პროგრამის სამიზნე აუდიტორიისათვის გასაცნობად. IBO პროგრამაში "ევროპული სკოლა" თებერვლიდან გაწევრიანდა.

 

"ბავარიული ლუდსახარშისთვის" ჯეპრამ გაყიდვების ახალი სტრატეგია შეიმუშავა. ორთვიანი კამპანიის ფარგლებში შემუშავებულ იქნა სოციალური მედიის პლატფორმა ბრენდირებული ფეისბუქითა და პროგრამით, "ფეის თუ ფეის" გაყიდვების სისტემა და ონლაინ მარკეტინგული კამპანია.

 

კომპანია ედრესის სოციალური მედიის პლატფორმის განხორციელებაზე ჯეპრა იმუშავებს. ედრესი ბრენდების სახლს წარმოადგენს, რომელშიც შედის 1,2,3, ეტამი, გერი ვებერი, სელიო, ტომ ტეილორი, იუპი და დუ პარელი. აღსანიშნავია, რომ ედრესის კორპორატიული ბრენდის ნეიმინგი, ბრენდბუქის შექმნა და მარკეტინგული სტრატეგიის ჩამოყალიბება ჯეპრამ 2009 წელს განახორციელა. 

 

სოციალური მედიის სააგენტომ "სახალხო დემოკრატების" სოციალური მედიის პლატფორმაზე დაასრულა მუშაობა. პროექტი ფეისბუქის, ტვიტერის, სკრიბდისა და იუთუბის ერთიანი სისტემის ჩამოყალიბებას ითვალისწინებდა. პლატფორმის საბაზისო ელემენტად ფეისბუქის ფან–პეიჯი იქნა გამოყენებული.

 

პიარ სკოლაში ტრადიციული ღია ლექცია "გუგლს მიეძღვნა". Social Media Breakfast-ს "ნიჭიერის" ვებ–პრომოუტერი და პიარ სკოლის სოციალური მედიის ლექტორი დოდო ხარხელი გაუძღვა.

 

ჯეპრას შვილობილი კომპანია ობოობა.ჯი ქართულ-ამერიკული უნივერსიტეტის ონლაინ-პრომოუშენის კამპანიას ახორციელებს. კამპანიის მიზანი აბიტურიენტებისათვის გაუ-ს საბაკალავრო პროგრამების შესახებ ინფორმაციის მიწოდებაა.