სოციალური მედიის საშუალებით ჯეპრას პროდუქტებისა და პროექტების პრომოუშენი 2010 წლის მარკეტინგული სტრატეგიის მიხედვით ხორციელდება. საკუთარი კლიენტებისა და მხარდამჭერების უკეთ ინფორმირებისათვის, ჯეპრამ ამჯერად myvideo.ge-ზე შექმნა ბრენდირებული გვერდი (www.myvideo.ge/gepra), სადაც ჯეპრას კონსულტანტების სატელევიზიო და რადიო გამოსვლებს შეგიძლიათ გაეცნოთ.

 

ჯეპრამ კომპანია "ნატახტარისთვის" კორპორატიული ყოველკვარტალური ჟურნალის პირველი ნომერი გამოუშვა. ჟურნალი მხოლოდ თანამშრომლებისთვის არის განკუთვნილი და მიზნად ისახავს კოლექტივისათვის კომპანიის მიღწევებისა და კომპანიაში მიმდინარე პროცესების უკეთესად გაცნობას.

 

ევროპულ სკოლაში ევროპის დღესთან დაკავშირებით საქართველოში აკრედიტებულ დიპლომატებთან და საქართველოს პარლამენტისა და მთავრობის წევრებისათვის ოფიციალური მიღება გაიმართა. მიღებას ევროკავშირის წარმომადგენლობის ხელმძღვანელი ბატონი პერეკლუნდი დაესწრო. ოფიციალურ მიღებაზე ევროპული სკოლის ახალი სადიპლო პროგრამის პრეზენტაცია გაიმართა.

 

ჰაიდელბერგცემენტის წევრმა კომპანიამ ჰაიდელბერგბეტონ ჯორჯიამ გლდანში ბეტონის ახალი ქარხანა გახსნა. ოფიციალურ გახსნას ესწრებოდნენ გერმანიის საელჩოსა და საქართველოს მთავრობის წარმომადგენლები. ქარხანა ოფიციალურად გახსნეს ჰაიდელბერგცემენტ ჯგუფის ცენტრალური აზიისა და აღმოსავლეთ ევროპის ოფისის ხელმძღვანელმა ანდრეას კერნმა და ეკონომიკისა და ინფრასტრუქტურის მინისტრის მოადგილემ ზურა ალავიძემ.

 

ჯეპრამ ჰაიდელბერგცემენტთან ხელშეკრულება ბეტონის ახალი ქარხნის საზეიმო გახსნის ცერემონიალის ღონისძიების ორგანიზებასა და მედია მხარდაჭერის თაობაზე გააფორმა.

 

13 აპრილს ბრენდ EVITA PERONI-ის ახალი აქსესუარების მაღაზია ოფიციალურად გაიხსნა. EVITA PERONI-ის ქსელის გაფართოებასთან დაკავშირებით ორივე მაღაზიაში 13-დან 15 აპრილის ჩათვლით 40%-იანი ფასდაკლების დღეები ცხადდება, რომელიც სიყვარულის დღისადმი იქნება მიძღვნილი. მაღაზიის გახსნის ცერემონიალის მედიასთან ურთიერთობის საკითხები ჯეპრამ უზრუნველყო.

 

ჯეპრამ ”ექსპო ჯორჯიას” საგამოფენო დარბაზში თბილისის მერიის, ეკონომიკური განვითარების სამინისტროსა და გერმანიის ტექნიკური დახმარების საზოგადოების მიერ ორგანიზებულ გამოფენაზე, სახელწოდებით ”წარმოებულია თბილისში”, პიარ სკოლა წარადგინა. დამთვალიერებლები გაეცნენ პიარ სკოლის პროდუქციასა და დაინტერესდნენ სოციალური მედიის კურსით, გამოფენა 8-დან 10 აპრილამდე გაგრძელდა.  

 

25 მარტს, სასტუმრო ”თბილისი მარიოტში” კომპანიამ "ADS ბორჯომი საქართველო” პრესკონფერენცია გამართა თემაზე  ”ბორჯომის წარმოების 120 წლიანი ტრადიცია”.  კომპანიის მენეჯმენტმა ჟურნალისტებთან შეხვედრისას უნიკალური მინერალური წყლების ისტორიასა და მისი განვითარების შესახებ ისაუბრა. აქცენტები კომპანიის სამომავლო გეგმებზეც გაკეთდა. ჯეპრამ ღონისძიების საორგანიზაციო მხარე უზრუნველყო.

 

ჯეპრას ორგანიზებით, 20 მარტს, ტრაბზონში გამართულ საქართველოსა და რუსეთის ეროვნული ნაკრების გუნდების მატჩს, ”ნატახტარი კასრის” მიერ მოწვეული სპორტული ჟურნალისტების ჯგუფი ეწვია.