გალფის ორგანიზებით, საქართველოში საწვავის მსოფლიო დღე აღინიშნა.

სასტუმრო რედისონ ბლუ ივერიაში, საწვავის დღესთან დაკავშირებით გამართული ღოღონისძიების მიზანს სუფთა გარემოსთვის საწვავის ხარისხის გაუმჯობესების ხელშეწყობა წარმოადგენდა.

იხილეთ ფოტოები

დეველოპერულ კომპანია M² - სა და „არბაითერ-სამარიტერ-ბუნდი“ (ASB) საქართველოს შორის ურთიერთთანამშრომლობის მემორანდუმი გაფორმდა, რაც განსაზღვრავს მხარეებს შორის პარტნიორობისა და თანამშრომლობის პირობებს „ჩვენ მზად ვართ! - განათლება უსაფრთხოებისთვის, კატასტროფის რისკის შემცირება ინკლუზიური მიდგომით“ პროექტის ფარგლებში, რომელსაც ახორციელებს „არბაითერ-სამარიტერ-ბუნდი“.

აღნიშნული პროექტი დაფინანსებულია ევროპის სამოქალაქო დაცვისა და ჰუმანიტარული დახმარების ოპერაციების გენერალური დირექტორატის მიერ.

ჯეპრას უფროსი კონსულტანტი კახა მაღრაძე წელს უკვე მეორედ იყო Spotlight-ის სპიკერი.

თემა: რაში გვჭირდება პიარი?

წლევანდელი ღონისძიება განსხვავდებოდა მისი წინამორბედებისგან. 
ღონისძიებას საგანმანათლებლო და სადისკუსიო ნაწილები შეემატა. დღის პირველ ნახევარში, 5 დარბაზში ერთმანეთის პარალელურად ლექცია/მასტერკლასები და პანელ დისკუსიები გაიმართა.

იხილეთ ფოტოები

2017 წლის 4 ოქტომბერს ჰელსინკში ICCO-ს საბჭოს კრებაზე წევრებმა ქცევის კოდექსის 10 პრინციპი დაამტკიცეს. ჩვენ ვიწვევთ ICCO წევრებს და ორგანიზაციებს, ასევე სხვა პროფესიონალებს საზოგადებრივი ურთიერთობის სფეროდან, რათა შემოგვიერთდნენ და მხარი დაუჭირონ ამ პრინციპებს. შემდეგი ორგანიზაციები ღიად აფიქსირებე მხარდაჭერას: ADECEC, APRA, ARRP, ASSOREL, EDEE, NUJ, PRCA, PRCA MENA, PRCAI, PRCAI Ireland, PRISA.

დეველოპერულმა კომპანიამ „m2 უძრავი ქონება“ სასტუმრო „რედისონში“, მრგვალი მაგიდის ფორმატით შეხვედრა გამართა, სადაც გარემოსდაცვით და პარტნიორ ორგანიზაციებს მთაწმინდის ნახანძრალი ფერდობის აღდგენისა და რეაბილიტაციის პროექტის ტექნიკური პირობები განიხილეს.პროექტის მიზანი დამწვარი 20 ათასი კვადრატული მეტრის ტერიტორიის სრულად აღდგენა და აღნიშნულ ადგილზე ბიომრავალფეროვანი გარემოს შექმნაა.

2017 წლის 18 ოქტომბერს ტექნო პარკში ირანი-საქართველოს ტექნოლოგიური თანამშრომლობის პირველი B2B ფორუმი გაიმართა.ფორუმი მოიცავდა რამდენიმე სესიას ირანისა და საქართველოს სამეცნიერო-ტექნოლოგიური თანამშრომლობის ხელშეწყობისთვის.

კამპანიის "ჩვენ მზად ვართ" ფარგლებში, ASB-მ (არბარითერ-სამარიტერ-ბუნდი) აკაკი წერეთლის სახელობის სახელმწიფო უნივერსიტეტში მიწისძვრის ევაკუაციის სიმულაცია ჩაატარა. ღონისძიება საქართველოს შინაგან საქმეთა სამინისტროს საგანგებო სიტუაციების მართვის სააგენტოს ჩართულობით განხორციელდა.
პროგრამის მთავარ მიზანს, კატასტროფის რისკის შემცირების თემატიკის აქტუალიზაცია წარმოადგენდა. ჯეპრამ კამპანიის კონცეფცია და განხორციელება უზრუნველყო.

იხილეთ ფოტოები

15 ოქტომბერს მთაწმინდის პარკში ფილტვის იდოპათიური ფიბროზის (ფიფ) მსოფლიო კვირეულთან დაკავშირებით ღონისძიება „ამო ისუნთქე“ გაიმართა. ღონისძიების მიზანს არაოფიციალურ გარემოში მედიისთვის საინფორმაციო კამპანიის „ამოისუნთქე იმედით“ ფარგლებში მიღებული შედეგებისა და სამომავლო გეგმების გაცნობა წარმოადგენდა.

პროექტს ჯეპრას უფროსი კონსულტანტი, თინათინ სამყურაშვილი ხელმძღვანელობდა. 

იხილეთ ფოტოები

13 ოქტომბერს მსოფლიო კატასტროფის რისკის შემცირების საერთაშორისო დღე აღინიშნა. ამ დღესთან დაკავშირებით, სახელმწიფო უსაფრთხოებისა და კრიზისების მართვის საბჭოს აპარატის კრიზისული სიტუაციების მართვის ეროვნულმა ცენტრმა და საქართველოში კატასტროფის მართვის სფეროში მომუშავე 11-მა საერთაშორისო ორგანიზაციამ ერთობლივი ღონისძიება გამართეს.

ღონისძიებაში მონაწილეობა  სახელმწიფო სტრუქტურების წარმომადგენლებმა, საერთაშორისო და ადგილობრივმა არასამთავრობო ორგანიზაციებმა მიიღეს.

13 ოქტომბერს, თბილისმა ყველაზე მასშტაბურ საერთაშორისო საგანმანათლებლო კარდიოლოგიურ სიმპოზიუმს თემაზე “თანამედროვე და სამომავლო ტექნოლოგიები რთული ტაქიარითმიების მართვაში” უმასპინძლა.

სიმპოზიუმი ევროპისა და საქართველოს გულის რიტმის ასოციაციებისა და სამედიცინო ტექნოლოგიების სფეროში მსოფლიო ლიდერი ორგანიზაცია მედტრონიკის (Medtronic) ორგანიზებით ჩატარდა, რომლის მიზანს ქვეყანაში თანამედროვე ტექნოლოგიების, AF თერაპიის უპირატესობების, დაავადებების მართვის თეორიასა და პრაქტიკის ხელმისაწვდომობის გაზრდა წარმოადგენდა.

ჯეპრამ ღონისძიების საკომუნიკაციო და მედია მხარდაჭერა უზრუნველყო.

იხილეთ ფოტოები