16 ოქტომბერს, თბილისი მარიოტში გაიმართა ქართულ–ამერიკული უნივერსიტეტის Quant (კვონტ) პროგრამის პრეზენტაცია. გაუ–ში კურსის წასაკითხად მოწვეულნი არიან ვოლფ ფრიშლინგი (ავსტრალიის ეროვნული ბანკი) და ესტატე ხმალაძე (ველინგტონის უნივერსიტეტი), რომლებსაც გაუ–ს პრეზიდენტმა მაიკლ ქაუგილმა დოქტორის საპატიო წოდების სიგელები გადასცა.

 

16 ოქტომბერს, "საქართველოს ოსტეოპოროზის ეროვნული ასოციაციისა" და შვეიცარული კომპანია "ჰოფმან ლა როშის" საქართველოს წარმომადგენლობის მხარდაჭერით და ორგანიზებით, ჩატარდა სპეციალური მედია–სემინარი თემაზე: "ოსტეოპოროზის პრობლემა საქართველოში, დაავადების სტატისტიკა, მისი დაძლევის გზები და მკურნალობა". სემინარს დაესწრო პრესისა და ელექტრონული მედიის სხვადასხვა საშუალებების წარმომადგენლები. 

 

1 ოქტომბერს, ჰეპატიტის წინააღმდეგ ბრძოლის საერთაშორისო დღეს, თბილისის სახელმწიფო უნივერსიტეტის წინ, "ჰოფმან ლა როშის" საქართველოს წარმომადგენლობის მიერ ორგანიზებული აქციის ფარგლებში ნანიკო ხაზარაძემ, ნიკა ქავთარაძემ და ზურა მანჯავიძემ  სპეციალური საინფორმაციო ბროშურები C ჰეპატიტისა და მისი მკურნალობის შესახებ დაარიგეს და მოუწოდეს ტესტირების დროულად ჩატარებისკენ.

 

''ჰოფმან ლა როშის" საქართველოს წარმომადგენლობის ორგანიზებით, სასტუმრო "შერატონ მეტეხი პალასში" გაიმართა სპეციალური პრეს-კონფერენცია, რომელიც მიეძღვნა ჰეპატიტის პრობლებას საქართველოში და მასთან ბრძოლის თანამედროვე გზების გამოყენების საკითხებს. კონფერენციაში ცნობილმა ჰეპატოლოგებმა და ჯანდაცვის სამინისტროს წარმომადგენლებმა მიიღეს მონაწილეობა.

 

21 სექტემბერს, ევროპის განვითარებისა და რეკონსტრუქციის ბანკის კავკასიის წარმომაგენლობაში ხელი მოეწერა ხელშეკრულებას, რომლის თანახმადაც ბაზისბანკი 6 მილიონი დოლარის საკრედიტო ხაზს მიიღებს.

 

21 სექტემბერს, ჰოფმან ლა როშის საქართველოს წარმომადგენლობის მხარდაჭერითა და ორგანიზებით, ჩატარდა სპეციალური მედია-სემინარი თემაზე: "C ჰეპატიტის პრობლემა საქართველოში, დაავადების სტატისტიკა, მისი დაძლევის გზები და მკურნალობა''.

 

19 სექტემბერს, სასტუმრო თბილისი მარიოტში გაიმართა კომპანია ''ანიკონ სტილის'' ქართული წარმომადგენლობის პრეზენტაცია. სამშენებლო კომპანიებისა და მედიის წარმომადგენლები ''ანიკონ სტილის'' საქმიანობასა და სამომავლო გეგმებს გაეცნენ. პრეზენტაციის ორგანიზაცია ჯეპრამ უზრუნველყო.

 

14 -16 სექტემბერს, ბაკურიანის სასტუმრო ვერე პალასში ჯეპრამ და პარტნიორები-საქართველომ  ბანკი "რესპუბლიკის" საშუალო და ტოპ მენეჯმენტის წარმომადგენლებს ჩაუტარეს სამუშაო სემინარი თიმბილდინგში. ღონისძიების ლოჯისტიკური უზრუნველყოფა განახორციელა კომპანია "ჯორჯია ივენთმა"

 

12 სექტემბერს, კომპანია ''კაუკაზუს ონლაინის" ახალი პროექტის პრეზენტაცია გაიმართა. პროექტის შესაბამისად, 2008 წლის ბოლოსათვის ფოთიდან ვარნამდე დამონტაჟდება ახალი თაობის ოპტიკურ-ბოჭკოვანი მაგისტრალი, რომელიც მისცემს საშუალებას საქართველოს მიიღოს ევროპიდან მაღალი ხარისხის, თანამედროვე ინტერნეტი. პროექტის მედია მხარდაჭერას ახორციელებს საკონსულტაციო ჯგუფი "ჯეპრა".

 

7 სექტემბერს, ქართულ-ამერიკულ უნივერსიტეტში გაიმართა შეხვედრა ჯეპრას კონსულტანტს ლუის სმიტსა და ქართველ ჟურნალისტებს შორის. საუბარი შეეხო სახელმწიფო სტრუქტურებსა და მას-მედიის წარმომადგენლებს შორის ურთიერთობას, ინფორმაციის მოპოვებისას შექმნილ პრობლემებსა და ევროპულ გამოცდილებას.