დაავადების კონტროლლისა და საზოგადოებრივი ჯანმრთელობის ეროვნულ ცენტრში, იშვიათი დაავადებების მსოფლიო დღესთან დაკავშირებით პრესკონფერენცია გაიმართა.
საინფორმაციო კამპანიის მიზანია საზოგადოების ინფორმირებულობის გაზრდა იშვიათი დაავადებების შესახებ, დიაგნოსტირების გაუმჯობესება და მკურნალობის ხელმისაწვდომობის უზრუნველყოფა.
ჯეპრას უფროსმა პარტნიორმა, კახა მაღრაძემ BDO აკადემიის ადამიანური რესურსების მენეჯმენტის კურსის ფარგლებში CSR-ზე ისაუბრა.
სამოქალაქო უსაფრთხოების სწავლების ერთიანი სტრატეგიის / ჩარჩო პროგრამის შემუშავებისთვის საერთაშორისო არასამთავრობო ორგანიზაცია არბაითერ-სამარიტერნ - ბუნდის (ASB) და სამთავრობო უწყებების სამუშაო შეხვედრა გაიმართა!
შეგახსენებთ, რომ ჯეპრა საინფორმაციო კამპანიის „ჩვენ მზად ვართ“ საკომუნიკაციო მომსახურებას უზრუნველყოფს.
ჯეპრას უფროსმა კონსულტანტმა, ნინო სუბელიანმა "ჯეოსელ ჰაბში" კორპორატიული კომუნიკაციებისა და აუთსორსინგის შესახებ ისაუბრა.
ჯეპრას კომპეტენციის ცენტრმა საქართველოს საკომუნიკაციოს სააგენტოების ასოციაციის (ACA) წევრების შეხვედრას უმასპინძლა.
"არცერთი ბავშვი ყურადღების გარეშე" - ორგანიზაცია "გადავარჩინოთ ბავშვები" საზოგადოების ცნობიერების ამაღლების კამპანიას განაგრძობს.
21 დეკემბერს თბილისის კლასიკურ გიმნაზიაში გამართული ღონისძიება მიზნად ისახავდა მასწავლებლების, მოსწავლეებისა და მშობლების ცნობიერების ამაღლებას და შეზღუდული შესაძლებლობების მქონე ბავშვების მიმართ დამოკიდებულების შეცვლას.
ღონისძიებას მსახიობები რუსკა და ნინო მაყაშვილები უძღვებოდნენ. წარმოდგენილი იყო სხვადასხვა სახის აქტივობები, მათ შორის გაკვეთილის სიმულაცია, ერთობლივი თამაშები და ზღაპრის თხრობა.
ზღაპარი სახელად "მეგობრობის კუნძული" ბავშვებს საქართველოს პირველმა ლედიმ, ქალბატონმა მაკა ჩიჩუამ წაუკითხა. იგი სპეციალურად ამ დღისთვის, ჯეპრას ფრომოუშენ მენეჯერმა, გვანცა დელიბაშვილმა დაწერა.
ღონისძიების ორგანიზატორი იყო კომპანია ჯეპრა.
პიარისა და მარკეტინგული კომუნიკაციების კომპანია ჯეპრასა და ჰიპერმარკეტ "გუდვილს" შორის ხელშეკრულება გაფორმდა, რომელიც წინასაახალწლო საიმიჯო კამპანიის კონცეფციის შექმნასა და განხორციელებას ითვალისწინებს .
საკომუნიკაციო სააგენტო „კეტჩამ მასლოვმა“ პიარისა და მარკეტინგული კომუნიკაციების კომპანია ჯეპრასთან და „დიიმკომუნიკეიშენთან“ (სომხეთი) პარტნიორობის შეთანხმების მიღწევის შესახებ ოფიციალურად განაცხადა. თანამშრომლობა ჯეპრას მხრიდან აამაღლებს პროექტების ეფექტიანობას, საერთაშორისო კლიენტების მომსახურების ხარისხს და ასევე, ხელს შეუწყობს „კეტჩამის“ პოზიციების გამყარებას პოსტსაბჭოთა სივრცის ქვეყნებში.
ევროპის უმსხვილეს ქსელთან, "კეტჩამ მასლოვთან" ურთიერთობის ახალ ეტაპზე გადასვლა გულისხმობს არა მხოლოდ "კეტჩამის" მოსკოვის ოფისის პროექტებში მონაწილეობის მიღების შესაძლებლობას, არამედ პოსტსაბჭოთა სივრცის ქვეყნებში სხვა პარტნიორებთან და რეგიონულ კლიენტებთან თანამშრომლობის შესაძლებლობას, ასევე „კეტჩამის“ გლობალური ქსელის რესურსებთან და ტექნოლოგიებთან წვდომას.
შეგახსენებთ, რომ „კეტჩამ მასლოვი“ ერთერთი უმსხვილესი და დივერსიფიცირებული საერთაშორისო პიარსააგენტოა, რომლის მთავარ მიმართულებას სტრატეგიული კომუნიკაციები წარმოადგენს და სპეციალიზებულია რუსეთის და პოსტსაბჭოთა ქვეყნების ბაზრებზე.
"ტყის კვირეულის ფარგლებში," ჯეპრასა და ბუნების დაცვის მსოფლიო ფონდის კავკასიის წარმომადგენლობის ინიციატივით საქართველოში "გარემოს დამცველ ჟურნალისტთა ასოციაცია" დაფუძნდა, რაც სამომავლოდ ხელს შეუწყობს გარემოსდაცვითი საკითხების პოპულარიზაციასა და სწორ კომუნიკაციას.
ასოციაციის პრეზენტაცია სასტუმრო "რედისონ ბლუ ივერიაში" გაიმართა. მოწვეული მედიის წარმომადგენლებს სამახსოვროდ Treepex-ის სასაჩუქრე ბარათი გადაეცათ წარწერით: WWF -მა თქვენს სახელზე ხე დარგო!
ასოციაციის ახლადარჩეული წევრების პირველი სამუშაო შეხვედრა 4 დეკემბერს, "რედისონ ბლუ ივერიაში გაიმართა.
პიარისა და მარკეტინგული კომუნიკაციების კომპანია ჯეპრასა და ორგანიზაცია „გადავარჩინოთ ბავშვებს“ შორის ხელშეკრულება გაფორმდა, რომელიც ითვალისწინებს პროგრამის „თემზე დაფუძნებული მომსახურება შეზღუდული შესაძლებლობების მქონე ბავშვებისათვის“ ფარგლებში სკოლებში ცნობიერების ამაღლებას. პროექტი მიმართულია შეზღუდული შესაძლებლობის მქონე პირების მიმართ მიზნობრივი ჯგუფების (მასწავლებლები, მოსწავლეები, მშობლები, მედია, ფართო საზოგადოება) დამოკიდებულების შეცვლაზე.
