2015 წლის ივნისიდან წლის ბოლომდე, საზოგადოებასთან ურთიერთობისა და მარკეტინგული კომუნიკაციის კუთხით ჯეპრა კომპანია „IDS ბორჯომი საქართველოს“ გაუწევს მომსახურებას. 1 ივნისს გაფორმებული ხელშეკრულების მიხედვით, ჯეპრა დაგეგმავს, განახორციელებს და შეაფასებს რამდენიმე სპეციფიკურ პროექტს კორპორაციული კომუნიკაციისა და ბრენდ „ბაკურიანის“ პრომოუშენის მიმართულებით. 9 წლიანი პაუზის შემდეგ ორი კომპანიის თანამშრომლობა განახლდა. „ბორჯომთან“ უკანასკნელად ჯეპრამ 2006 წლის ზაფხულში ითანამშრომლა.
ივნისის დასაწყისში, ჯეპრასა და "პარკსერვისს" შორის ხელშეკრულება გაფორმდა. თანამშრომლობა ითვალისწინებს საკონსულტაციო მომსახურების გაწევას, "პარკსერვისისთვის" ცნობადობის შექმნისა და სერვისის შესახებ მომხმარებლის სწორად ინფორმირების მიზნით.
"პარკსერვისი" გახლავთ ინოვაციური მომსახურება ავტომობილის მფლობელთათვის, რომელიც მომხმარებელს პარკირების პრობლემების მარტივი გზით მოგვარებას სთავაზობს.
5 ივნისს ილიას სახელმწიფო უნივერსიტეტში პიარისა და მარკეტინგის სპეციალისტმა, ორგანიზაცია ჯეპრას მმართველმა პარტნიორმა და უფროსმა კონსულტანტმა, ბატონმა სოსო გალუმაშვილმა საჯარო ლექცია წაიკითხა თემაზე "როგორ მუშაობს პიარი". ლექცია ილიაუნის მენეჯერთა კლუბის " Become a Successful Manager " ორგანიზებით ჩატარდა.
ბიზნეს კომპანიები, სამოქალაქო სექტორი და მედია კორპორაციული სოციალური პასუხისმგებლობის მიმართულებით აქტიურ მუშაობას იწყებენ!
27 მაისს, საქართველოს ფოლკლორის სახელმწიფო ცენტრში, ,,სოციალური პასუხისმგებლობის კლუბის“ პრეზენტაცია გაიმართა, რომლის შექმნის ინიციატივით გამოვიდნენ პიარისა და მარკეტინგული კომუნიკაციების კომპანია ,,ჯეპრა“ და არასამთავრობო ორგანიზაცია ,,სიდა“.
კლუბი წარმოადგენს არარეგისტრირებულ კავშირს, რომლის მიზანია საზოგადოებაში კორპორაციული სოციალური პასუხისმგებლობის მიმართ ცოდნის ამაღლება და ერთობლივი გრძელვადიანი საქმიანობით კლუბის წევრებთან/პარტნიორებთან/დონორებთან ერთობლივი სამოქალაქო საზოგადოების მდგრადი განვითარების ხელშეწყობა.
სოციალური პასუხისმგებლობის კლუბის პრეზენტაციას დაესწრნენ საერთაშორისო ორგანიზაციების, ბიზნეს სექტორის, საჯარო სექტორის, სამოქალაქო სექტორისა და მედიის წარმომადგენლები. შეხვედრის ბოლოს კლუბის ქარტიაზე ხელმოწერის ცერემონია გაიმართა.
იხილეთ სიუჯეტები:
მაესტრო რუსთავი 2 ერთსულოვნება iTV.ge პიკის საათი
20-დან 24 მაისის ჩათვლით საქართველოს რეგიონებში, 4 დიდი ქალაქის (გორი, რუსთავი, ბათუმი და ქუთაისი) დემოკრატიული ჩართულობის ცენტრებში, სამოქალაქო კვირეულის პროექტის ფარგლებში, გაიმართება სოციალური პასუხისმგებლობის მასტერკლასები ადგილობრივი აუდიტორიისთვის, რომლის მიზანია რეგიონული არასამთავრობო და ბიზნეს სექტორის დაახლოებისა და თანამშრომლობის ხელშეწყობა სოციალური პროექტების განხორციელების კუთხით.
კვირეული ორგანიზებულია ,,სიდას” და სამოქალაქო საზოგადოების რეგიონული ქსელის (R-CSN) მიერ აღმოსავლეთ-დასავლეთის მართვის ინსტიტუტის (EWMI) ACCESS-ის პროექტის ფარგლებში, რომელიც დაფინანსებულია ამერიკის შეერთებული შტატების საერთაშორისო განვითარების სააგენტოს (USAID) მიერ.
პროექტს ფასილიტაციას უწევს ჯეპრას უფროსი კონსულტანტი, კახა მაღრაძე.
რეგიონებში დაგეგმილი ღონისძიებების განრიგი იხილეთ ბმულზე: https://goo.gl/49c3S0
ასოციაცია „ჩვენი სახლი - საქართველოსა“ და სოციალური მომსახურების სააგენტოს შორის თანამშრომლობის მემორანდუმი გაფორმდა, რომელსაც ხელი მოაწერეს ასოციაციის აღმასრულებელმა დირექტორმა, რევაზ ბარბაქაძემ და ჯანდაცვის მინისტრის მოადგილემ, სსიპ - სოციალური მომსახურების სააგენტოს დირექტორმა ,ზაზა სოფრომაძემ. მემორანდუმი ფონდი „ნატახტარის“ პროექტის - „იზრუნე მომავალზე“ ფარგლებში ურთიერთნამშრომლობასა და გამართული აქტივობების მხარდაჭერას ითვალისწინებს. სოციალური მომსახურების სააგენტოს წარმომადგენლებმა პროექტის „იზრუნე მომავალზე“ ფარგლებში „ნატახტარის“ ქარხანაში დასაქმებული ბენეფიციარები მოინახულეს.
8 მაისს, ყირგიზეთის მთავრობის უწყებების საზოგადოებასთან ურთიერთობის სტრუქტურული ერთეულების ხელმძღვანელების დელეგაციის სამუშაო ვიზიტი „გაუ თბილისის პიარსკოლაში“ გაიმართა, რომელშიც მონაწილეობა ქართულ-ამერიკული უნივერსიტეტის ადმინისტრაციის წარმომადგენლებმა, პიარსკოლის ლექტორებმა და სტუდენტებმა მიიღეს.
ვიზიტის ფარგლებში, ყირგიზი სტუმრები შეხვდნენ გაუს პრეზიდენტს, მაიკლ ქაუგილს, მოისმენეს პიარსკოლის ლექტორების მოხსენება სკოლის ისტორიისა და კურსების თაობაზე. ვიზიტის ბოლოს, ყირგიზეთის დელეგაციის ხელმძღვანელმა, პრემიერმინისტრის პრესმდივანმა, ყირგიზეთის რესპუბლიკის მთავრობის აპარატის საინფორმაციო პოლიტიკის განყოფილების უფროსმა, გულნარა ტორალიევამ გააკეთა მოხსენება სტუდნტებისთვის, სათაურით „ყირგიზეთის რესპუბლიკის მთავრობის ძალისხმევა მოსახლეობასთან კომუნიკაციის გაუმჯობესების კუთხით“.
2015 წლის 3 მაისს, ერთ-ერთი ყველაზე მასშტაბური ღონისძიება Wings for Life World Run კახეთში უკვე მეორედ გაიმართა. მსოფლიოს 34-მა ქვეყანამ სტარტი, ერთსა და იმავე დროს აიღო. კახეთში, საქართველოში, მარათონში მონაწილეობა 3550-ზე მეტმა ადამიანმა მიიღო. გამარჯვებული ქალთა შორის ლინდა ვან ფლიტი გახდა, რომელმაც 32,01კმ გაირბინა, ხოლო მამაკაცთა შორის ანატოლი ოლეინიკოვი, რომელმაც 57,39კმ გაირბინა.
ღონისძიებიდან შემოსული სრული თანხა Wings for Life-ის ფონდს გადაეცემა, რომელიც სამედიცინო და კლინიკურ კვლევებს აწარმოებს, ზურგის ტვინის დაზიანების სამკურნალოდ.
პიარისა და მარკეტინგული კომუნიკაციების კომპანია ჯეპრა მსოფლიო რბენის მხარდაჭერი და პარტნიორი იყო.
17 აპრილს „ნატახტარმა“ მედიის წარმომადგენლებს დაუვიწყარი დღე აჩუქა.
კომპანიამ 10 წლის იუბილე და შეფუთვის განახლება ჟურნალისტებთან ერთად აღნიშნა. ღონისძიებაზე სახალისო ოლიმპიური თამაშები და ინტელექტუალური შეჯიბრი მოეწყო. ლუდის ოლიმპიურ თამაშებში, ექვსი მედია საშუალების წარმომადგენლები ერთმანეთს ლუდის დალევის სისწრაფეში ეჯიბრებოდნენ. შეჯიბრების შემდეგ, მედიის ყველა წარმომადგენელს, სიგელი და სახელობითი წარწერით ლუდი „ნატახტარი“ გადმოგვეცა. სამსახსოვრო ფოტოების გადაღების შემდეგ კი საღამო საზეიმო ბანკეტით დასრულდა.
15 აპრილს, დაბა თიანეთში იუსტიციის სახლის მშენებლობა, რომელსაც კომპანია „საბა კონსტრაქშენი“ ახორციელებს საქართველოს იუსტიციის მინისტრმა, თეა წულუკიანმა დაათვალიერა. მინისტრი ადგილზე გაეცნო პროცესის მიმდინარეობას და მშენებლობაზე დასაქმებულებსაც გაესაუბრა.
ობიექტი ასევე დაათვალიერეს იუსტიციის სახლის აღმასრულებელმა დირექტორმა გიორგი ტაბიძემ და თიანეთის მუნიციპალიტეტის გამგებელმა ლელა ქიტესაშვილმა.
საბა კონსტრაქშენის“ ხელმძღვანელის, ლევან თარგამაძის განცხადებით, თიანეთის იუსტიციის სახლის მშენებლობა წელს, 17 თებერვალს დაიწყო და 17 აგვისტოს დასრულდება.
