ჯეპრამ ესტეთიკური მედიცინის ცენტრი სტუდიო ლინის კორპორატიულ სტილზე მუშაობა დაასრულა. კომპანიისთვის შემუშავებულ იქნა ერთიანი სტრატეგიული დიზაინი და საკომუნიკაციო ატრიბუტიკა.

 

თბილისის პიარ სკოლა, სექტემბრის კურსების სტუდენტებს 12 და 13 თებერვალს უტარებს უფასო დამატებით ლექციას მედიადაგეგმარებაში. ლექციას გაუძღვება დავით აბურჯანიძე.

 

ჯეპრა და გაუ-თბილისის პიარ სკოლა, საქართველოში პიარის პოპულარიზაციის მიზნით აცხადებს მედია კონკურსს თემაზე: "პიარის განვითარების პერსპექტივაები საქართველოში". კონკურსში გამარჯვებული ორი ჟურნალისტი უფასოდ ისწავლის თბილისის პიარ სკოლის აპრილის ინტეგრირებული მარკეტინგული კომუნიკაციების სასწავლო კურსზე.

 

1 თებერვალს ვარშავაში ჩატარდა CEEPR-net -ის პარტნიორების წლიური შეხვედრა. შეხვედრაზე განხილული იყო თანამშრომლობის განვითარების, ახალი წევრების მიღებისა და ქსელის გაფართოების საკითხები.

 

25 და 26 იანვარს, თბილისის პიარ სკოლაში ორმა ჯგუფმა სწავლა დაიწყო. წინა კურსებისგან განსხვავებით სწავლის განგრძლივობა 13 კვირით განისაზღვრა, რაც მსმენელებს საშუალებას მისცემს უფრო ღრმად შეისწავლონ ინტეგრირებული მარკეტინგული კომუნიკაციები.

 

23 იანვარს, სლოვენიური წარმოების ცეცხლსაქრობი მოწყობილობის ბონპეტის პრეზენტაცია გაიმართა. საქართველოში ბონპეტის ოფიციალური დისტრიბუტორია კომპანია "ვიემ სტილი".  ღონისძიებაზე მოეწყო ცეცხლის ჩაქრობის შოუ ბონბეტის ცეცხლსაქრობი მოწყობილობის მეშვეობით.

 

7 იანვარს, "იბერია ბიზნეს ჯგუფის" კორპორატიული საახალწლო წვეულება გაიმართა. ღონისძიებაში მონაწილეობა მიიღეს კომპანიის სამასამდე თანამშრომელმა, მათ ოჯახის წევრებმა, კომპანიის პარტნიორებმა და მეგობრებმა. წვეულებაზე, რომელსაც ნიკა ქავთარაძე უძღვებოდა, გაიმართა თანამშრომელთა დაჯილდოებები სხვადასხვა ნომინაციებში, ფარული კამერის ჩვენება, კარაოკე და მრავალი სხვა კონკურსი.

 

29 დეკემბერს, თბილისის პიარ სკოლაში გაიმართა გამოსაშვები საღამო. სტუდენტებს სერტიფიცირებული დიპლომები გადასცეს გაუ–ს პრეზიდენტმა  და პიარ სკოლის დამფუძნებლებმა.

 

20 დეკემბერს გაიმართა კავკასუს ონლაინის, საქართველოს ტექნიკური უნივერსიტეტისა და  თბილისის სახელმწიფო უნივერსიტეტის  ერთობლივი პროექტის – სტუდენტების დასაქმების პროგრამის პრეზენტაცია. საწყის ეტაპზე კავკასუს ონლაინში 300 სტუდენტი დასაქმდება.

 

კომპანია "თეგეტა მოტორსს" და მის შვილობილ კომპანიას შპს "თეგეტა თრაქ & ბასს" მსოფლიოში აღიარებული ხარისხის მენეჯმენტის სერტიფიკატი ISO 9001:2000 მიენიჭა. სერტიფიკატის გადაცემის ცერემონიალი 2007 წლის 19 დეკემბერს გაიმართა.