5 სექტემბერს, ქართულ-ამერიკულ უნივერსიტეტში ჰოლანდიელი პიარ ექსპერტი ლუის სმიტი გაუ-თბილისის პიარ სკოლის კლუბის წევრებს შეხვდა. საუბარი ევროპასა და ჰოლანდიაში პიარის განვითარების ტენდენციებს შეეხო. შეხვედრაზე განხილული იყო საინტერესო ქეისები კონსულტანტის პრაქტიკიდან.

 

თბილისის პიარ სკოლა აცხადებს მიღებას ინტეგრირებული მარკეტინგული კომუნიკაციების სასწავლო კურსის თებერვლის ჯგუფებში.

 

თბილისის პიარ სკოლის სექტემბრის ინტეგრირებული მარკეტინგული კომუნიკაციების სასწავლო კურსის ჯგუფები უკვე შევსებულია. ერთი ჯგუფი მოქმედი პიარ მენეჯერებით არის დაკომპლექტებული, ორი კი - სტუდენტებითა და სფეროთი დაინტერესებული პირებით. თბილისის პიარ სკოლაში სწავლა 24 სექტემბერს დაიწყება.

 

პროგრამა პუმის ფარგლებში, 29 აგვისტოდან 9 სექტემბრამდე, ჰოლანდიელი პიარ სპეციალისტი ლუის სმიტი ჯეპრას კონსულტაციებს გაუწევს და გამოცდილებას გაუზიარებს. ლუის სმიტი 25 წელზე მეტია ამ სფეროში მოღვაწეობს და ნამუშევარია უმსხვილესს საერთაშორისო პიარ კომპანიებში. ჰოლანდიელი სპეციალისტი ევროპისა და აზიის ქვეყნებში საქმიანობს.

 

ბაზისბანკმა ახალი სერვის-ცენტრი ქალაქის ცენტრში, კოსტავას გამზირზე გახსნა. ფილიალი სტუდენტებს მოემსახურება და მათ განსაკუთრებულ საშეღავათო პირობებს შესთავაზებს. ღონისძიების ორგანიზება და მედიასთან ურთიერთობა ჯეპრამ განახორციელა.

 

აგრობიზნესისა და ბუნებრივი რესურსების ცენტრის მარკეტინგულ სტრატეგიაზე 4 წამყვან უმაღლეს სასწავლებელთან და მოწვეულ ამერიკელ მარკეტოლოგთან ერთად ჯეპრაც იმუშავებს. სამუშაო ჯგუფმა აგვისტოს დასაწყისში დაიწყო საქმიანობა და სექტემბრის დასაწყისამდე მარკეტინგული და პიარ სტრატეგიის შემუშავებას აპირებს.

 

ცენტრალური და აღმოსავლეთ ევროპის საერთაშორსო პიარ ქსელი (CEERP) 2006 წლიდან ფუნქციონირებს და ამ ქვეყნების წამყვან პიარ კომპანიებს აერთიენებს. ჯეპრა ამ ქსელის რიგით მე-8 წევრია. ქსელი გაფართოებას უახლოეს მომავალში აპირებს. ჯეპრას გაწვრიანება ევროპულ ქსელში ქართული პიარ საზოგადოების კიდევ ერთ აღიარებას წარმოადგენს.

 

წამყვანი ქართული კომპანიის დაკვეთით ჯეპრამ და ედბრენდმა ახალი კორპორატიული ბრენდი შექმნეს, რომელიც არსებული ბრენდების პორთფელის გამაერთიანებელი გახდება. ახალი ბრენდი B2B ბაზარზე სექტემბერში გამოჩნდება.

 

ჯეპრას მედია-პროექტის - "რეალური კაპიტალის" გამოცემა სექტემბრიდან განახლდება. გაზეთს სათავეში ჩაუდგება ცნობილი ჟურნალისტი კახა ჭაბაშვილი. "რეალური კაპიტალის" პარტნიორები ჯეპრასთან ერთად არიან ჯიბისი და 24 საათი.

 

21 ივლისს, ქართულ-ამერიკულ უნივერსიტეტში გაიმართა გაუ-თბილისის პიარ სკოლის კურსდამთავრებულებისათვის სერტიფიკატების გადაცემის საზეიმო ღონისძიება. სტუდენტებს გააცნეს პიარ კლუბის შექმნის იდეა, რომელიც ითვალისწინებს წევრებისათვის სპეციალური ფორუმის შექმნასა და სხვადასხვა წამახალისებელი აქტივობების განხორციელებას.