ჯეპრა სოციალურ მედიაში ახალ კამპანიას განახორციელებს.  ქსელური პრომოუშენ კამპანია ახალ კონცეფციას დაეფუძნა და სოციალურ მედიაში  სათაურით "Let's do your marketing" წარიმართება.

 

ჯეპრას უფროსმა კონსულტანტმა, კახა მაღრაძემ, 2 დღის განმავლობაში ბოლნისის, დმანისისა და თეთრი წყაროს მუნიციპალიტეტების თანამშრომლებს ჩაუტარა მოკლე ტრენინგები საზოგადოებასთან ურთიერთობის თანამედროვე ტექნოლოგიებში. ღონისძიება ჩატარდა სამოქალაქო განვითარების სააგენტოს პროექტის „სამოქალაქო მონაწილეობა ქვემო ქართლში“ ფარგლებში.

 

პარლამენტარ გიორგი გოგუაძის მიერ ინიცირებული საქართველოს სოციალურ-ეკონომიკური განვითარების გრძელვადიანი გეგმის - "ქართული გეგმის" სოციალური მედიის კონცეფცია ჯეპრამ შეიმუშავა.

 

შვეიცარული ფარმაცეტული კომპანია „ჰოფმან–ლა როშის“ საქართველოს წარმომადგენლობასთან გაფორმებული კონტრაქტის საფუძველზე, ორი თვის განმავლობაში, ჯეპრა ფილტვის კიბოს შესახებ ცნობიერების ამაღლების კამპანიას განახორციელებს, რომელშიც შევა მედიასთან ურთერითობა, ინტერნეტ–რეკლამა, პირდაპირი კომუნიკაცია და რადიო გადაცემა აღნიშნული დაავადების თემაზე. კამპანიის სლოგანია „ადრეული დიაგნოსტიკა = ხანგრძლივ სიცოცხლეს!“

 

სასტუმრო “რადისონ სას ივერიაში” შვეიცარული ფარმაცევტული კომპანია „ჰოფმან-ლა როშის“ მიერ ორგანიზებული მედია-ტრეინინგი პანდემიური (H1N1) 2009 წლის გრიპის თემაზე ჩატარდა, მედია-სემინარზე განხილული იყო გრიპის დიაგნოზირებისა და მისი მკურნალობის საკითხები.

 

19 და 20 ნოემბერს ბაზალეთის ტბის სასტუმრო კომპლექსში გაიმართა ტრენინგი-სემინარი სახელწოდებით კორპორატიული სოციალური პასუხისმგებლობა და პიარი, რომელსაც ცნობილი სპეციალისტი, პროფესორი ვეინ ვისერი უძღვებოდა. სემინარში წამყვანი კომპანიების პიარ მენეჯერები მონაწილეობდნენ. ტრენინგი ბრიტანეთის საბჭოს, სტრატეგიული კვლევებისა და განვითარების ცენტრის, გაერთიანებული ერების განვითარების პროგრამის ხელშეწყობით გაიმართა.

 

10 ნოემბერს გერმანული კომპანია TUV SUD-ის სასერტიფიკატო აუდიტის საფუძველზე, ჯეპრას ხარისხის მართვის სერტიფიკატი ISO 9001:2000 მოქმედების ვადა ერთი წლით გაუგრძელდა.

 

პიარ სკოლაში კახა მაღრაძემ მედიასთან ურთიერთობის საკითხებზე ღია ლექცია ჩაატარა, სადაც სკოლის მსმენელების გარდა, ყველა მსურველს შეეძლო დასწრება. სტუდენტები, ჯგუფური სავარჯიშოების დახმარებით, ლექციაზე შეძენილი ცოდნის ერთმანეთისთვის გაზიარებას შეეცადნენ. ლექცია - სემინარს 70-ზე მეტი მსურველი დაესწრო. 

 

5 და 6 ნოემბერს, შერატონ მეტეხი პალასში გაიმართა ტრენინგი-სემინარი სახელწოდებით „ბრენდის ბიოლოგია“. ტრენინგს ბრენდინგის ცნობილი სპეციალისტი, ავტორიტეტული საერთაშორისო კომპანია „ბრენდეიდის“ დამფუძნებელი, ვალენტინ პერცია უძღვებოდა. ტრენინგი EBRD–ის პროგრამა ”BAS”–ის ხელშეწყობითა და დაფინანსებით გაიმართა.

 

ჰაიდელბერგცემენტის კასპის ქარხანაში კომპანიის დილერებისთვის სამუშაო შეხვედრა ჩატარდა, რომელსაც სხვადასხვა ქვეყნის წარმომადგენელები დაესწრნენ. ვორქშოფის ფარგლებში მოეწყო კასპის ქარხნის დათვალიერება და სამომავლო გეგმების პრეზენტაცია.