7-9 მარტს, დიდუბე პლაზას კომპლექსში, პოლიტიკის და მართვის კონსალტინგ ჯგუფისა (Pmcg) და ჯეპრას კონსულტანტებმა, საქართველოს მთავრობის სტრუქტურების, საზოგადოებასთან ურთიერთობაზე პასუხისმგებელი პერსონალისთვის ტრენინგი ჩაატარეს.
ტრენინგის ძირითადი მიზანი იყო კომუნიკაციის ინსტრუმენტების განხილვა, საერთო მიდგომების განსაზღვრა და ძირითად პრინციპებზე შეჯერება, გამოცდილების გაზიარება, წარმატებული ქეისების განხილვა და ერთობლივი საკომუნიკაციო კამპანიების დაგეგმვა.
პროექტი ხორციელდება Usaid დემოკრატიული მმართველობა საქართველოში (G3) პროგრამის ფარგლებში.

იხილეთ ფოტოები

პიარისა და მარკეტინგული კომუნიკაციების კომპანია ჯეპრა, საქართველოს ლოგისტიკის ასოციაციის პრომო კამპანიის დაგეგმვასა და განხორციელებას უზრუნველყოფს. პროექტი ითვალისწინებს, როგორც საკომუნიკაციო სტრატეგიის შემუშავებას, ასევე კონკრეტულ აქტივობებს. კამპანიის მიზანია, როგორც თემატიკის აქტუალიზაცია, ასევე, პრიორიტეტული სამიზნე ჯგუფების წარმომადგენელთათვის იმ სარგებლის გაცნობა, რასაც ასოციაციასთან თანამშრომლობა მოუტანთ.
ტენდერი კამპანიის განხორციელებაზე გამოცხადებული იყო "HICD PLUS"-ის მიერ.

21-23 თებერვალს, კახეთში, ლოპოტას ტბაზე სამუშაო შეხვედრა გაიმართა, საქართველოს მთავრობის სტრუქტურების საზოგადოებასთან ურთიერთობაზე პასუხისმგებელი პერსონალის მონაწილეობით. შეხვადრას უძღვებოდნენ პოლიტიკისა და მართვის კონსალტინგ ჯგუფისა (PMCG) და ჯეპრას კონსულტანტები.
სამუშაო შეხვედრის ძირითადი მიზანი იყო საქართველოს მთავრობის საკომუნიკაციო პლატფორმის ფორმირება, რეკომენდაციების შემუშავება შიდა კომუნიკაციის პროცესის ოპტიმიზაციის, კრიზისების პრევენციის და რეაგირების მექანიზმების შექმნისათვის.
პროექტი ხორციელდება USAID დემოკრატიული მმართველობა საქართველოში (G3) პროგრამის ფარგლებში.

ფოტოები 1 ფოტოები 2

12 თებერვალს, ჯეპრას უფროსმა კონსულტანტმა, სოსო გალუმაშვილმა საჯარო ლექცია გამართა თემაზე "PR და კომუნიკაციები". შეხვედრა ეკონომიკისა და ბიზნესის კვლევების კონსულტაციების ცენტრში "Doctrina Business Review-ში გაიმართა. 

იხილეთ ფოტოები

7 თებერვალს, სასტუმრო „რედისონში“ „ფონდმა ნატახტარი“ და „ასოციაცია ჩვენი სახლი საქართველომ“ პროექტის „იზრუნე მომავალზე“ ფარგლებში კონფერენცია გამართეს თემაზე: „სოციალური პასუხისმგებლობა ბავშვზე ზრუნვის სფეროს განვითარებისთვის“.
კონფერენციის მიზანი მზრუნველობამოკლებული ბავშვებისა და ახალგაზრდების საზოგადოებაში ინტეგრაცია და დამოუკიდებელი ცხოვრებისთვის მომზადების ხელშეწყობაა, რომელშიც მონაწილეობა მიიღეს ბავშვზე ზრუნვის სფეროში მომუშავე საჯარო უწყებების, საერთაშორისო და არასამთავრობო ორგანიზაციების, ასევე მსხვილი ბიზნესკომპანიებისა და მედიის წარმომადგენლებმა.

იხილეთ ფოტოები

30 იანვარს, „გამრეკელი გალერიში“ ცნობილი, თანამედროვე ქართველი მხატვრების ნამუშევრების საქველმოქმედო აუქციონი გაიმართა. ღონისძიებას ჟურნალისტები და ბიზნესსექტორის წარმომადგენლები ესწრებოდნენ. სანახაობრივად საინტერეზეო საღამოზე წარმოდგენილი ყველა ფერწერული ტილო გაიყიდა და მთლიანად 11 500 ლარი შეგროვდა. შემოსული თანხა „ფონდი ნატახტარის“ ანგარიშზე ჩაირიცხება.
შემოწირულობა მოხმარდება ფონდის პროექტს „იზრუნე მომავალზე“, რომელიც მზრუნველობამოკლებული მოზარდების საზოგადოებაში ინტეგრიაციისა და დამოუკიდებელი ცხოვრებისთვის მომზადებას მოხმარდება. ღონისძიება, თანამედროვე ქართული მხატვრობის პოპულარიზაციასთან ერთად, საქართველოს სხვადასხვა კუთხეში განლაგებული მცირე საოჯახო ტიპის ბავშვთა სახლების აღსაზრდელების დახმარებას ისახავს მიზნად.
„ფონდი ნატახტარის“ აქციაში მონაწილე თანამედროვე ქართველ მხატვრების სია ასე გამოიყურებოდა, _ ოლეგ ტიმჩენკო, გია გუგუშვილი, მიშა შენგელია, მამუკა ცეცხლაძე, ვახო ბუღაძე, კოკა ცხვედიანი, უშანგი ხუმარაშვილი, ლია შველიძე.

იხილეთ ფოტოები

დღეს, საქართველოს მძლეოსნობის ფედერაციაში სს „წყალი მარგებელსა“ და საქართველოს მძლეოსნობის ფედერაციას შორის ხელი მოეწერა ევროპის ახალგაზრდული ოლიმპიური ფესტივალი „თბილისი 2015“-ისა და „ევროპის მძლეოსნობის 2014 წლის გუნდური ჩემპიონატის მე-3 ლიგის“ პლატინის სპონსორობის ხელშეკრულებას.
წყალი მარგებელის დირექტორმა, გია გოგოლაძემ და ფედერაციის პრეზიდენტმა, ალექსი ახვლედიანმა მომავალი თანამშრომლობის დეტალებზე ისაუბრეს და ჟურნალისტების შეკითხვებს უპასუხეს.

იხილეთ ფოტოები

18 იანვარს, სასტუმრო "ძველ თბილისში" UFC-ის თანამშრომლებისთვის ჯეპრამ და ედბრენდმა ბრენდის იმპლემენტაცია გამართეს.

თანამშრომლები გაეცნენ რებრენდინგის შედეგებს და თიმბილდინგის სავარჯიშოები ჩაუტარდათ.

იხილეთ ფოტოები

"Wings for Life" არაკომერციული ფონდია, რომელიც ორიენტირებულია ზურგის ტვინის ტრამვის მკურნალობაზე. ის მხარს უჭერს პერსპექტიულ სამედიცინო და კვლევით პროექტებს მთელი მსოფლიოს მასშტაბით.
2014 წლის 4 მაისს საქართველოს დროით 14:00 საათზე 5 კონტინენტის 40 სხვადასხვა ქვეყანაში ასი ათასობით მორბენალი ერთდროულად დაიწყებს რბენას. გარბენის ტრასის სიგრძე განსაზღვრული არ არის, არ არსებობს ფინიშის ხაზი. გამარჯვებული იქნება, ის, ვისაც ფინიშის მანქანა ბოლოს დაეწევა. სპორტის ისტორიაში მსგავსი ღონისძიება ჯერ არ ჩატარებულა.
მონაწილეობის მიღება ნებისმიერ მსურველს შეუძლია-როგორც მოხალისე მორბენალს, ასევე პროფესიონალ სპორტსმენებს (ასაკი 18+).
პიარისა და მარკეტინგული კომუნიკაციების კომპანია ჯეპრა აღნიშნული პროექტის მხარდამჭერი და თანაორგანიზატორია.