USAID-ის HICD 2020 პროგრამის კონსულტანტთან, კლაუს ვიტკუნთან (Klaus Wittkuhn) PMCG შეხვედრა გამართა, რომლის მიზანი გახლდათ პარტნიორი ორგანიზაციების საჭიროებების შესწავლა ადამიანური და ინსტიტუციური შესაძლებლობების განვითარების მიზნით.
PMCG არის კონსორციუმის ლიდერი, რომელშიც შედიან სხვადასხვა პროფილის საკონსულტაციო კომპანიები: ჯეპრა, ახალგაზრდა ეკონომისტთა ასოციაცია, ადელანტე, IMG, ISET Policy Institute, მართვის აკადემია.
შეხვედრას ჯეპრას უფროსი კონსულტანტი, თამუნა მაჭავარიანი ესწრებოდა.
საქართველოს მთავრობის გადაწყვეტილებით, სახელმწიფო პროგრამას „აწარმოე საქართველოში" კიდევ ერთი, ახალი, კინოინდუსტრიის წახალისების კომპონენტი დაემატა. ახალი პროგრამა "გადაიღე საქართველოში" საზოგადოებას საქართველოს პრემიერ-მინისტრმა, გიორგი კვირიკაშვილმა გააცნო.
შეგახსენებთ, რომ საქართველოს კინემატოგრაფიის ეროვნული ცენტრის საკომუნიკაციო მხარდაჭრას ჯეპრა უზრუნველყოფს.
სტაჟირების პროგრამა, რომელიც ჯეპრამ 2015 წლის ბოლოს დაიწყო, გრძელდება. ცოტა ხნის წინ, ჯეპრამ კვლავ მიიღო მონაწილეობა თავისუფალი და აგრალური უნივერსიტეტების მიერ ორგანიზებულ დასაქმების ფორუმში, სადაც მოხდა სტუდენტების შერჩევა.
მაცო ჩოფიკაშვილმა, თაკო ვარამაშვილმა, გუჯა ქემოკლიძემ, გვანცა ველთაურმა, ნუკა მაღლაკელიძემ და ნინანო დავითაიამ წარმატებით გაიარეს გასაუბრების მეორე ეტაპი და დაიწყეს სამთვიანი სტაჟირება ტექნოლოგიური განვითარების, კომპანიის პრომოუშენის, მედიასთან ურთიერთობისა და სოციალური მედიის მიმართულებით.
წარმატებები მათ!
2016 წლის იანვრიდან ნუცა გალუმაშვილი კომპანიაში აქციონერისა და პარტნიორების ინტერესებს წარმოადგენს და საფინანსო პოლიტიკისა და სტრატეგიის დაგეგმვის საკითხებს გაუძღვება.
ყვარლის იუსტიციის სასწავლო ცენტრში, სოციალური პასუხისმგებლობის (CSR) კლუბის სტრატეგიული დაგეგმვის სამუშაო შეხვედრა გაიმართა. შეხვედრაზე კლუბის წევრებმა 2016 წლის სამოქმედო გეგმის, სტანდარტების გაუმჯობესებისა და დახვეწის საკითხები განიხილეს, ასევე მოხდა კლუბის საკომუნიკაციო არხებისა და კომუნიკაციის ფორმების განსაზღვრა.
15 დეკემბერს, მინსკში, კონფერენცია გაიმართა, რომელიც ბელორუსის წინაშე არსებული გამოწვევების შესაბამისი სახელმწიფო მმართველობის სისტემის შექმნას ეხებოდა.
კონფერენციაზე ექსპერტად კომპანია ჯეპრას დირექტორი, ეკატერინე ჟვანია იყო მიწვეული.
16 ოქტომბერს, მსოფლიო კვების დღესთან დაკავშირებით, foodpanda-ს სხვადასხვა ქვეყნების წარმომადგენლობებმა გამართეს აქცია "შენ ამბობ, ჩვენ ვეხმარებით". წელს უკვე მეორედ, მსოფლიოში შიმშილის წინააღმდეგ ბრძოლაში საკუთარი წვლილი საქართველომაც შეიტანა და სოციალურ ქსელში გამოკითხვის შედეგად, სიღარიბის ზღვარს მიღმა მყოფი მრავალშვილიანი 5 ოჯახისთვის 875კგ პროდუქტი შეგროვდა!
კომპანია "ჯეპრამ" საკუთარი წვლილიც შეიტანა და დაეხმარა ფუდპანდას საზოგადოების ინფორმირებასა და ჩართვაში.
კომპანია ჯეპრაში საზოგადოებასთან ურთიერთობის მენეჯერის (პირველადი დასახელება: საზოგადოებასთან ურთიერთობის სპეციალისტი) პროფესიულ სტანდარტზე DACUM-სქემით მომუშავე ჯგუფის დასკვნითი შეხვედრა გაიმართა. მასში მონაწილეობდნენ დარგისა და განათლების ექსპერტ-ფასილიტატორები(მაკო ჯაოშვილი, მარინა გოგოლაძე), საზოგადოებასთან ურთიერთობის პრაქტიკოსი სპეციალისტები და გამოცდილი პროფესიონალები. როგორც ერთ-ერთი პარნტიორი ორგანიზაცია, კომპანია „ჯეპრა“ ჩართულია პროფესიულ სტანდარტთა შემუშავების ხელშემწყობ პროგრამაში. შეიქმნა სტანდარტის პირველადი ვერსია, რომელიც შემდგომ დაეგზავნება ტექნიკურ ექსპერტს და აღნიშნული დარგის ან მომიჯნავე მიმართულებების ექპერტებით დაკომპლექტებულ ვალიდატორების ჯგუფს. მათ მიერ შემოთავაზებული რეკომენდაციების საფუძველზე შემუშავებული დოკუმენტი სათანადოდ შეიცვლება.
"სილამაზე სიცოცხლისათვის" - ამ დევიზით, ძუძუს კიბოთი დაავადებული ქალების მხარდასაჭერად, საკრებულოს ფოიეში, "თინათინ მაღალაშვილის" შემოდგომა-ზამთრის კოლექციის ჩვენება გაიმართა. კოლექცია საზოგადოებისთვის ცნობილმა ადამიანებმა მოირგეს. მათთან ერთად პოდიუმზე "ევროპა დონა საქართველოს" წარმომადგენლები და პაციენტები გამოვიდნენ, რომლებიც მკურნალობის კურსს იტარებენ ან ამ სენისგან უკვე განიკურნენ. საქველმოქმედო საღამოდან შემოსული თანხა მთლიანად მათი მკურნალობისა და რეაბილიტაციის კურსს მოხმარდება. ღონისძიების მედია მხარდაჭერა ჯეპრამ უზრუნველყო.
სპორტკომპლექს „არენა 2“-ის დარბაზში, "ევროპა დონა ჯორჯიას" წევრები, სხვადასხვა კერძო კომპანიების საზოგადოებასთან ურთიერთობის და მარკეტინგის მენეჯერები, ცნობილი ქალბატონები და პროფესიონალი ფეხბურთელი გოგონები ერთმანეთს დაუპირისპირდნენ - ძუძუს კიბოთი დაავადებული ქალბატონების მხარდასაჭერად მინი ფეხბურთის სიმბოლური მატჩი გაიმართა!
მატჩი მეგობრული ანგარიშით, 4:4 დასრულდა. ღონისძიების ორგანიზატორებისგან ყველა მონაწილეს სამახსოვრო სერთიფიკატი გადაეცა.
მატჩს ჯეპრას კონსულტანტი, ქეთევან გალუმაშვილი და მედია კონსულტანტი, მაია ტაკაშვილიც ესწრებოდნენ.
