ჯეპრას აუდიტორულ მომსახურებას, ბუღალტრული და მმართველობითი კონსულტაციების ერთ-ერთ ყველაზე მსხვილი კომპანია, Baker Tilly Georgia გაუწევს.

კომპანია, 1996 წლის ივლისში დაარსდა თბილისში. Baker Tilly Georgia ლიცენზირებულია ზოგად, საბანკო, სადაზღვევო და ბირჟების აუდიტური მომსახურების გასაწევად. ქვეყანაში ერთ-ერთი ყველაზე მრავალრიცხოვანი, პროფესიონალებით დაკომპლექტებული კოლექტივის მეშვეობით ფირმას გააჩნია საშუალება ბუღალტრული და მასთან დაკავშირებული პროფესიონალური მომსახურება, ასევე, მმართველობითი კონსულტირება გაუწიოს საშუალო და მსხვილ კომპანიებს ეკონომიკური საქმიანობის პრაქტიკულად ყველა დარგში.
 

პიარისა და მარკეტინგული კომუნიკაციების კომპანია, ჯეპრამ, უნარების განვითარებისა და შეფასების ცენტრთან (IDAC) მორიგი ხელშეკრულება გააფორმა.
თანამშრომლობა გულისხმობს, IDAC-ის ინოვაციური პროდუქტის, 4S-ის (ფორესი) წარდგენას საზოგადოებისათვის, საკომუნიკაციო კამპანიის დაგეგმვასა და განხორციელებას.
რა არის 4S (”ფორესი”) ეს არის პირველი ქართულენოვანი ტესტირების სისტემა, რომელიც საშუალებას იძლევა შეფასდეს პიროვნების უნარი 4 სხვადასხვა მიმართულებით: მათემატიკა, ლოგიკა, სივრცული აღქმის უნარი და გადაწყვეტილების მიღების უნარი. აღნიშნული 4 უნარი, ერთიანობაში აფასებს პიროვნების სამუშაო უნარს.

26 სექტემბერს, კომპანია „ჯეპრა“-ს კონსულტანტები ქეთევან გალუმაშვილი და ნინო სუბელიანი ნარჩენების მდგრადი მართვის თემაზე გამართულ ლექციას დაესწრნენ, რომელიც აშშ–ს საერთაშორისო განვითარების სააგენტოს (USAID) პროგრამის - ნარჩენების მართვის ტექნოლოგიები რეგიონებში – ფარგლებში გაიმართა.

ლექცია, მიზნად ისახავდა ნარჩენების ინტეგრირებული მართვის მიდგომების, პრინციპების პოპულარიზაციას საზოგადოებაში, იაკობ გოგებაშვილის სახელობის თელავის სახელმწიფო უნივერსიტეტში ჩატარდა.
სპეციალისტებმა ისაუბრეს ნარჩენების ინტეგრირებული მართვის ძირითად პრინციპებზე, მიდგომებზე, გამოწვევებზე, განიხილეს ნარჩენების სეპარაციისა და გადამუშავების საკითხები.
 

ჯეპრამ მსოფლიოს წამყვან თურქულ სამედიცინო დაწესებულებასთან, "ანადოლუს სამედიცინო ცენტრთან" ხელშეკრულება გააფორმა. თანამშრომლობა ითვალისწინებს ანადოლუს სამედიცინო ცენტრის წარმომადგენლების თბილისში სტუმრობის ფარგლებში ქართველ ექიმებთან და მედიცინის ექსპერტებთან შეხვედრის მოწყობას, კონფერენციისა და ქართველი პაციენტებისთვის უფასო სამედიცინო კონსულტაციის გაწევის ორგანიზებას.

შეგახსენებთ, რომ "ანადოლუს სამედიცინო ცენტრათან" ჯეპრა უკვე მეორედ თანამშრომლობს. პირველი კონტრაქტი 2013 წლის აპრილში გაფორმდა. 

პიარისა და მარკეტინგული კომუნიკაციების კომპანია ჯეპრა, IPRA-ს შეუერთდა.
წევრობა ითვალისწინებს, მხარეების ექსკლუზიურ თანამშრომლობას საზოგადოებრივი ურთიერთობების სფეროში.

პიარისა და მარკეტინგული კომუნიკაციების კომპანია „ჯეპრა“, მხატვარ-დიზაინერებისთვის აცხადებს კონკურსს „რწყილი და ჭიანჭველას“ ზღაპრის ილუსტრაციების შექმნაზე. შეარჩიეთ თქვენთვის სასურველი სცენა, შექმენით მისი ილუსტრაცია, მოხვდით ფინალში და მოიგეთ პრიზი.
კონკურსი ორ ეტაპად იყოფა. პირველ ეტაპზე მონაწილე ირჩევს სასურველ სცენას და ქმნის ილუსტრაციას ორი კვირის განმავლობაში.
მეორე ეტაპზე ჟიური არჩევს სამ საუკეთესო ნამუშევარს და მათ ავტორებს აძლევს დამატებით, ერთკვირიან ვადას ამავე ზღაპრის წიგნის ყდის დიზაინის შესაქმნელად.
საბოლოო ჯამში, ზღაპრის წიგნი, გამარჯვებულის ილუსტრაციებით დაიბეჭდება, წიგნის დასაბეჭდად, მან უნდა შექმნას 12 სცენის ილუსტრაცია აღნიშნული ზღაპრიდან (სცენების შესახებ ინფორმაცია გამარჯვებულს ცალკე მიეცემა), მას, ასევე, საჩუქრად A3ზომის Wacom-ის სახატავი პლანშეტი გადაეცემა.  ნამუშევრების მიღება დაიწყება 22 სექტემბერს და გაგრძელდება 6 ოქტომბრის ჩათვლით. ჟიურის წევრები არიან: მხატვარი-გია გუგუშვილი, სამხატვრო აკადემიის პროფესორი და მხატვარი-თამაზ ვარვარიძე, ფოტოჟურნალისტი-გოგა ჩანადირი, ჯეპრას დირექტორი-ეკატერინე ჟვანია და უფროსი კონსულტანტი-სოსო გალუმაშვილი.

იხილეთ სტატიები:  Epn.ge   MediaMall.ge   Medianews.ge   For.ge   Droni.ge   Presa.ge   Pirveliradio.ge  Interpressnews.ge   Gbc.ge   Bpi.ge   Pia.ge   Georgia Today

იხილეთ განცხადებები:  Jobs.ge   Hr.ge

12-13 სექტემბერს სასტუმრო „ლოპოტაზე“, მარკეტინგული კომუნიკაციების კომპანია „ჯეპრას“ უფროსმა კონსულტანტმა, ნინო სუბელიანმა ტრენინგი ჩაუტარა „კონრად ადენაუერის სახელობის ფონდის“ თანამშრომლებს.

ტრენინგი მოიცავდა შემდეგ მოდულებს:
მიზნობრივი კომუნიკაცია და სიტყვით გამოსვლის ტექნოლოგია
პრეზენტაციის უნარჩვევები
მედიასთან ურთიერთობა
ტრენინგის მიზნი იყო კონრად ადენაუერის ფონდის თანამშრომლების პრაქტიკული უნარ-ჩვევების განვითარება კომუნიკაციის რამდენიმე მიმართულებაში, როგორიცაა გზავნილის მიწოდების და უკუკავშირის პროცესი, რიტორიკა, სხეულის ენა და ა.შ.

ტრენინგის მიმდინარეობა და მონაწილეთა საბოლოო ნამუშევრები შეაფასა ჯეპრას უფროსმა კონსულტანტმა, სოსო გალუმაშვილმა. 

6 სექტემბერს, ახალციხეში, რაბათის ციხის ტერიტორიაზე „მესხური ფესტივალი 2014“ გაიმართა. საქართველოს ძირძველი კუთხის, მესხეთის ისტორიასა და კულტურის, ფოლკლორის, ტრადიციად შემონახული, ხალხური რეწვის ნიმუშების, კვების პროდუქტების - ამ ყველაფრის ნახვა, გაცნობა და დაგემოვნება ნებისმიერ მსურველს შეეძლო. ფესტივალი უკვე მეორე წელია ახალციხეში, ადგილობრივი ტელეკომპანია ,,მეცხრე არხის“ ორგანიზებით იმართება.
მესხური ფესტივალის ფარგლებში ახალციხემ „მარნეულის სასურსათო ქარხნის“ „მწნილისა და მურაბის ფესტივალსაც“ უმასპინძლა.

იხილეთ ფოტოები

სექტემბერში პიარისა და მარკეტინგული კომუნიკაციების კომპანია ჯეპრა გერმანიის ეკონომიკური გაერთიანების (DWV) წევრი გახდა.
წევრობა ითვალისწინებს, მხარეების ექსკლუზიურ თანამშრომლობას საზოგადოებრივი და ეკონომიკური ურთიერთობების სფეროში. გერმანიის ეკონომიკური გაერთიანების წევრები ერთმანეთს გაუზიარებენ თავიანთ გამოცდილებას, ჩაატარებენ ერთობლივ ღონისძიებებსა და ფორუმებს. განახორციელებენ სტრატეგიულ თანამშრომლობას კლიენტების უკეთესი მომსახურებისათვის.

1-2 სექტემბერს, ბათუმობის დღესასწაულთან ერთად ბათუმმა „მარნეულის სასურსათო ქარხნის“ „მწნილისა და მურაბის
ფესტივალს“ უმასპინძლა. ღონისძიება 6 მაისის პარკის ცენტრალურ შესასვლელთან გაიმართა.
ფესტივალზე ადგილობრივ მცხოვრებთან ერთად, ქალაქის სტუმრებმა და ადგილობრივი ხელისუფლების წარმომადგენლებმაც მიიღეს მონაწილეობა. „მწნილისა და მურაბის ფესტივალის“ ფარგლებში მოეწყო მწნილისა და მურაბის კუთხეები, სადაც სტუმრებს „მარნეულის სასურსათო ქარხნის“ უგემრიელესი და ქართულ ნედლეულზე დამზადებული მწნილისა და მურაბის დაგემოვნების საშუალება ჰქონდათ. ფესტივალზე ორი დღის განმავლობაში „მარნეულის სასურსათო ქარხნის“ პროდუქცია სპეციალურ ფასადაც გაიყიდა.
ფესტივალი ფოლკლორულმა ანსამბლმა „მოძახილმა“გახსნა. ბავშვებმა კი ტკბილ და ამავე დროს ზღაპრულ სამყაროში გადაინაცვლეს, სადაც ისინი საყვარელი ზღაპრის გმირებმა გაახალისეს. ფესტივალზე მოსული სტუმრები ოჩოფეხებიანმა ანიმატორებმა და ქუჩის თეატრის მსახიობებმაც გაართეს.

იხილეთ ფოტოები