27 მარტს, თბილისში პეპსის ჩამომსხმელ ქარხანაში ჟურნალისტებისათვის მედია-ტური მოეწყო. ჟურნალისტებმა დაათვალიერეს წარმოების პროცესი და გაეცნენ კომპანიის უახლეს მიღწევებს. მედია-ტური მიზნად ისახავდა ქართული პეპსის მიღწევების თაობაზე ქართული მედიის ინფორმირებას. კერძოდ, 2007 წლის დასაწყისში საქართველოში ჩამოსხმულმა პეპსიმ საერთაშორისო სტანდარტების შემოწმების დროს უმაღლესი შედეგები და ე.წ ოქროს პეპსისთან 100 პროცენტიანი შესაბამისობა აჩვენა.

 

25 მარტს, ქართულ-ამერიკულ უნივერსიტეტში  თბილისის პიარ სკოლის ღია კარის დღე გაიმართა, სადაც დამსწრე საზოგადოებას გააცნეს სკოლის სტრუქტურა და სასწავლო მეთოდიკა. დაინტერესებული პირების წინაშე წარდგნენ პრაქტიკოსები, რომლებიც 12 კვირის განმავლობაში წაიკითხავენ ლექციებს.

 

ჯეპრამ ჯიარდისის მიერ გამოცხადებული მწვანე შენობის საზეიმო გახსნის ტენდერი მოიგო. წამყვან ქართულ ივენთ-მენეჯმენტის კომპანიებს შორის ჯიარდისის ხელმძღვანელობამ ჯეპრაზე არჩევანი მომსახურების კომპლექსურობისა და კრეატიული ჩანაფიქრის გამო შეაჩერა.

 

ქართული პეპსის საერთაშორისო აღიარებას იბერია რეფრეშმენტი მცირე საიმიჯო კამპანიით აღნიშნავს. ჯეპრა კამპანიის დაგეგმვასა და განხრციელებაზეა პასუხისმგებელი. 

 

თბილისში და ანკარაში ნავთობის, გაზისა და ენერგეტიკის მე–6 საერთაშორისო გამოფენაში რუსთავის მეტალურგიულმა ქარხანამ პირველად მიიღო მონაწილეობა. საგამოფენო ლოჯისტიკისა და მენეჯმენტის საკითხებს ჯეპრა ხელმძღვანელობდა.

 

360 ° - გაზეთის ბანკები და ფინანსების დამატებაა, რომელიც მიეძღვნება ინტეგრირებულ მარკეტინგულ კომუნიკაციებს. გაზეთის აუდიტორიას მარკეტინგის, პიარისა და ბრენდ მენეჯერები, კონსულტანტები და ჰუმან რესურს მენეჯერები წარმოადგენენ.

 

"ჯეპრა-მედიას" პირველი მედია-პროექტი პარტნიორ ორგანიზაციებთან, გაზეთთან 24 საათი და საინფორმაციო სააგენტოსთან ჯი-ბი-სი, ერთობლივად ხორციელდება. "რეალური კაპიტალი" გაზეთ 24 საათის დამატებაა, რომელიც უძრავი ქონების სფეროში მიმდინარე პროცესებს ასახავს.
"რეალური კაპიტალის" პარტნიორები არიან კომპანია არსი, სადაზღვევო კომპანია ალდაგი-ბისიაი, ბტა სილქ როუდ ბანკი.

 

აპრილიდან ფუნქციონირებას იწყებს თბილისის PR სკოლა, რომელიც გთავაზობთ ინტეგრირებული მარკეტინგული კომუნიკაციების სრულ კურსს და მოიცავს შემდეგ დარგებს: მარკეტინგი (ზოგადი კურსი), მარკეტინგული კვლევები, ეფექტური კომუნიკაცია, ინტეგრირებული მარკეტინგული კომუნიკაციები, პიარი, რეკლამა, მედია–დაგეგმვა, ბრენდ მენეჯმენტი, ბითიელ რეკლამა, ივენთ–მენეჯმენტი, მედია–მენეჯმენტი.
თბილისის PR სკოლაში სწავლის მსურველთა on-line რეგისტრაცია  www.prschool.ge- ზე წარმოებს.

 

13 თებერვალს, ბიზნესის საინფორმაციო ცენტრში (BIC) გაიმართა საქჰიდროენერგომშენისათვის ISO 9001-2000 სტანდარტის სერთიფიკატის გადაცემის საზეიმო ცერემონიალი. საქჰიდროენერგომშენი სამხრეთ კავკასიაში ყველაზე დიდი ჰიდრო-სამშენებლო-საინჟინრო ორგანიზაციაა. კომპანიის ყველაზე მასშტაბურ პროექტებს წარმოადგენენ ენგურჰესის სარეაბილიტაციო სამუშაოების წარმოება და მცირე ჰესის მშენებლობა ზემო აფხაზეთში.

 

2007 წლის აპრილიდან საქართველოს ერთ-ერთი წამყვანი უმაღლესი სასწავლებელი ქართულ-ამერიკული უნივერსიტეტი და პიარ-სააგენტო ჯეპრა აცხადებენ მიღებას თბილისის PR-სკოლაში. ეს იქნება სამ თვიანი ინტენსიური სწავლების კურსები, რომელიც მოიცავს თანამედროვე მარკეტინგულ  კომუნიკაციებს და რომლის კურსდამთავრებულებიც შეძლებენ წარმატებით გააგრძელონ საქმიანობა ნებისმიერ ორგანიზაციაში PR-სპეციალისტისა და მენეჯერის თანამდებობაზე.