19 აგვისტოს, ბახმაროში ტრადიციული დოღი და სხვადასხვა სპორტული შეჯიბრებები გაიმართა. ამასთან ერთად სტარტი აიღო "მარნეულის სასურსათო ქარხნის" მწნილისა და მურაბის ფესტივალმა.
ბახმაროს დოღი წელს 4 ეტაპად, სხვადასხვა დისტანციაზე გაიმართა, რომლის დროსაც თითო ეტაპზე 3, საერთო ჯამში კი 12 გამარჯვებული გამოვლინდა. სხვადასხვა წონით კატეგორიასა და აბსოლუტურ წონაში შეჯიბრი ქართულ ჭიდაობაშიც გაიმართა. „მარგებელი ჰოლდინგმა“ წელს, სამი გამარჯვებული „ნაბეღლავისა“ და „ბახმაროს“ თასებითა და ფასიანი საჩუქრებით დააჯილდოვა.
ღონისძიებაზე, ადგილობრივ მცხოვრებთან ერთად, ცხენოსნობის მოყვარულები, ბახმაროს სტუმრები, ადგილობრივი ხელისუფლებისა და სპორტული საზოგადოების წარმომადგენლებმა მიიღეს მონაწილეობა, „მარგებელი ჰოლდინგი“ და „ტურიზმის ეროვნული ადმინისტრაცია“ ჟურნალისტების დასწრებას უზრუნველყოფდნენ სპეციალური მედიატურის ფარგლებში.

პიარისა და მარკეტინგული კომუნიკაციების კომპანია „ჯეპრა“ გარემოსდაცვითი საკითხების პრომოუშენსა და ამ მიმართულებით ცნობიერების ამაღლების კამპანიაზე მუშაობას იწყებს.

საკომუნიკაციო კამპანია იმ მნიშვნელოვანი მიმართულებების აქტუალიზაციას გულისხმობს, როგორიცაა დანაგვიანების პრევენცია, ნარჩენების მართვა, ბიომრავალფეროვნების განვითარება, პოლიეთილენის მასალის ზემოქმედება ფლორასა და ფაუნაზე, ადამიანის უფლებების დაცვა და ჯანმრთელობა, „ჯეპრას“ კამპანიის ძირითადი მიზანია, საქართველოში შექმნას ერთგვარი პლატფორმა გარემოსდაცვითი საკითხების დაგეგმარების, გადაჭრის, ადვოკატირების მიმართულებით, სადაც ჩართული იქნება, როგორც გარემოსდაცვითი საჯარო თუ კერძო უწყებები, ასევე სოციალურ საკითხებზე მომუშავე სამოქალაქო საზოგადოების ჯგუფები, საერთაშორისო ექსპერტები, ბიზნეს სექტორი და მედია.

პიარისა და მარკეტინგული კომუნიკაციების კომპანია, ჯეპრამ, უნარების განვითარებისა და შეფასების ცენტრთან (IDAC) ხელშეკრულება გააფორმა.

თანამშრომლობა გულისხმობს, IDAC-ის ინოვაციური პროდუქტის,  ბრენდინგსა და წარდგენას საზოგადოებისათვის.
 

24-25 ივლისს საქართველოს დამსაქმებელთა ასოციაციის ტრეინინგებისა და კონსულტაციის ცენტრის ორგანიზებით,
ჩატარდა ტრენინგი თემაზე: „ხარისხის მენეჯმენტის სისტემის შიდა აუდიტი“.
ტრეინინგის მიზანს წარმოადგენდა ISO 9001 მოთხოვნების ინტერპრეტაციის შესწავლა შიდა აუდიტის პროცესში.
კურსი მოიცავდა თეორიულ და პრაქტიკულ სწავლებას.
მონაწილეებმა, რომლებმაც სრულყოფილად და წარმატებით გაიარეს სატრენინგო პროგრამა და ჩააბარეს სპეციალური გამოცდა, გადაეცათ TÜV SÜD Industrie Service Gmb-ის შიდა აუდიტორის სერთიფიკატი.
სატრეინინგო პროგრამა ჩაატარეს TÜV SÜ-ის საერთაშორისო ექსპერტებმა, დოქტ. ულრიჰ კრაუზემ და ოლგა კოლჩინამ.

პიარისა და მარკეტინგული კომუნიკაციების კომპანია ჯეპრამ Huawei საქართველოსთან მორიგი ხელშეკრულება გააფორმა.

კონტრაქტი ითვალისწინებს, პრომოუშენს, სატელევიზიო რეკლამას, ფლეისმენთს, BTL- აქციების გამართვას, სოციალური მედია პლატფორმის დაგეგმვასა და განხორციელებას.

16 ივლისს, სასტუმრო „თბილისი მარიოტში“ მიწოდების ჯაჭვის სექტორული კვლევის შედეგების პრეზენტაცია გაიმართა, რომლის მხადამჭერები არიან საქართველოს ლოგისიტკის ასოციაცია, აშშ-ს Supply Chain Council-ი და აშშ-ს საერთაშორისო განვითარების სააგენტოს (USAID) ეკონომიკური აღმავლობის ინიციატივა (EPI).
კვლევაში მონაწილეობა მიიღო საცალო ვაჭრობის, წარმოების, ფარმაციის, სამომხმარებლო საქონლის გასაღებასა და ელექტროტექნიკის სფეროში მოღვაწე საქართველოში მოქმედმა 20 კომპანიამ. 

11 ივლისს, “საბვეის” რესტორანში (სპორტის სასახლესთან) „ფუდპანდა ჯორჯიასა“ და “საბვეის” ფრენჩაიზის მფლობელ “საბ დეველოპმენტ ჯგუფს” შორის ურთიერთთანამშრომლობის მემორანდუმი გაფორმდა.

მემორანდუმის ფარგლებში „საბვეის“ პროდუქტები სრულად გახდა ხელმისაწვდომი ფუდპანდა ჯორჯიას მომხმარებლებისთვის.
მემორანდუმს ხელი მოაწერეს “ფუდპანდა ჯორჯიას” დირექტორმა, გიორგი ქერქაძემ და „საბვეის“ ფრენჩაიზის მფლობელი ჯგუფის წარმომადგენელმა, გივი ორდენიძემ. ხელმოწერის ცერემონიალს, ფუდპანდას რეგიონალური დირექტორი, პაველ ნეტრება ესწრებოდა.
 

პიარისა და მარკეტინგული კომუნიკაციების კომპანია ჯეპრამ, შპს „ფუდპანდა ჯორჯიასთან” ხელშეკრულება გააფორმა.

თანამშრომლობა გულისხმობს, საიმიჯო და ცნობადობის გაზრდის PR კამპანიის განხორციელებას ჯეპრას მიერ.

23-27 ივნისს საქართველოს პარლამენტის ეროვნული ბიბლიოთეკის "ლიბერთი დარბაზში" პროექტის "საჯარო ბიბლიოთეკები ადგილობრივი განვითარებისთვის" ფარგლებში ტარდება ტრენინგი საპილოტე ბიბლიოთეკების (ხიდისთავი, ხულო, ნუკრიანი, ზუგდიდი) თანამშრომლებისთვის.
ბიბლიოთეკის თანამშრომლებისთვის ტრენინგს, ჯეპრას სოციალური მედიის მენეჯერი, ზურა ბალანჩივაძე ატარებს.
პროექტი "საჯარო ბიბლიოთეკები ადგილობრივი განვითარებისთვის" IREX-ის მიერ Beyond Access-ის პროგრამის ფარგლებშია დაფინანსებული და მისი მიზანია ისეთი ბიბლიოთეკის მოდელის პილოტირება, რომლის საშუალებითაც სოფლის მოსახლეობას ექნება შესაძლებლობა მიიღოს სხვადასხვა სახის სერვისები და საჭირო ინფორმაცია.

17 ივნისიდან 18 ივლისამდე ყირგიზეთის დედაქალაქ ბიშკეკში, „ჯეპრას“ უფროსი კონსულტანტი, კახა მაღრაძე მონაწილეობას მიიღებს USAID-ის მიერ დაფინანსებული „დემოკრატიული მმართველობისა და საჯარო ადმინისტრაციის გაძლიერების“ პროგრამის პროექტში, სადაც, ის მიწვეულია საერთაშორისო კონსულტანტის სტატუსით. მისი ძირითადი ამოცანა, სახელმწიფო საკადრო სამსახურის შიდა და გარე საკომუნიკაციო პროცესის გაუმჯობესების ხელშეწყობაა.
კახა მაღრაძე იმუშავებს ადგილობრივ საკონსულტაციო ჯგუფთან ერთად და საკადრო სამსახურის წარმომადგენლებთან შეთანხმებით, მიიღებს მონაწილეობას სამწლიანი საკომუნიკაციო სტრატეგიის შემუშავებაში და სახელმძღვანელოს შექმნაში, ასევე სამსახურის თანამშრომლების დატრენინგებაში.