14 ნოემბერს, „ქორთიარდ მარიოტში“ „მედია პორტალი“ მონიტორინგის პროექტის დასკვნითი პრეზენტაცია გაიმართა.
„მედია პორტალი“ ფონდ „ღია საზოგადოება - საქართველოს“ ფინანსური მხარდაჭერით 2013 წლის პირველი სექტემბრიდან ახორციელებდა პროექტს - „ფარული და პოლიტიკური რეკლამის მონიტორინგი 2013 წლის (საპრეზიდენტო) წინასაარჩევნო პერიოდში“.
პრეზენტაციის შემდეგ გაიმართა დისკუსია, რომლის მიზანიც იყო მედიის და პოლიტიკური პარტიებისათვის კონკრეტული რეკომენდაციების შემუშავება.
განხილვაში მონაწილეობდნენ მედია ექსპერტები, PR სპეციალისტები და არასამთავრობო ორგანიზაციების წარმომადგენლები.

8-9 ნოემბერს, ჯეპრას უფროსმა კონსულტანტებმა, სოსო გალუმაშვილმა და კახა მაღრაძემ, პროექტ JOIN-ის ფარგლებში სოფლის მეურნეობის სამინისტროს საინფორმაციო-საკონსულტაციო ცენტრების თანამშრომლებისთვის პირველ სამუშაო შეხვედრა გამართეს.
შეხვედრის მიზანი სოფლის მეურნობის სამინისტროს ტერიტორიული ორგანოების საინფორმაციო-საკონსულტაციო სამსახურებისთვის სტრატეგიული დოკუმენტის შემუშავება იყო,
სამუშაო შეხვედრა, არასამთავრობო ორგანიზაცია „სიდა“–ს ორგანიზებით ქალაქ სიღნაღში გაიმართა.

იხილეთ ფოტოები

ჯეპრას გამოკითხვაში პალიტრა, მაესტრო და ფორტუნა ლიდერობენ
24 ოქტომბრიდან 26 ოქტომბრის ჩათვლით, ქართული რადიოების საინფორმაციო გადაცემების სმენადობის რეიტინგის დასადგენად პიარისა და მარკეტინგული კომუნიკაციების კომპანია „ჯეპრამ“  საინფორმაციო საიტების მომხმარებლის გამოკითხვა ჩაატარა.
სპეციალური კითხვარი 8 საინფორმაციო პორტალზე იყო განთავსებული და გამოკითხვაში მონაწილეობა 8836 ადამიანმა მიიღო. რადიოების საინფორმაციო გადაცემების პოპულარობის მიხედვით ლიდერი წინა გამოკითხვასთან შედარებით შეიცვალა და პირველ ადგილზე რადიო პალიტრა გავიდა (21,3%),  რადიო მაესტრო მეორეზე (14,7%), ფორტუნამ (8.9%) შეინარჩუნა მესამე ადგილი, რადიო იმედი (8,8%) - მეოთხეზეა, აფხაზეთის ხმა (7%) - კვლავ მეხუთე ადგილზეა.

26 ოქტომბერს, კომპანია "ჰაიდელბერგცემენტის" ორგანიზებით თბილისის ზღვაზე ნახევარმარათონი გაიმართა. მასში მონაწილეობა 1500-მა ადამიანმა მიიღო.
თბილისიმარათონში საზოგადოებისთვის ცნობილ სახეებს შორის იყო დეპუტატი, ვალერი გელაშვილი.
წელს, გამარჯვებული მარათონელი მამაკაცებში,  გამომცემლობა „არეას“ წარმომადგენელი, ანატოლი ოლენიკოვი გახდა. მან 21 კილომეტრი 1 საათი, 15 წუთსა და 17  წამში  გაირბინა.  ქალებში კი ბანკი „რესპუბლიკის“ წარმომადგენელმა მარიელე კარმანიოლი გახდა. მან, აღნიშნული დისტანცია 1 საათი, 40 წუთსა და 19 წამში დასძლია. თბილისიმარათონის საკომუნიკაციო კამპანია ჯეპრამ უზრუნველყო.

იხილეთ ფოტოები: ნაწილი 1 ნაწილი 2 ნაწილი 3

25 ოქტომბერს, "თბილისი მერიოტში" ყველაზე მასშტაბური ბიზნეს დაჯილდოვება "Marketing Brilliance Awards"-ი გაიმართა.
ჯეპრამ საუკეთესო პიარ კამპანიის ნომინაციაში გაიმარჯვა.
ღონისძიების ორგანიზატორი ბრიტანული კომპანია, BOC- Global Events Group იყო.

იხილეთ ფოტოები

24 ოქტომბერს, marketer.ge-ს მოწვევით პიარსკოლამ BBC–ის პროდიუსერს - ტონი კოლს უმასპინძლა.
ტონი კოლმა პიარსკოლელებს საკუთარ გამოცდილებაზე ესაუბრა. კოლი ბრიტანეთში წამყვანი და აღიარებული მედია ექსპერტი და ტრენერია. გარდა BBC-ისა, იგი მუშაობდა ბრიტანეთის სხვადასხვა სახელმწიფო სტრუქტურებში, უტარებდა მედიასთან ურთიერთობის ტრეინინგებს ბრიტანელ მინისტრებს. 

იხილეთ ფოტოები

პიარისა და მარკეტინგული კომუნიკაციების კომპანია ჯეპრამ ხარისხის მენეჯმენტის სისტემის აუდიტი უკვე მეორედ გაიარა და შემდეგი სამი წლის სერტიფიკაცია მიიღო.
ჯეპრაში ხარისხის მენეჯმენტის სისტემის შემუშავება და დანერგვა 2007 წლიდან დაიწყო და ამავე წლიდან საქმიანობას ISO 9001:2008-ის სტანდარტების მიხედვით წარმართავს.
ჯეპრას სერტიფიკაცია გერმანულმა კომპანია TÜV SÜD -მა განახორციელა.

23 ოქტომბერს, "კარიტასისა" და "ჯეპრას" თანამშრომლობის შესახებ ფილმის მეორე ნაწილი გადაიღეს.
კარიტასის პროექტის ფარგლებში, რომელიც შეზღუდული შესაძლებლობების მქონე პირების დასაქმებას გულისხმობდა, ჯეპრამ სამთვიან ფასიან სტაჟირებაზე შეზღუდული შესაძლებლობების მქონე პირი (შშმპ),  ნათია კარტოზია აიყვანა.
ნათია, კომპანიაში სოციალური ქსელების მართვას უზრუნველჰყოფდა. მან სპეციალური სწავლება, ჯეპრას პრომოუშენ მენეჯერის, ხატია ალფაიძის მეთვალყურეობის ქვეშ გაიარა.

19 ოქტომბერს, ბათუმში, სასტუმრო შერატონში აჭარის მთავრობის ინსტიტუციური პოლიტიკის დოკუმენტების პრეზენტაცია/განხილვა გაიმართა.
შეხვედრის მიზანი  იყო აჭარის მთავრობის მაღალი რანგის მენეჯერებთისთვის დოკუმენტების გაცნობა, მათი კომენტარების,  მოსაზრებების და რეკომენდაციების მოსმენა. მომზადებული დოკუმენტები ხელს შეუწყობს პროცესების და პროცედურების სტანდარტიზაციას, ინსტიტუციურ გაძლიერებასა და დაინტერესებულ პირთა ჩართულობის უზრუნველყოფას.

იხილეთ ფოტოები

12 ოქტომბერს, ჯეპრამ კომპანია UFC-ის (გაერთიანებული საფინანსო კორპორაცია) ბრენდინგთან დაკავშირებით სამუშაო შეხვედრა გამართა. ვორქშოფი, კომპანიის ბრენდინგის პროცესის პირველ ეტაპს წარმოადგენდა და ითვალისწინებდა კვლევის პროცესის შეჯამებასა და საბოლოო შედეგების ჩამოყალიბებას.

იხილეთ ფოტოები